عضة في فتيس النيو اكسنت

**MNBahr** · 11-02-2010 05:08 AM

عندي عضة في الأول والتاني..أعمل إيه..العربية مكملتش 5000 كيلو !!

**EGYCARS** · 11-02-2010 10:16 AM

متابع باهتمام

**khmshry** · 11-02-2010 10:39 AM

المشاركة الأصلية كتبت بواسطة mnbahr

عندي عضة في الأول والتاني..أعمل إيه..العربية مكملتش 5000 كيلو !!

السلام عليكم أولآ قبل أي شيء عليك تسخين السيارة جيدآ لأن زيت الفتيس بيكون بارد وعندما يسخن زيت الفتيس لن تشعر بهذه العضة كمان لما تييجي تنزل بالفتيس من الثاني للأول عليك أنك تنور مثلآ ثم الأول عادي وبعدين لازم السيارة تكون واقفة مش ماشية مش من الثاني للأول علي نفس الأتجاه علي طول

**BassamHafez** · 13-02-2010 12:00 PM

المشاركة الأصلية كتبت بواسطة khmshry

السلام عليكم أولآ قبل أي شيء عليك تسخين السيارة جيدآ لأن زيت الفتيس بيكون بارد وعندما يسخن زيت الفتيس لن تشعر بهذه العضة كمان لما تييجي تنزل بالفتيس من الثاني للأول عليك أنك تنور مثلآ ثم الأول عادي وبعدين لازم السيارة تكون واقفة مش ماشية مش من الثاني للأول علي نفس الأتجاه علي طول

على فكرة انا عندي نيو اكسنت 2009 وعندي نفس المشكله وقولتها للتوكيل كذا مرة ومعملوش اي حاجة وغيرت زيت الفتيس كمان ومعملش اي حاجة بي الفكرة ان انا لما بمشي مشوار طويل الدنيا بتتظبط وده معناه ان زيت الفتيس تقيل وعايز وقت طويل عشان يسخن لان انا بسخن العربية كويس بس العضة مش بتروح الا بعد مشوار طويل وكنت عملت موضوع عشان البحث عن حل بس محدش رد الرد الوافي

وكنت اقترحت ان احنا نجرب نحطزيت شل الترا بدل زيت الفتيس على اساس انه خفيف شويه وممكن يسخن اسرع بس الناس عارضتني فخوفت اجرب

يا ريت لو حد عنده حل يقول لاني اتخنقت من الموضوع ده وبفكر ابيع العربيه بسببه

**ahmadmidop** · 14-02-2010 02:39 AM

معلش ياجماعة هوا المقصود بالعضة ان النقلة مبتجيش ولا معناها ان النقلة ليها صوت

**osos_lion** · 14-02-2010 03:35 AM

انا معايا نيو اكسنت 2008 وعندي نفس المشكله وقلتهالهم فالتوكييل الصيانه الي فاتت ومعملوش حاجه
والي مش عارف يعني ايه عضه يعني الفتيس بيرزع ودي بتحصل اكتر علي الثاني
وكمان المارشديير كتير جدا بيعلق وميرضاش يجي
ملاحظه هامه : لو جيت تقلهم علي اي مشكله فلفرامل او الفتيس او الزوايا او اي حاجه من الي مبتظهرش الا وانت ماشي بالعربيه يقولك لا دا عادي ودي مش مشكله ولا حاجه ويحسسك انك من كوكب تاني
إقتراح هام جدا
لو كده نتجمع ونروح التوكيل مره واحده (كل الي عنده العيب ده بس)
ونشوف هيعملو ايه وانا اولكو حد جي؟

**dr_walid** · 14-02-2010 08:34 AM

السلام عليكم انا عندى نفس المشكلة

و دى مضيقانى جدا
قرات خبر فى الاهرام الجمعة صفحة 7
ان حماية المستهلك المصرية الزمت تويوتا باصلاح ناقل الحركة على نفقتها فى موديلات 2008 2009 لموديل تويوتا كورولا و عددهم 6500 سيلرة
و بدون تحمل اى مصاريف على العميل
لبيلن وجود عيب في السيارة كورولا mmt
و تعددت الشكاوى من العملاء لجهاز حماية المستهلك
فى رايكم لو نتفق و نروح مع بعض و نعمل شكوى
لان الحقيقة كل ما نروح التوكيل هايقول دى تمام و مفيش حاجة
فيريت نتفك ونروح وان شاء اللة تجيب نتيجة

**BassamHafez** · 14-02-2010 01:40 PM

المشاركة الأصلية كتبت بواسطة osos_lion

انا معايا نيو اكسنت 2008 وعندي نفس المشكله وقلتهالهم فالتوكييل الصيانه الي فاتت ومعملوش حاجه
والي مش عارف يعني ايه عضه يعني الفتيس بيرزع ودي بتحصل اكتر علي الثاني
وكمان المارشديير كتير جدا بيعلق وميرضاش يجي
ملاحظه هامه : لو جيت تقلهم علي اي مشكله فلفرامل او الفتيس او الزوايا او اي حاجه من الي مبتظهرش الا وانت ماشي بالعربيه يقولك لا دا عادي ودي مش مشكله ولا حاجه ويحسسك انك من كوكب تاني
إقتراح هام جدا
لو كده نتجمع ونروح التوكيل مره واحده (كل الي عنده العيب ده بس)
ونشوف هيعملو ايه وانا اولكو حد جي؟

معلش انت قصدك ايه ب بيرزع

انا اقصد من العضة ان النقلة مش بتيجي بسهوله كأن الفتيس محشور في حاجة

صح ولا انا غلطان

وبالنسبه لنقطة ان احنا نروح التوكيل سوى انا بأيد الفكرة تماما ومعاك فيها

**BassamHafez** · 14-02-2010 01:42 PM

المشاركة الأصلية كتبت بواسطة dr_walid

السلام عليكم انا عندى نفس المشكلة

و دى مضيقانى جدا
قرات خبر فى الاهرام الجمعة صفحة 7
ان حماية المستهلك المصرية الزمت تويوتا باصلاح ناقل الحركة على نفقتها فى موديلات 2008 2009 لموديل تويوتا كورولا و عددهم 6500 سيلرة
و بدون تحمل اى مصاريف على العميل
لبيلن وجود عيب في السيارة كورولا mmt
و تعددت الشكاوى من العملاء لجهاز حماية المستهلك
فى رايكم لو نتفق و نروح مع بعض و نعمل شكوى
لان الحقيقة كل ما نروح التوكيل هايقول دى تمام و مفيش حاجة
فيريت نتفك ونروح وان شاء اللة تجيب نتيجة

انا رايي نجرب مع المهندس عاطف الاول في التوكيل وهو متعاون ولما يلاقينا كتير هيعرف ان دي مشكلة فعلا

ولو بعد كده لم نجد نتيجة نروح لحقوق المستهلك

ايه رايكم يا جماعة