انت بتحسب إستهلاك البنزين ازاى؟؟
لو انت بتحسبه بالنظر الى مؤشر البنزين (يعنى لما يكون فى نص المؤشر يبقى كده 20 لتر مثلا) يبقى انت كده بتحسب غلط
لأن عوامة البنزين بتمشى بطئ لما يكون التانك مليان وبتكون أسرع لما التانك يبدأ يفضى
وده اللى حضرتك لاحظته فى موضوع المؤشر
الطريقة الصحيحة لقياس استهلاك البنزين هو انك تفول العربية على أول تكلة فى المسدس وتبدأ تحسب عدد الكيلومترات المقطوعة
بعد كده تدخل تفول تانى لحد أول تكة برضه وتشوف انت استهلكت كام لتر (اللى انت فولته تانى مرة)
تقسم عدد الكيلومترات المقطوعة / عدد اللترات اللى انت حطيتها فى المرة التانية وتضرب الناتج فى 20
العدد اللى هايطلع هو استهلاك عربيتك ( كم / صفيحة)
المفضلات