سؤال بخصوص الخرابيش اللي في العربيه

**Hikayat** · 11-02-2010 07:09 AM

* انا كنت عاوز اسال .. انا العربيه عندي فيها خرابيش كتير اووي ( العيال بقي لما بتلعب والناس اللي بتحب تكتب اسمها ) مش عارف اعمل فيها ايه ؟
جبت قلم دوكو اسود من عند واحد بتاع بويه ومشيت بيه ع الخربشه وفعلا لقيت الخربشه راحت بس بعد يوم او يومين اللون بتاع الدهان اللي دهنته ده لونه بيفتح وبيبان وبيدي منظر وحش فكنت عاوز اعرف لو ليها حل الخرابيش دي ولو في قلم دوكو بيتباع بنفس لون العربيه ؟؟

* وكنت عاوز اسال كمان علي غسيل العربيه ... المفروض اوديها البنزينه بحد اقصي كل اد ايه علشان البرومه متكلهاش ؟؟

**Hikayat** · 11-02-2010 09:16 PM

ايه يا جماعه محدش عارف خااالص ولا ايه ؟
وكنت عاوز اسال سؤال كمان .. ( معلش بتقل عليكم ) ... كنت عاوز اسال انا المفروض اشمع العربيه كل اد ايه ؟ واشمعها فين ؟؟
انا من الزقازيق وكنت عاوز اعرف فين اقرب حد مشهور و كويس ممكن اشمع العربيه عنده ؟؟

**hemaaa** · 11-02-2010 09:29 PM

بص الحل الامثل انك تدهنا بس طبعا الواحد مش هيدهن عشان خرابيش بسيطه

فى حل تانى فى بوليش انجليزى بلون العربيه بيتباع فى اى سوبر ماركت on the run

او عند امارات ده هيزيل الخدوش البسيطه بس مش الخدوش الجامده

هاته وجربه

**A7MED_PHARMA** · 11-02-2010 09:30 PM

أهلا بأهل الزقازيق ..ده أحنا ولاد بلد واحدة بقا

بص ياسيدي

في حاجة إسمها سنفرة
في واحد في ميت غمر إسمه قـــــــــدري..بيسنفر العربية كلها
وده بيسيح الخرابيش إلي في جسم العربية في بعضها ..وبعد كده بيعملها بولش وكومباوند

.
واحد صاحبي عملها ..وقالي كويسه جدااااااااااااا

.
ومايجيش في بالك إن كلمة سنفرة ..يعني هينزل البوهيه بتاعة العربية
لا
هوا له حرفيته في شغله

**Hikayat** · 12-02-2010 06:48 PM

المشاركة الأصلية كتبت بواسطة a7med_pharma

أهلا بأهل الزقازيق ..ده أحنا ولاد بلد واحدة بقا

بص ياسيدي

في حاجة إسمها سنفرة
في واحد في ميت غمر إسمه قـــــــــدري..بيسنفر العربية كلها
وده بيسيح الخرابيش إلي في جسم العربية في بعضها ..وبعد كده بيعملها بولش وكومباوند

.
واحد صاحبي عملها ..وقالي كويسه جدااااااااااااا

.
ومايجيش في بالك إن كلمة سنفرة ..يعني هينزل البوهيه بتاعة العربية
لا
هوا له حرفيته في شغله

ازيك يا باشا .. عامل ايه ؟
طبعا ولاد الزقازيق منورين الدنيا

صعب اوووي برده يا باشا انزل ميت غمر مخصوص علشان الخرابيش لان الخرابيش دي تقريبا بتحصل بشكل اسبوعي ( انت عارف بقي اطفال الشرقيه )

كنت عاوز اسال حضرتك سؤال تاني ... انت بتتعامل مع محل اكسسوارات ايه في الزقازيق ؟
يعني انهي احسن واحد ..... انا بتعامل مع الزعيم اللي عند موقف المنصوره .. هوه حلو بس غالي جدا جدا جدا

**modyficg** · 21-02-2010 11:28 PM

1/ اشتري غطاء للسيارة
2/ فكر قبل ما تركن السيارة
هل المكان الي انا بركن فية ملط او ملطش
استنضف مكان للركن بعيد عن مداخل السيارات ومخارجها
لو فية جراش او خفير تركنها جنبة
3/ متستهونش بوقت الركن يعنى متقلش دا انا نازل رايح اجيب دوا من الصيدلية بسرعة وراجع بسرعة لا غطيها برضة
انا من الزقازيق الحناوى بتعامل مع واحد بتاع اكسسوار اسمة حجتزى فطلعة كوبري الساغة من ناحية لكوظ بجوار اولاد عفارة لقطع غيار السيارات اليابنية بلكوظ ومش اوى بس افضل من الزعيم سعرا
ولو انت جدع جمع كام حاجة انت عاوزهم وانزل التوفيقية وفاصل جامد وياسلام لو مش رايح مخصوص يكون افضل