99% برضه ؟؟؟
صحيح بلد الشفافية
المهم زي ما شاركي قال ...كده يبقوا 65 واحد بس على مستوى الجمهورية أنا أعرف منهم سبعة أو تسعة
ده أنا منتشر قوي على كده
دي نقطة .. و نشد خط
_________________________
الشركة أعلنت بنفسها قبل كده أن الفتيس الجديد اوتوماتيك نزل لأن الـMMT غير ملائم لطبيعة المستهلك المصري
هو فعلا نسبة 1% من العملاء ممكن تغير خطط الوكيل ؟؟؟؟
إشي خيال يا ناس
دول محترمين قوي فعلا ...بزيادة يعني
__________________________
و بعدين بقى ...الفتيس ده كان برضه بيتقال إنه هايفضل ينزل مع الجديد ....لأن في شريحة كبيــــرة من العملاء بتفضله
هي الشريحة دي راحت فين ؟؟؟
ما عادش بينزل ليه ؟؟؟
__________________________
و برضه كان الفتيس خالي تماما من العيوب و العيب عيب سواقه
يعني القطع اللي جاية من بلاد بره دي علشان الفتيس ولا علشان السواقين ؟؟؟
يعني تروس و بلوف و كنترولات بدل المعيوبة
ولا ركب و أناكل و صوابع للسواقين
ولا ده معناه إيه ؟؟؟
_________________________
و أخيرا ...النقطة الأساسية
هو اللي يعمل عمله و يصلحها
يبقى بطل ؟؟؟؟؟
مش دس العربية الي اتباعت من غير ما تتشاف ؟؟؟؟
العباسية شخصيا كانت حاطة واحدة خليجي للعرض
وماكانش في تست درايف ..مع انهم منزلينلنا تقنية جديدة
ولما سألت ليه ...يقولك هو انت هاتجرب تويوتا يا محترم ؟؟؟!!!
الحقيقة ما بلعتهاش يومها
بس غيري بلعها
و أدي النتيجة
أنا على فكرة ما بعيبش على تويوتا
تويوتا عملاق كبير ما حدش يقدر يصغره
بس الوكيل اللي هنا لامؤاخذة يعني
بيلعب التلات ورقات
وعلى المكشوف
و في ناس عاجبها
المفضلات