أخر الأخبار ... امبارح وانا ماشى بالعربية وكنت لسة خارج من البيت وبعد دقيقتين تقريباً لقيت لمبة الاتشيك بتنور تانى .... قلت بس .. تمام ... اجرى بسرعة على المركز اللى عملت عنده اسكان ... وهى فى وقتها ومنورة ... وفعلاً ذهبت للمركز وفكرته بنفسى انى عملت عنده اسكان من كام يوم وشاف اللمية المنورة ... وهووووووب راح زارع فيشة الجهاز فى العربية وداس على كام زرار شكله مافهمش حاجة ... ولقيته عمال يعمل Erase للهيستورى ويعمل تشيك تانى وهكذا حوالى 3 أو 4 مرات ... فقلت له انت بتعمل إيه بالضبط ؟؟؟؟ قاللى انا لعمل (( أرث ))) علشان اتأكد من أن العطل ده موجود حالياًً ... يعنى إيه مش مهم ... المهم نطقة لكلمة Erase .. نطقها زى Earth أنا سمعتها وقلت فى نفسى .. قشطة .. إللى خلاه مش عارف ينطق كلمة يبقى هيفهم الجهاز اللى معاه ... وراح فاتح الكبوت وشايل حساس الأيدل ... اللمبة طفت ... راح مركبه تانى واستنى شويه .. اللمبة لسة مش منورة ... وتمام يا معلم .. الدنيا زى الفل .... و 30 جنيه سكان ... وقاللى انت لازم تعمل ((سيييرفييييز)) service كامل للعربية بــ 200 جنيه بس .. ننظف الحساسات والرشاشات والبوجيهات ... يا بلاش... ... وشكراً ومشيت من عنده ومش هروح ناحيته تانى. على فكرة .. أول مرة رحت فيها المركز ده علشان أعمل سكان .. الشخص اللى قابلنى وطلبت منه كده قاللى ثوانى انتظر (الباشمهندس) اللى بيعمل الاسكان اللى هو الشخص اللى انا بتكلم عنه دلوقتى .. ومتصور فى الاعلان بتاع المحل لابس بالطو أبيض ... ده دكتور بأه مش مهندس بس.....
المفضلات