الموضوع: عضو جديد ومحتاج اقرر

مادام يهمك الشد و الجرى و الثبات و متعة القيادة و الكماليات هية الجين 2 مفيش غيرها بص على الفيديوهات الى انا حاطتها فى منتدى بروتون و العربية حتعجبك اوى اوى

المشاركة الأصلية كتبت بواسطة 3mr Farrag

استاذ tutankhamoun
اولا الجين 2 اللي جايبها ....التبلوه الاسود في رمادي ولا البيج؟؟؟
ثانيا الزراير بتاعت الزجاج بتحس انها ضعيف و بزيق او خامتها لاديئه ولا لأ؟؟
لأني جربت الجين 2 موديل اعتقد 2006 و كان الزراير يتزيق

عربيتي يا أستاذ عمرو التابلوه بتاعها لونه أسود
و الزراير لا بتزيق و لا حاجة و تقفيلها كويس جدا جدا
و أنا عربيتي موديل 2007

معظم متطلباتك موجودة في الجين تو عدا الجودة (معلش يا توت عنخ أمون أنا شفت و ركبت و عارف ناس عندهم العربية) و كمان موضوع العمر
أنا واحد صاحبي عنده جين تو سوده فيها مشاكل كتيير

أستاذ محمد .... أهلا بك
هل من فضلك تقوم بتعريف الجودة ؟؟؟؟؟؟؟؟؟
هل تقصد جودة السيارة و جودة التقفيل ........ ؟؟؟ أم جودة التابلوه ؟؟؟؟
أنا لا أدافع عن السيارة بأي شكل من الأشكال و لكني أقول ما لها و ما عليها
أنا لم يظهر معي أي عيب من العيوب التي ظهرت في الموديلات السابقة لموديل 2007 و أيضا أنا مازلت تحت اول 1000 كيلو متر ........ يمكن العيوب دي تظهر لاحقا !!!
و لكن حتى الآن السيارة ممتازة
قوة .... متانة صاج فظيعة ........ جمال ....... كماليات ...... استهلاك للبنزين جيد ...... قطع غيار موجودة إن شاء الله ......... أسعارها معقولة ......
و أنا زي ما قلت من قبل ......... التابلوه تم صناعته من بلاستيك يوحي بالرخص في السعر و هو فعلا بلاستيك ليس جيد ..........
نعرف يا أستاذ محمد أنا أول مرة أستمتع بقيادة هذه السيارة كان يوم أمس و الطرق خاليه من الأخوة أياهم ......... و بعديم العربية برضه أعتقد أنها بدأت تفتح في السحب و الجري بعد حوالي 900 كم ....... لأني في البداية لم أشعر بقوتها !!!!!!!!
و لكن السيارة ما شاء الله ........ كلامي لن يعطيها ما تستحق
و أنا أراها من أفضل السيارات في فئة تحت 100 ألف جنيه
و في رأيي الشخصي البحت ( رأي شخصي يرجع لي و ليس حقيقة ) أفضل من الياريس و الهوندا سيتي ........ من فضلكم يا أصحاب تلك السيارتين بلاش تهاجموني لأن ده رأيي الشخصي

المهم موديل 2007 مختلف عن باقي الموديلات و لم يظهر به مشاكل كالتي ظهرت في الموديلات السابقة

المشاركة الأصلية كتبت بواسطة tutankhamoun

الجين 2 متنفعش في سواقة وسط البلد كتير ........ و الأفضل عربية 1300 علشان توفر معاك في البنزين
أما لو معظم مشاويرك على طرق فيها جري و سرعة يبقى الجين 2 تاكل كل العربيات موضع المقارنة

استاذي العزيز
ليه العربيه ما تنفعش في وسط البلد ده انا كنت معجب جدا بالعربيه دي وشغلي في وسط البلد وكنت عايز اشتري الاتوماتيك
هو انا مشواري حوالي 80 كيلو رايح جاي بس في منهم حوالي 10كيلو جوه البلد
هل علشان استهلاك البنزين بس ولا في حاجه تانيه
ويا ترى استهلاك البنزين عامل معاك ايه وعربيتك مانيوال ولا اتوماتيك

المشاركة الأصلية كتبت بواسطة sharky

أستاذ tutankhamoun أولا الف مبروك شرائك للعربية و ربنا يبارك لك فيها
ثانيا محدش حيهاجمك من ملاك العربييتين لإن من حقك يا باشا تقول رأيك

لكن الجين 2 عربية ممتازة فعلا لكن عيبها الأساسى اللى معروفه به هو تقفيلها السئ و دا بيشتكى منه كتير من ملاك السيارة و أنا عن نفسى ليه واحد صاحبى معاه جين 2 و دائما بيشتكى من التوكيل السئ و التقفيل السئ و حضرتك ممكن تشوف اللينك دا
http://www.nilemotors.net/Nile/showthread.php?t=10722

شاركي باشا ....... أهلا بيك
أولا بالنسبة للعيوب اللي ذكرها أخونا محمد الحسين ( مشكورا طبعا ) هي كالتالي
عيوب الجين (وجة عام)
1 خامات التابلوة مش قد كدة
2 عيوب التقفيل
(سنتر - زجاج - مفتاح المرايات الكهرباء - انذار - لمبة الصالون )
4 لمبة الengine بتنور لو حطيت بنزين 90 او 92 من بنزينة وحشة (حساسة زيادة عن اللزوم )
5 صوت خفبف ومشهور عند لف الدريكسون (في الاول بيظهر الصوت دة )
6 في بعض الناس اشتكت من المساعدين بس قليل اووي
7 صوت الموتور علي نوعا ما بس صوت عالي تحب تسمعة يحسسك بقوة الموتور مش عالي يضايقك
علي رأي سبعاوي (زئير الاسد)
8 سسمعت بعض شكاوي من مواتير المساحات
9 كنت بقول علي استهلاك البنزين عالي بس طلع معظم المواتير ال 1600 التوماتيك زيها
يعني هيا زي اللانسر كدة
10 العربية تحت ال RPM 3 بتكون بطيئة نوعا ما
وبعد ال 3 بتكون طلقة
11 فيها بعض المشاكل في الكهرباء (مرة من غير ما احس وانا بعمل صيانة قالي في عندك ماس في ضفيرة
الكهرباء لما بتشغل المساحات علي اقصي سرعة )
مع اني كنت بشغلها ولو حسيت بحاجة وعملوهالي لوحدهم
12عربية ضيقة من ورا
13عر اعادة البيع مش حلو وان كان احسن من الواجا
-------------
كل دي عيوب ظهرت في عربية موديل 2006 أو 2005
و أنا عربيتي لا يوجد بها أي عيب من العيوب دي و لا أتفق الا في العيب رقم 1 و العيب رقم 13
أما باقي العيوب لم يظهر معي أي عيب منهم على الاطلاق و لو اني مازلت في التليين و في أول 1000 كم و يمكن حاجة تظهر ( إن شاء الله ربنا يسلم )
أما العيب رقم 10 بتاع موضوع ال RPM
فلا أتفق معه في أنه عيب .......... و لكنه من مواصفات السيارة نظرا لأن السيارة رياضية بالدرجة الأولى و هذا ما أكتشفته بعد ما أشتريتها و لذلك نصحت الأخ صاحب الموضوع أنه مايشتريش الجين 2 لو هايسوقها في وسط البلد معظم الوقت

و شكرا يا باشا

المشاركة الأصلية كتبت بواسطة magedfarid

استاذي العزيز
ليه العربيه ما تنفعش في وسط البلد ده انا كنت معجب جدا بالعربيه دي وشغلي في وسط البلد وكنت عايز اشتري الاتوماتيك
هو انا مشواري حوالي 80 كيلو رايح جاي بس في منهم حوالي 10كيلو جوه البلد
هل علشان استهلاك البنزين بس ولا في حاجه تانيه
ويا ترى استهلاك البنزين عامل معاك ايه وعربيتك مانيوال ولا اتوماتيك

بص ياباشا ........... 10 % بس في وسط البلد ( أقصد زحمة خانقة ) يبقى مش مشكلة
و انا بقول كدا علشان استهلاك البنزين بس
يعني لو واحد ساكن في وسط البلد و كل تحركاته في الزحمه ....... يبقى عربية 1600 ملهاش أي لزمة لأنها بتستهلك بنزين أعلى من العربيات التاني التي أقل في السعة اللترية

و انصحك تشتري موديل 2008 الأوتوماتيك علشان فيه تكنولوجيا جديدة و علبة الغيارات بتاعته من النوع الحديث CVR اللي بيفور في البنزين و يعيطك عزم عالي
و برضه سيتم تحديث بعض الحاجات اللي في الموتور لجعله يعطيك أداء أفضل
و برضه لو حضرتك تتابع ردي على الأستاذ شاركي
و تتابع الرابط الذي أرفقه لي ........ سيفيدك ......... و لا تنسى أن معظم العيوب ظهرت في الموديلات 2005 و 2006 فقط
فلم أسمع عن سيارة موديل 2007 بها أي عيوب
و الله الموفق و أنا تحت أمرك في أي سؤال و إن شاء الله تابع على المنتدى و أنا سأضع رأيي و تجربتي مع السيارة أولا بأول لأني كما قلت مازلت في أول 1000 كم
و السلام ختام