الموضوع: مشورة عن مسمار بارة الدركسيون

المشاركة الأصلية كتبت بواسطة sabbagh

متعود اعمل تدوير للعجل و كشف على الزوايا و تظبيطها كل 10 الاف كم
المهم اخر مرة بعد ما كشفت على الزوايا و طلعت تمام نزلت تحت العربية عشان ابص بصة و اطمن كعادتى
اكتشفت قطع صغير فى الكوتشة اللى بتحوط مسمار بارة الدركسيون اليمين
السؤال هو ما الاضرار اللى ممكن يسببها هذا القطع و كيف يمكن تلافيها مع العلم ان الكوتشة لا تباع وحدها فيما أعلم

حضرتك تقصد كاوتشة البيانو؟؟؟

لو فيها قطع كبير يبقه هتدخل تراب و رمل و مع الحركة هذا التراب و الرمل سيعمل بمثابة صنفرة للبيضة و يحصل فيها بوش فى وقت أقل من عمرها الإفتراضى (ممكن لو قطع صغير تكبر دماغك شويه بس تتابعه لأنه هيزيد و الأفضل طبعا تغييرها بس ده هيحتاج تفك البارات و تضبط وةايا تانى)

لو حضرتك تقصد الكاوتشه الصغيرة اللى بين البارات و العجل.....ده تغييرها أسهل بكتير.......مجرد هتفك البارة من العجل و تحط الجديدة و تركب الباره فى العجل تانى وو أضرار انها تبقه مقطوعه هى بردو نفس أضرار دخول التراب و الرمل فى البضه بتاعتها زى ما وضحت قبل كده.

أيوه تمام هى الكاوتشه اللى حوالين مسمار البارة بس خانى التعبير و ده عمرها ما تكون السبب فى تخبيط أو غيره زى ما بعض الإخوه قالوا و كل و ظيفتها زى ما قولتلك انها تمنع التراب انه يدخل فى البيضه...... حاول تغيرها لو مقطوعه قوى خصوصا و إن تغييرها مش هياخد 10 دقائق عند أى مكانيكى..... إسأل عليها فى التوكيل و لو ما لاقيتهاش إسأل عليها فى محلات قطع غيار اليابانى و مش مهم قوى تكون أصلى لأنها مش بتقوم بدور أكتر من اللى قولتهولك.