ديسك واسطوانة

**ahmadmidop** · 14-02-2010 02:20 AM

يبقى الديسك بس اللي سليم ولا الاسطوانة معاه

**damasry** · 14-02-2010 03:22 AM

المشاركة الأصلية كتبت بواسطة ahmadmidop

يبقى الديسك بس اللي سليم ولا الاسطوانة معاه

وبعدييييين

**TaoTao** · 15-02-2010 10:50 AM

المشاركة الأصلية كتبت بواسطة amrbakly

و يومها دوخت السبع دوخات علشان أجيب بلية زي بلية الفابريكية

متفركنيييييييييييش كان يوم غير لطيف بالمرة

طب سؤال جانبي عن الأونو .. هي قطع غيارها صعبة كدة؟!!

**amrbakly** · 15-02-2010 11:59 AM

المشاركة الأصلية كتبت بواسطة taotao

طب سؤال جانبي عن الأونو .. هي قطع غيارها صعبة كدة؟!!

لا هي مش صعبة بقدر ما أنا و الميكانيكي بتاعي محسوكين شوية و بنحب نجيب الحاجة النضيفة

يعني انا مثلا حديك مثلا .... انا من فترة الكوعة الكاوتش اللي من الريداتير لوش السلندر سربت شوية مية و كانت يادوبك عايزة يتقطع منها حتة .... روحت جبت الأصلي بتاعتها البرازيلي بـ 70 جنية من الكيلاني

رغم ان الإيطالي العادية بس مش فيات بـ 35 جنية

و فعلا لما تمسك الإتنين تعرف الفرق .... انا شخصيا مقتنع أن الميكانيكا و الكهربا بتاعت العربية متجيش غير اصلي و بس

**TaoTao** · 15-02-2010 03:37 PM

تمام ربنا يطمن قلبك، حسك مين هاتعبك معاعايا بقى عشان باخلص في واحدة ويارب تكون كويسة وبنت حلال وماتتعبنيش

**asaeed** · 17-02-2010 12:53 PM

طيب يا جماعة أنا لاحظت أن بمجرد لما أركب معايا 4 أشخاص في العربية ألاقي صوت الموتور علي شوية وده قبل ما أمشي بيهم ... دي حاجة..
الحاجة الثانية: لاحظت أن لما العربية تكون محملة أشخاص يبقى في رعشة ورجرجة بسيطة في الطلعة... بس انا مش عارف الموضوع ده عيب في رجلي على الدبرياج ولا إيه لأن انا رجلي بتبقى ثقيلة على الدبرياج.. فلما لاحظت الموضوع ده حاولت أخفف رجلي من على الدبرياج وأدوس سنة بنزين لاقيت مافيش رجرجة ولا رعشة...
المشاكل دي بتحصل لما بتكون العربية مليانة أشخاص العربية بتاعتي بولونيز
فممكن حد يفسر لي الموضوع ده وجزاكم الله خيراً

**amrbakly** · 17-02-2010 01:10 PM

المشاركة الأصلية كتبت بواسطة asaeed

طيب يا جماعة أنا لاحظت أن بمجرد لما أركب معايا 4 أشخاص في العربية ألاقي صوت الموتور علي شوية وده قبل ما أمشي بيهم ... دي حاجة..
الحاجة الثانية: لاحظت أن لما العربية تكون محملة أشخاص يبقى في رعشة ورجرجة بسيطة في الطلعة... بس انا مش عارف الموضوع ده عيب في رجلي على الدبرياج ولا إيه لأن انا رجلي بتبقى ثقيلة على الدبرياج.. فلما لاحظت الموضوع ده حاولت أخفف رجلي من على الدبرياج وأدوس سنة بنزين لاقيت مافيش رجرجة ولا رعشة...
المشاكل دي بتحصل لما بتكون العربية مليانة أشخاص العربية بتاعتي بولونيز
فممكن حد يفسر لي الموضوع ده وجزاكم الله خيراً

بص هو دة طبيعي في الأونو لأنها مسكينة برضة و 1000 سي سي و بتاع فكل ما تحمل اكتر تبقي العربية اتقل شوية

رغم أن الأونو بتاعتي و الله ببقي محمل 4 و ساعات مشغل التكييف و بتجيب 120 مرتاحة، اة بتاخد وقت شوية علي ما تجمع بس بتجيب عادي

انما البولونيز 1600 غريبة دية شوية، بس في الغالب دة ممكن يكون أن الأسطوانة تعبانة شوية بس لسة مش محتاجة تتغير يعني

**asaeed** · 17-02-2010 01:41 PM

المشاركة الأصلية كتبت بواسطة amrbakly

بص هو دة طبيعي في الأونو لأنها مسكينة برضة و 1000 سي سي و بتاع فكل ما تحمل اكتر تبقي العربية اتقل شوية

رغم أن الأونو بتاعتي و الله ببقي محمل 4 و ساعات مشغل التكييف و بتجيب 120 مرتاحة، اة بتاخد وقت شوية علي ما تجمع بس بتجيب عادي

انما البولونيز 1600 غريبة دية شوية، بس في الغالب دة ممكن يكون أن الأسطوانة تعبانة شوية بس لسة مش محتاجة تتغير يعني

هي مش غريبة لأن العربية البولونيز معروف عنها أن الصاج والبودي بتاعها ثقيل جداً وناس كتير بتقول أن العربية دي عايزة موتور 2000 سي سي علشان يجر (المدرعة الملاكي دي) أنا إللي أطلقت عليها هذا الاسم
على فكرة أنا لسة عامل طقم شنبر كامل للموتور ومغير الإسطوانة بأخرى استيراد من شهر 11 إللي فات، وغلطتي ماجبتهاش جديدة خصوصاً أن الفرق مش كتير بس طبعاً في فرق في سرعة التجميع عن ما كانت عليه العربية قبل العمرة بس الحمد لله على كل شيء
بس هي العربية عندي لما بأركب أنا وزوجتي، تديها طريق وساعتها بتبقى عاملة زي الريح خصوصاً أن البولونيز ثقيلة وبتبقى راسية جداً على الطريق أيا كانت السرعة إللي ماشي عليها

-

الموضوع: ديسك واسطوانة

LinkBack

أدوات الموضوع

عرض

-

-

-

-

-

-

المواضيع المتشابهه

ديسك واسطوانة 405

ديسك واسطوانة لانسر كريستالة يعملوا كام؟

ديسك واسطوانة نوبيرا

سعر ديسك واسطوانة اوكتافيا a4 2000

ديسك واسطوانة 128 مستغنى عنهم

الكلمات الدلالية لهذا الموضوع

المفضلات

المفضلات

ضوابط المشاركة