يبقى هو ده اللى كان لاطع مع جسم العربيه
وسحب أمبير كتير
وبالتالى الفيوزات ساحت وعملت اللى عملته فى العلبه
عرض للطباعة
يبقى هو ده اللى كان لاطع مع جسم العربيه
وسحب أمبير كتير
وبالتالى الفيوزات ساحت وعملت اللى عملته فى العلبه
بس يا بشمهندس سمير تتوقع ايه هو اللى عمل كدا ايه سببه الهبل اللى حصل دا كله،، والله العظيم انا منمت من امبارح من كتر التفكير اكون عملت حاجة هى السبب فى كدا..
ويا ترى الطريقة اللى هو ماشى بيها دلوقتى صح ولا غلط؟؟ انا سايبه دلوقتى كدا نص ساعة قولت اروح اتغدى واخد دش وانزله تانى واشوفه بيعمل ايه دا جايب العربية من اولها لآخرها وكل اما يبص على حته تطلع فيها شياط
وتعبتك معايا معلش
شوف يا أخىاقتباس:
بس يا بشمهندس سمير تتوقع ايه هو اللى عمل كدا ايه سببه الهبل اللى حصل دا كله،،
ولا هبل ولا حاجه
أى صناعه بتحتمل الخطأ وتحتمل الصواب
لأنها صناعه من صنع البشر
وليست صناعه من صنع الخالق ( سبحانه وتعالى )
وتوقعى لما حدث عندك
أنهيار العزل الكهربى لأحد الأسلاك أو سلكين فى منطقه معينه
ولما ساح العزل
والسلك ده ماشى فيه تيار كهربى ولطع مع بدن السياره مثلا
أدى ذلك الى سحب تيار زائد من البطاريه
والتيار الزائد عن الحد هذا
كان أكبر كثيرا من قوة تحمل الفيوز بتاع طلمبة البنزين
هنا أنهار الفيوز وحدث ماقد حدث
ونفس الوضع للفيوز الثانى بتاع دايرة الأناره
معلشاقتباس:
والله العظيم انا منمت من امبارح من كتر التفكير اكون عملت حاجة هى السبب فى كدا..
قدر الله وماشاء فعلا
وأنا عازرك على قلقك
بس ممكن تعتبر ده
بلاء من عند الله
ولازم من الصبر وقت البلاء
لأن البلاء تكفير لخطايا الأنسان
ولعله بلاء فى المال ....دفع عنك مكروها فى الأنفس
فالحمد لله على عطاياه
نعم كده الراجل ماشى صحاقتباس:
ويا ترى الطريقة اللى هو ماشى بيها دلوقتى صح ولا غلط؟؟ انا سايبه دلوقتى كدا نص ساعة قولت اروح اتغدى واخد دش وانزله تانى واشوفه بيعمل ايه دا جايب العربية من اولها لآخرها وكل اما يبص على حته تطلع فيها شياط
وسيبه بأه يشتغل بهدوء
وأنت بنفسك قدر تعبه
لأن شغل الكهرباء
عاوز الهدوء والصبر فى تحديد العيب
أما علاج العيب بيكون مفيش أسهل منه
غير شغل الميكانيكا خالص
الحمد لله والشكر لله الذى لا يحمد على مكروه سواه....
بعد 12 ساعة من الشغل والوقوف فى الشارع ولله الحمد اتحلت المشكلة بعون الله وبحمده،، ومن هنا ابصم لحضرتك بالعشرة انك استاذ يا بشمهندس سمير وربنا يباركلك انا لسه شايف الكلام دا حالا بعد مجيت من عند الكهربائى ولد الله يباركله ويبارك فيه صغير السن بس كبير فى شغلته ربنا يباركله
مهندسنا سمير بالضبط الكلام اللى حضرتك قولته دا اللى حصل ودا تحليله فعلا للمشكلة بس الموضوع مكانش فيوز الطلمبة الموضوع كان فى مكنة الاستوب وفيوز كان راكب سابقا من البهوات اللى اشتريت منهم العربية كان الفيوز بايظ ومعمله حاجة فى الكهرباء مش عارف بقى كوبرى ولا ايه او سلك تقوية بحيث يشتغل تانى قام طبعا اما كان فيه حمل زيادة عليه مضربش لانه كان اقوى من الكهرباء اللى داخله عليه فقام السلك هو اللى شايط ولمس فى السلك آخر وهو دا السبب فى المشكلة وفعلا سيبته يشتغل بهدوء وطول النهار معاه لحد اما جاب العربية من اولها لآخرها لدرجة انى قولت ان العربية دى مش هتركب فيها الحاجة دى كلها تانى وبفضل الله ظبت شغل وركب سلك تانى محمل عن الاول وقوى وتم ترميم السلوك دى من اول التابلوه لحد الشنطة والحمد لله تم الحل....
بشمهندس سمير ربنا يباركلك ويبارك فيك وفى كل الناس اللى وقفت جنبى فى الموضوع دا وفعلا الرجال مبتبانش الا فى المواقف دى وربنا يباركلكم جميعا ويكفينا شر الكهرباء بالذااااااااااااات
اخر نقطة عاوز اقولها شوية قلق حاصلينلى دلوقتى ودا بسبب الموضوع دا فى حاجة حصلت كدا اما تكون العربية مبطلة بنسمع زنة فى الكبوت تقريبا من عند فلتر البنزين وممكن يكون دا تقريبا انه مكانش فيه بنزين واصل من الطرمبة لان العربية بطلت فى الاول مرتين والله اعلم وطبعا انت ادرى ممكن دا السبب ولا لاء بس هو الصنيعى حل الصوت دا وراح على طول
وشكرا لحضرتك والف مليون شكر للمرة الالف
مبروك أولا
على نهاية الفيلم ده
اللى كان السبب فيه
غشوميه فى عمل بدون فهماقتباس:
كان فى مكنة الاستوب وفيوز كان راكب سابقا من البهوات اللى اشتريت منهم العربية كان الفيوز بايظ ومعمله حاجة فى الكهرباء مش عارف بقى كوبرى ولا ايه او سلك تقوية بحيث يشتغل تانى قام طبعا اما كان فيه حمل زيادة عليه مضربش لانه كان اقوى من الكهرباء اللى داخله عليه فقام السلك هو اللى شايط ولمس فى السلك آخر وهو دا السبب فى المشكلة
واحد الفيوز ضرب منه ومش لاقى فيوزات
قوم أيه ..............على رأى صلاح السعدنى
حاطط سلكه محمله ( زى فيوز علشان يوصل الكهرباء لمكنه الأستوب )
هنا المكنه كانت بتاخد أمبير كتير
ساح السلك اللى رايحلها
راح مسيح اللى جنبه بتاع طلمبة البنزين
راح لاطع معاه
راح عامل حمل على الفيوزات فى العلبه ومبوظها
المهم ............الحمد لله
وربنا مايعودها تانى على حد
والزنه اللى كنت بتسمعها
متشغلش بالك
طالما مفيش مشاكل حاليا
وألف مبروك طبعا على أنتهاء الأصلاح
الله يبارك فيك يا بشمهندس وربنا يباركلك وياريت لو سمحت تبعتلى رقم تليفونك على الخاص ارجوك لانى عاوز اكلمك دقيقة مش اكتر ومتخافش مش هطول عليك علشان انا مش هكلمك من رقمى لان خطى واقف خلاص اتقشطت
ههههههههههاقتباس:
ومتخافش مش هطول عليك علشان انا مش هكلمك من رقمى لان خطى واقف خلاص اتقشطت
وكمان
مش حيبقى فيها لحمه اليومين دول
عموما أكتبلى رقمك وأنا حطلبك
لأنك مش حمل مكالمات حاليا
هههههههههههههههه