الموضوع: حكاية الكستبانات

المشاركة الأصلية كتبت بواسطة danash

طبعا اكيد مشكلة الصوت العالى عند الدوارة الصبح موجودة عند تاس كتير المهم كان طنانى اقترح موضوع الرشاشات روحت امبارح التوكيل مقار عندنا فى اسكندرية فى الأزاريطة المهندس راجل شكله فاهم زى نصحى قال لى الكستبانات فيها مشاكل وعايزة تتغير سعرها 750جنيه غير التركيب وشوية الجوانات وش السلندر والتاكيهات المهم خدت الكلام وروحت للميكانيكي بتاعى قال لى نفس الكلام بس قال لى مبدئيا نغير الزيت والفلتر ونحط زيت شمبر ابرو امريكانى ونشوف الدنيا اخبارها اية من امبارح الكلام ده حاوافيكم بالنتيجة ولو حد عند ملاحظة احب اعرف اكيد الطريقة دى ارخص لو جابت نتيجة بيقول زيت الشمبر بيلين البلوف اللى هى الكستباناتشكلى اتليفت ممكن زيت الشمبر مش كويس للموتور

_الكستبان عباره عن اسطوانتين معدن داخل بعض وبينهم سوسته وثقب يغذيه بالزيت للتليين وده بديل لنظام التاكيهات في العربيات القديمه ..الكستبان يبوظ لما يدخله رواسب من الزيت اللي مش نظيف -السوسته تبوظ نتيجه ارتفاع حراره المحرك او يكون عمرهاانتهي .
_عاوز تتعرف علي صوت الكستبان وهو بايظ , دور العربيه الصبح وهي بارده هتسمع صوت تكتكه زي صوت موتور اللادا ولما الموتور يسخن الصوت بيخف كتير .
_الكستبان ثمنه 65ج جديد الماني واستعمال 25ج وعربيتك فيها 8 كستبانات .وانت بتغير الكستبانات احتمال كبير تغير شواكيش الكستبانات اللي بتكون راكبه عليها من فوق وده بنفس سعر الكستبان تقريبا .
_مش صحيح انك لما تغير كستبان لازم تغير جوان وش السلندر واللي يقوللك كده اما غشيم او عاوز يفتح لنفسه شغل ,انا غيرت كستبانين وشاكوش من حوالي 4شهور ومااحتجتش اغير جوان السلندر لان ببساطه شغل الميكانيكي في بيت الكامه فقط(الموتور3 ادوار فوق بعض الدور الاول هو البلوك والدورا لثاني هو السلندر والثالث هو بيت الكامه) هو هيفك ال8 مسامير الكبار ويشيل بيت الكامه من غير مايحرك جزء السلندر ويركب تاني بكل بساطه.يارب اكون افدتك واي سؤال انا تحت امرك .

المشاركة الأصلية كتبت بواسطة islambana

تمام يافادي باشا تسلم ايدك بس ماقولتلناش الكوستبانات الاستعمال ايه نظامها وهل قبل ماتغير الكوستبانات جربت الفلش اويل

ربنا يخليك يااسلام ...الكوستبانات المستعمله مش وحشه وبعدين حالتها بتبان لما تمسكها في ايدك وتضغط عليها علشان تختبر السوسته بتاعتها .انما انت عارف بقي اخوك موسوس ومش كل يوم هعمل الموضوع ده فلازم كنت اتاكد ان كله تمام . انا بالفعل جربت اغير الزيت والفلتر مرتين ورا بعض للنظافه كذلك استخدمت فلوش اويل بس مالاقيتش اي نتيجه ايجابيه .

المشاركة الأصلية كتبت بواسطة danash

الله ينور يا فادى باشا فعلا الصوت بيكون خفيف بعد العربية ما تسخن

وعليك يا سعاده الباشا