اعمل اشعة بانوراما ديجيتال
الاحتمال الاكبر ان عندك التهاب فى اللثة شديد شوية اعمل تنضيف و انت بتعمل تنضيف خلى الدكتور يشوفلك اذا كان فى اى تسوس مستخبى او حاجة
عرض للطباعة
http://ridhadent.jeeran.com/Temp/Caries.jpg
السلام عليكم
الصورة دي أنا جبتها من على النت
شفتوا الصورة دي يادكاترة ...
أنا عندي سن واحد بس فيها المشكلة إلي موجودة في الضرسين الامامين إلي في الصورة
وده مضايقني أوي ..هل ليها حل
والسن ده مضايقني أوي ..الناس فاكرينه فرق جمالي بين أسناني الأمامية
بس هوا للأسف ..مش كده
وخايف يكبر عن كده
وشكرا للإفادة
مش بالمنظر ده خاااااالص
أنا عندي سن أمامي(من الزوج الأمامي) ..معمول فيه كده من الجمب
ومش للدرجة دي ..بس كل ما أغسل سناني ..أشوفه
أتدايق
..طيب وده يكلف كام ياداكترة
طبعا اكيد مش بالمنظر ده انا فاهم و عارف انها سنة واحدة المنظر اللى فى الصورة ده اسمه Rumpant caries و ده غالبا بيبقى عند الناس اللى بعد الشر بيتعالجوا بالكيماوى
بص بالنسبة للتكلفة انا معرفش الزقازيق نظامها ايه بس فى مصر بتتكلف من 75-300 جنيه على حسب نوع composite و خبرة الدكتور بس فى اى حال من الاحوال صمم ان نوع ال composite يكون nanocomposite طبعا غالى بس ده احسنهم و فى الصحة مفيش توفير
ربنا يخليك ياداكترة ..ومايحرمك مني أبدا
طيب شويه إستفسارات سريعة كده
ممكن نوصل لون الأسنان إنها تكون بيضااااااا بيضااااااااا..؟؟
معجون دي بيور دينت ..أنا جربته كام مرة .ومش ملاحظ فرق..؟؟
أنا بغسل أسناني أكتر من 4 أو 5 مرات كل يوم ..ومع ذلك عندي طبقة صفرا بسيطة مش عاوزة تروح..مهما غسلت..؟؟
الترسبات الصفرا عند قاعدة الأسنان ..دي حلها إيه..؟؟
وشكرا ياجميل
بص لون السنان الطبيعى هو المائل الى الصفار و طبيعى عند قاعدة السنان يبقى لون السنة يبقى اكتر صفارا نتيجة لرفع طبقة المينا فى هذه المنطقة
و انك تخليها بيضاء تماما ممكن بس ادفع كتير و كمان مضر لانه مش دائم و بتضطر تعمله تانى و لو معملتوش تانى الصفار بيرجع اكتر
انا عن نفسى لا افضل التبييض الا لحالات staining مصتعصية زى tetracycline staining or fluorosis
مفيش احسن من الطبيعى
اولا احيب ارد بس علي موضوع الفلاحين :) ممكنا نقول كلنا مسلمينا او أخوة مش مهم انت منين فلاح ولا مش فلاح غير ان كلمه فلاح ديه صفه مش حاجه وحشة لا فضل لأحد علي أحج الا بالتقوي
وانا عمرى مرحت المنصورة بس والله انا نفسي اروحها من كتر ما سمعت عن انها بلد جميلة اوي)
وجزاك الله كل خير يا دكتور أحمد وجعلك الله أحسن مما نظن
من المستحيل ان يظل الضرس مكشوف لاكتر من 24 ساعه بدون حشو مؤقت
اهم حاجه في حشو العصب الايزوليشن ()العزل)
حتى لو الضرس عامل صديد يتفتح يتنضف و يتقفل تاني اللي بعملهولك ده بهاله
طبعا لو ما لقاش الكانال الرابعه يبقى فيه حل من اتنين يا اما يتقفل ولو عمل مشكله يبقى يتخلع يا اما تخلعوا من دلوقتي و تستعوض ربنا
المبارد بتاعه العصب دي ممكن تستعمل حتى 3 مرضى بس شرط التعقيم الجيد وفيه انواع منها صيني ما تامنش تستعملها غير مره واحده لانها ممكن تتقطم في القنوات و ما عادتش تطلع و في الحاله دي ممكن نخلع الضرس بسببها
بالنسبة لعمل طربوش او تركيب سنة بورسلين هل هى مستديمة ولا كل فترة اروح عند الدوكتور للكسف عليها
و هل بينتج عنهم اى التهابات او حاجة او تحس بحاجة غريبة بالفم ؟
دكتور احمد ..ربنا يبارك لك على المجهود الرائع اللي انت عاملة في المنتدى..
والدي عندى مشكلة مستمرة في أطقم الأسنان اللي بيعملها ...دائما مقاساتها مش مظبوطة وبتسبب له الم عند استعمالها وبتإذي لثته احيانا لدرجة بدأت تخلية بقلل كميات الأكل اللي بياكلها...أنا طالب من حضرتك ترشحلنا دكتور أو معمل أسنان في القاهرة يكون مشهود ليه بالكفاءة وعنده ضمير في موضوع عمل أطقم الاسنان الكاملة، وياريت لو تقولي كمان الطقم الكويس يتكلف في حدودد كام؟
هو والدك عنده السكر
لو عنده السكر للاسف لازم هاييجى وقت و مش هاتبقى مقاسه ممكن نزود العمر للطقم بمواد بنحطها على الطقم مكان ما بيحمل على اللثة
و لازم الطقم اللى مش مظبوط يتغير عشان ممكن يعمل مضاعفات وخيمة
عموما انا ماعرفش عناوين دكاترة تركيبات بس اى دكتور سنان بيعمله
سعره يتراوح من 600- 1000 جنيه .
شكرا على ردك يا دكتور...بس والدى معندوش سكر..وكمان فكرة أن أي دكتور اسنان يعمل طقم كويس دي انا أؤكد لك أن ده مش حقيقى...لأنه عمل أكثر من طقم كلهم كان فيهم مشاكل ما عدا واحد فقط بس يا خسارة ضاع والدكتور اللي عملة هاجر بره مصر.
أنا مشكلتى الرئيسية اني عاوز معمل او دكتور شاطر قوى في الأطقم ، حتى لو هياخد فلوس اكتر شوية..، بالنسبة للسعر اللي حضرتك قايل عليه نا حاسس انه اقل كتير من الأسعار اللي في السوق. حضرتك متاكد من الرقم ده.
شكرا على وقتك واهتمامك..
انا اول مره ادخل هنا وبصراحه شايف مجهود جميل ربنا يديم المحبه فى الله
عندى كام سؤال
1- عندى فى اللثه تحت السنه الاماميه بيتكون كوره صغيره جدا وبعصرها بايدى بتجيب راس دبوس كده صديد وبعده شوية دم صغننين وكل يومين امسح بايدى على المكان ده برضه يجيب صديد صغير ودم واستخدمت مضاد حيوى وماضعتش ايه الحل
2- تركيب الضروس الصناعيه فيه مشاكل وبيتم فى اد ايه مده وتكلفة الضرس الواحد كام تقريبا
اولا ما تحاولش تلعب بايدك في الكوره الضغيره دي لان انت كده بتوسع مكان الالتهاب
ثانيا الكوره دي بقالها قد ايه في بقك تحت السنه
ثالثا انت اتخبطت فيها ولا حاجه ولا عندك جير على السنان الي قدام ولا السنه مسوسه؟
المفروض تاخد مضاد حيوي كوبس وفي الغالب تاخد كيورام 1 جم كل 12 ساعه و معاه شريط فلاجيل كل 8 ساعات و تعمل اشعه على السنه و تتوجه مباشره لاقرب طبيب اسنان بعد الانتهاء من العلاج ولا تنتظر ان الصديد يصرف او يروح من نفسه و ما تستهونش بالموضوع دع لان من كتر ما الصديد بييجي تحت السنه ممكن في المستقبل لا قدر الله يقلب على حاجه اسمها سيست و دي بتبقى كيس تحت السنه مليان سوائل و بيتعمل عمليه عشان يتشال
بالنسبه بقى لتركيب الضروس حضرتك ما حددتش الضروس عاوزها ثابته ولا متحركه المتحرك منه انواع و الثابت منه انواع ولا تستطيع الحكم على موضوع التركيبات التي تصلح معاك الا بعد توقيع الكشف الطبي عليك لمعرفه الانسب لحالتك بناء على حاله اللثه و عدد الضروس المفقوده و طول الجذور المراد التحميل عليها و عوامل اخري كثيره
الجأ لطبيب اسنان في اقرب وقت ممكن
مع تحياتي
بارك الله فيك يادكتور على المجهود الرائع ده
انا لى سؤال
انا من 9 شهور عملت كراون على ضرس علوى هو الضرس الثالث
ومن يومين الضرس اتكسر من الخلف وبقى فيه فراغ من فوق الكراون
ياترى ايه الحل وخصوصا انى كنت حاسة ان الدكتور اللى اشتغل على الضرس عمل مكان واسع قوى للكراون وبالتالى الضرس بقى ضعيف واعتقد ده اللى ادى للكسر
تنصحنى اعمل ايه
مع الشكر
بص يا دكتور
الدكتور موت الاعصاب عتدى وبعدين عمل فجوة كبيرة قوى فى الضرس وسمكه بقى قليل جدا
بعد كدة عملى حشو مؤقت وقال هانعمل كراون مش حشو وطبعا انا مش عارفة الفرق
المهم الكراون ده لونه زى الاسنان بالظبط ولزقه بمادة بيضاء ولها طعم وريحة مميزة جدا
الجزء الخلفى من الضرس فوق الكراون ده اتكسر ويقة فيه فراغ من الخلف فوق الحشو ده
هى دى الحالة بالظبط ودلوقتى بدا الطعام يدخل فى الجزء ده وانا مش عارفة ايه الحل
والموضوع اتكلف تقريبا 750 جنيه تبع نقابة المهندسين لو ده هايساعد حضرتك فى معرفة الفرق
برضوا ازاي الجزء الخلفى من الضرس فوق الكراون ده اتكسر
الضرس ده مش متغطي بكراون ايه اللي هيكسروا ولو اللي اتكسر الكفر اللي على الكراون من فوق فده يا اما بورسلين تعبان او حاجه اسمها كاست ودي نوع اقل من البورسلين في الكفاءه ولازم يا اما تتكسر او لونها يغير مع الوقت و يارب اكون قدرت اوصل
عايز اعمل تقويم لاسنانى وانا عمرى 30 سنه هل العمر مرتبط بالتقويم ؟ ومين افضل دكتور للتقويم فى الاسكندريه؟؟
يمكن عمل تقويم اسنان ولكن النتيجه لن تكون مرضيه كما لو كان اتعمل و انت صغير كما ان نسبه الارتجاع عاليه جدا و ستحتاج لفتره تثبيت كبيره
في دكاتره كتير في اسكندريه
ممكن تروح للدكتور حسين جرانه اعتقد عيادته في كليوباترا على ما اتذكر و فيه كذا دكتور تاني من ضمنهم الدكتور سمير ابو العزم وده اللي عمل التقويم لانغام المطربه بس مش غارف لسه شغال ولا لا لاني سمعت انوا جالوا شلل
ممكن تروح الكليه و تعمله تبع العلاج الاقتصادي بس بيطولوا شويه
طيب وايه رايك فى الدكتور وليد الكنانى
كويس اوي بس حراق شويه وواتيكيتي حبتين تلاته 4 لدرجه انك ممكن تتخنق
شفتلوا حاله كانت مكلكعه اوي ظبتها و خلاها زي الفل
مع احترامي التام يا د احمد انا مش عاجبني موضوع العياده في المنتدي بالمنظر ده او منظر اخر
انا اول مرة اشوفها هنا و شفتها في اكتر من منتدي و برضه قلت رايي
انا شايف انه مش لطيف الموضوع ده. مش عارف بس لو المريض يشرف العياده و يتكشف عليه مش افضل؟؟؟ حتي الطبيب يقدر يحكم و الاطباء فاهمين كويس ان الكشف الاكلينيكي هوة الاهم في التشخيص وحتي لو كانت الهدف هوة الاستشارة فحسب معلوماتي المتواضعه ان حتي الاستشارة محتاجه كشف و تحليل للحاله
ولا راي الساده الافاضل ايه؟؟
يعني انا قريت كام تعليق يعني يميلوا للفكاهه اكتر وشويه شايف ان الطب بفروعه جد اكتر شويه
كامل احترامي للدكتور احمد و احترامي لكل الاعضاء
وطبعا ده رايي الخاص جدا
وغير ملزم لاي حد
ربنا يجازيك كل خير .
انا دكتور مصطفى علقت على كام حاله باعته استشارات هنا
طبعا لازم المريض اولا و اخيرا يروح لعياده دكتور عشان الكشف الشفوي ده زي قلته
بس في مجال الاسنان بيبقى فيه شويه حاجات تعتبر ثوابت تقريبيه زي مثلا موضوع النزف اللي من اللثه فده سبب رئيسي ليه الجير المتراكم على الاسنان ودي حاجه بديهيه لاي طبيب اسنان ممكن يكون المريض معندوش جير و فيه اسباب تانيه بس نقدر نقول ان نسبه 90 في الميه من السبب ده
فأنا شايف ان من خلال المنتدي ممكن تشخص حاله صاحبها غافل عنها و احنا كده بدأنا معاه اول سلمه في العلاج ودي حاجه برضوا بنعملها لوجه الله تعالي و ياريت ربنا يحطها في ميزان حسناتنا
ولو انا شايف ان شرح المريض غير وافي بقوله لازم تروح لعياده طبيب عشان يقدر يشخص حالتك كويس
لان زي ما فيه ثوابت تقريبيه في حاجات فيها لبس كتير و خطير زي مثلا تقرح في الفم و المريض ساكت عنه ممكن يكون سرطان و المريض ميعرفش ومن خلال الكشف بيبان طبعا
ارجع و اقولك تاني ان لازم طبعا المريض يروح لعياده دكتور زانا محترم وجهة نظرك دي جدا بس ادينا بنحاول نصلح عادات .مفاهيم .فكر خاطئ عند بعض الناس وممكن نكون سبب في علاجهم
زوجتى كانت تشتكى الما فى الجانب الايسر من الفك
ذهبنا الى الدكتور
وقال تحتاج الى علاج لثة + خلع جراحى لضرس العقل
المهم عملنا اشعة بانوراما ووجد انه فى درس محشو قبل ذلك ويوجد سوس وصل الى العصب من تحت الحشو
ومع ذلك أصر الدكتور انه يخلع الضرس ( ضرس العقل )
المهم بعد ماخلع الضرس قال انه ده مش ضرس العقل ده ضرس قبله وكان عامل مشاكل
بصراحة انا شايف انه مكنش ينفع يخلع الضرس ده وبالاخص لما زوجتى استمر عندها نفس الالم حتى بعد الخلع الجراحى
وكنت بقول انه ممكن الالم ناتج من الخياطة ( 3 غرز)
بس بعد ما بدأنا علاج العصب للضرس اللى كان محشى الالم بدأ يقل
يبقى كده الدكتور خلع ضرس غلط ولا ايه
وانا ممكن اتأكد ازاى
وممكن اعمل ايه مع الدكتور
على فكرة هو أستاذ فى جامعة القاهرة
وحاطط تقريبا فى العيادة اكثر من 30 شهادة على الحيطة ودى مش مبالغة
وممكن اقول اسمه
انا مش بدافع عن الدكتور ولا حاجه
انا بتكلم من جهه حياديه
الدكتور عمل الصح وبدأ بدايه صح (انوا طلب اشعه بانوراما) حتى لو المدام ما خفتش على طول بس هوه اتصرف اكيد وفقا للحاله الصحيه لزوجتك
ساعات كتير الضرس لما بيكون معووج بيحشر اكل بينه وبين اللي جنبه و بالتالي الاتنين بيسوسوا و بيعملوا مشاكل في اللثه ده غير الالم المترتب على التسويس
فواضح من كلامك ان الضرس كان مايل اوي لدرجه انوا عامل مشكله في الضرس السابق ليه وفي حاله زي دي لازم سبب المشكله الرئيسي يتشال عشان تعرف تعالج التاني و كان فيه حل تاني بس طبعا مش واقعي انوا يسيب الضرس المعووج و يخلع المحشي اللي عامل الم بس المحصله الاخيره ان فضل ضرس معووج و مع مرور الايام بيميل اكتر لدرجه ان ممكن تلاقي الجذر بتاعه خرج من ناحيه و لسه متعلق من ناحيه تانيه
وبعدين مش المدام خفت ولا ايه؟
يبقى اكيد يشكر
هو الحمد لله هى احسن بكتيير بس لسه اخر جلسة
بتاعت الحشو الدائم
والدكتور كان مصر يعمل طربوش
بس بصراحة غالى جدا
فقولتله مش ضرورى الطربوش ونعمل حشو بلون السنه
نصيحه لوجه الله اعمل الطربوش حتى لو غالي لانك كده بتحمى الضرس من الكسر
قانون عام
اي ضرس يعالج حشو عصب يتعمله طربوش ولو مش قادر على تمن البورسلين اعمله معدن بس من غير بورسلين وده ارخص بكتيييير وكده كده مش هيبان لانو ورا ولو بان الناس هتفتكروا حشو بلاتين
ربنا يكرمك يا دكتور جزاك الله خيرا
العفو لا شكر على واجب
السلام عليكم
مع احترامى للجميع و خاصة العضو المحبوب احمد سامى اللى اكن لة معزة خاصة حتى مع انى مشوفتوش ولا مرة :))))
الموضوع دة مينفعش لمليون سبب اولهم و ابسطهم ان المريض مهما ووصف فى عشريين صفحة مستحيل يوصف الحالة صح او مثلا يكون ذى بصة واحدة بس من الدكتور .... والحالات احنا منعرفش كانت اذاى و اتطورت لأية و بالتالى ممكن يكون فى ظلم كبييير للطبيب المعالج
الرجاء الاكتفاء بكدة و اعتقد انك شخصيا يادكتور سامى لو قرييت اخر كام صفحة حتلاقى فى لخبطة و كلكعة مينفعش يكون التشخيص عليهم
احترامى و سلامى
استشارة عاجلة اعزكم الله
انا عندي ضرسالثاني بعد الناب الايمن بالفك العلوي
التاريخ المرضي بتاعه كالاتي
تسويس و تم عمل حشو ابيض له من 4 سنوات
كسر للجدار الخارجي للضرس و تم عمل طربوش
الم بالضرس و تم ازالة الطربوش و تركيب مسمار ثم طربوش تاني
و هديت الدنيا الكام سنة دول
حصل ايه بقى
الاعراض الحالية
الم شديد عند الضغط عليه
مع الاحساس بارتفاعه عن اخواته قليلا
و اصبح الم شديد دائم حتى بدون ضغط
انا حاليا في البحر (مهندس بترول)
و امامي اسبوعين على النزول
و لو طلبت زيارة طارئة لدكتور اسنان في الميناء
بيكون الحل عندهم هو الخلع
و خصوصا هنا في السعودية مفيش صبر
المطلوب
هل اخد مضاد حيوي للحالة
و هل يمكن الصبر اسبوعين ام هناك مضاعفات اخرى
ايه ظروف الصيام
و اسف للاطالة
حضرتك دلوقتى الالم ده زى ما يكون نقح او بينبض
لو كدة يبقى تحتيه خراج
و هو فى الغالب من وصف حضرتك خراج
و ده نتيجة لان علاج العصب حصاله Failure
انا رائى تخلعه لان الضرس خلاص بقى Very weak او اتلعب فى اساسه
و كمان موضوع الخراج ده انا من انصار Remove the cause و فى الحالة دى ال cause هو الضرس خاصة ان حضرتك جربت تعمل علاج للعصب و فشل (المسمار ) يبقى يتشال و تبقى تاخد مضاد حيوى بعد الخلع