معقولة مافيش طبيب اسنان كويس في اكتوبر كلها .. !!
ٌ
عرض للطباعة
حضرتك اكيد في ناس كويسة بس ممكن نكون احنا مانعرفهمش
و لو حضرتك عندك صورة للبانوراما (الاشعة) ممكن ترفعيها هنا و هاقولك دي محتاجة اخصائي جراحة ولا ممكن اي طبيب اسنان كويس يعملها و ده هايساعدك في انك تلاقي دكتور مناسب
حضرتك اكيد في ناس كويسة بس ممكن نكون احنا مانعرفهمش
و لو حضرتك عندك صورة للبانوراما (الاشعة) ممكن ترفعيها هنا و هاقولك دي محتاجة اخصائي جراحة ولا ممكن اي طبيب اسنان كويس يعملها و ده هايساعدك في انك تلاقي دكتور مناسب
اولا:جزاك الله خيرا علي مساعدتك للاعضاء المحترمين هنا في المنتدي.......
ثانيا: انا طبيب اسنان بسوهاج وكنت عايز اسألك عن شوية حاجات حاسس انه بتوع المستلزمات بيسغلونا فيها......طبعا حضرتك سمعت عن ال pulpotech بالنسبة لسعره كام؟؟؟؟؟و medicam cement (made in germany) برضوه سعر كام؟؟؟؟ ولك جزيل الشكر.....
كنت عايز اسال حضرتك سؤال انا ركبت بريدج(bridge) عند دكتور متكون من ثلاث طبقات الاول كروم و لونه اسود و فوقه بروسلين ابيض و فوق منه بورسلين شفاف المهم بعد ما ركب البريدج اتكسرت منه حته و ظهر الكروم الاسود و الشكل اصبح مش حلو و رجعنا للدكتور قال مش هينفع يخلعه تانى علشان لازقه لازق مستديم و قاعد يقول متخافوش مش هيحصل اى ضرر على السنه اللى راكب عليها البريدج
.و بالتالى هل كلامه صحيح ولا لأ؟
انا طبيب اسنان غير متفرغ للمهنة صراحة ففكرت افتح لعبادة لطبيب اسنان
سؤالي هو النظام بيبقى ازاي يعني النسبة و خلافه
هل سهل اجد دكتور شاطر يشتغل
بعد اذن الدكتور أحمد ...
ياريت بلاش تستخدم ال Pulpotec لأن في أبحاث كتير اثبتت انه carcinogenic فياريت تتجنبه , هو عموما ب 300 جنيه عندنا في طنطا.
اللي بيفرق المنظر فقط أو لو فيه حاجة خشنة ممكن تجرح اللسان ... انما لا يؤثر على الأسنان ,,, وطبعا يفضل انه يتخلع ويتعمل تاني
بالتوفيق
و بما إني طبيب أسنان برضو فانا تحت أمركوا فأي إستفسار و شكرا
ربنا يبارك فى كل اخوتنا فى المنتدى
انا روحت لطبيب اسنان وكشف على درسى بيقولى فاضى خالض وفى خراج
ولازم نشيل الدرس , وشيل الدرس هيكون صعب هنحتاج انحنا نفتح فى اللثه تقريبا وبعد كده يخيط 3 غرز
روحت لدكتور تانى قالى خد مضاد حيوى ومطهر وبعد كده نعمل اشعه ونشوف ممكن نعالج العصب ونحشيه
السؤال بقى لو طلعلى خراج يبقى العصب مات وما فيش لزمه للعلاج ولا ايه
انا هعمل اشعه على الدرس وارفع هنا الصوره علشان تقدرووا تنصحونى
الحاجه التنايه لما بغسل سنانى بتجيب دم وبحس ان طلع فيها ورم كده خفيف عند السن الامامى
دى حلها ايه؟
ارفع الاشعة وبعدين اقول لك الاصلح باذن الله ...
وعموما حتي لو الضرس فيه خراج بيتعمل له حشو عصب وبيبقى كويس بنسبه كبيره
بالنسبة للثة , فده معناه انها ملتهبة , اغسلها بانتظام وهات الاتي :::
Amrizole 500 mg قرص كل 12 ساعة
Brufen 600mg قرص كل 12 ساعة
مضمضة Oracin أو اي حاجة مشابهة 3 مرات يوميا
العلاج لمدة اسبوع , ولو في جير على الاسنان لازم تشيله
بالتوفيق
نسيت صحيح اقول انى مش حاسس باى الم نهائى
وروحت للدكتور لان لقيت الدرس فاضى خالص
وبالنسبه للجير يتشال امتى؟؟ دلوقتى ولا بعد اسبوع العلاج؟
- الاشعة بتتعمل على الضرس المطلوب بس , مش على كل الاسنان
- أعتقد انك ضرسك ملتهب علشان كده الدكتور اعطالك مضاد حيوي وبعدين هيخلعه
- ازالة الرواسب الجيرية بعد اسبوع العلاج
ياريت ترفع الاشعة وانا هقول لك تعمل ايه
شكرا
انا ركبت طربوش على السنة الامامية من سنة وباقلى اسبوع حاليا فيه الم فى الطربوش وبالتحديد فى جذر اللى اتركب عليه الطربوش
مش عارف اروح للدكتور ولا اجيب اى مسكن من الصيدلية
اتمنى من حضرتك ان تعطينى نصبحتك لعدم تكرار الالم
عملت الطربوش ليه ...؟
هل السنة معمول لها حشو عصب ولا حشو عادي ...؟
هل في ورم وللا لأ والوجع بيزيد امتى ومع ايه , السخن وللا البارد وللا على طول ...؟
انا بقا حكيتي حكايه ...........ضرس العقل وجعني وبيتلخلخ قولت اسيبه يومين يمكن يخف لوحده في اليومين دول الفم اصبح مغلق لدرجه اني اشرب المياه بالعافيه فما بالك بالطعام ..ذهبت للطبيب قالي خراج واداني مضاد حيوني ..معملش حاجه ..... روحتله تاني اداني مضاد حيوي مختلف ومعرفش يعمل اشعه لان الفم مغلق تماما ...وللاسف المضاد الحيوي برضه معملش حاجه انا بقالي كده حوالي 15 يوم لا اكل ولا ضحك ولا اي حاجه تتعلق بالفم لانه مغلق .............. ايه الحل يا دكتور
اخواني الافاضل المحترمين
انا الفك العلوي والسفلي تاكلت الاسنان ووصلت لمستوا الليثه وكتير قالولي لزمك زراعة اسنان يليتكوا تساعدوني با لاتي
1- اريد الماده او الغرسه تكون من التيتانيوم الصافي ويفضل انه مصنوع من سويسرا او امريكا
2- تكون الماده او السن الي يتركبشي على الزرعه من ماده الزركون يعني يخلي اسناني زي اسنان هوليود
ياليت بقي تقولولي ع دكتور متمكن يعمل بنفس المواد الي انا التها في القاهره او اي مكان تاني ويكون ايده براحه خفيفه
اهم حاقه ودي اهم نفطه كم تكلفه السن الواحد عشان دهوت الواحد يعرف الي عليه لان دي صحتي وانا ابي حاقه بروفيشنال ليه وتعيش معايا بقا
رشحو لي اسماء دكاتره استشارين واسعار كل دكتور اذا عندكو خلفيه عشان الواحد يحسب بقا خاروجته
وربنا يوفق الجميع
عندى طفلة عندها 8سنوات وتم خلع ضرس لها لازم يتم حجز مكان الضرس
السلام عليكم ورحمة الله وبركاته
أنا كنت مركب طربوش لضرسين متجاورين منذ عدة سنوات ، الطربوش كان مطابق للضرسين تماماً لدرجة إن الدكتور لما كان بيحاول يخلعه مكنش بيعرف ، بس كان في الفترة دي اللثة كانت بتلتهب وكنت بروح للدكتور انظف اللثة لدرجة إن في أحد المرات تكون جيب أسفل الطربوش ووصل اﻷلم للشك في إنه خراج
وبعد عدة سنوات تعاملت مع دكتور آخر ذهبت له لتنظيف اللثة دورياً وأخبرته أني أريد أن أخلع الطربوش أنظف أسفله فخلعه ثم أخبرني أن نوعية الطربوش سيئة حيث أنه مصنوع من صاج لذلك فهو مطابق للضروس بهذا الشكل ولكن هذا النوع يتسبب في تجمع اﻷكل أسفله مما يعرض الضروس للتسوس لذا فقد غيرته وعملت عنده طربوش جديد بروسلين إيطالي لكن هذه المرة الطربوش أوسع من الضروس لذا فالمشكلة اﻵن أن هذا الطربوش كل فترة يفك وأضطر ﻹعادة لصقه وعندما أخبرته بضيقي من ذلك أخبرني أن هذا بسبب كونه إيطالي وأن اﻷلماني يلتصق أفضل!!!!!!!!!
هل هذا الكلام سليم ، وهل لا يوجد مادة لاصقة تمسك الطربوش بقوة في الضروس
وهل الحل أن أعمل طربوش جديد ألماني أم ماذا؟
وهل يمكن عمل طربوش مطابق لحجم الضروس حتي لا يكون هناك فراغ كبير بين الطربوش والضروس المركب عليها مع العلم أن الضروس تم بردها حتى أصبحت صغيرة جداً
شكراً
هما الدكاترة راحوا فين ... عندي استفسار ؟!
السلام عليكم
شكرا لردودك وبجد فى ردود كتير استفدت منها
سنى 35 سنه وكان عندى ناب لبنى فى الفك العلوى المهم وقع من اقل من سنه وركبت مكانه سنتين تركيب دائم بعد ذلك لاحظت فارق فى سنه من السنان الاماميه من الجنب الشمال وتحرك السنه للسنه اللى جنبها ذهبت للطبيب وطلب بانوراما كامله وذهبت له فقال لى تآكل فى عظام اللثه ومحتاجه عمليه لزرع عظام فى الفك لا ن الاسنان تحركت من مكانها وتركت فراغ انا فى حيره ونفسيه صعبه وخايفه من هذه العمليه والمشكله عندى فى الفك العلوى والفك السفلى ..... قال الدكتور ان الفلك السفلى ممكن يفضل كام شهر
انا تأخرت فى الحمل واخدت ادويه للحمل بس كانت حبوب يعنى ضعيفه مش مثل الحقن وناس قالتلى اعملى تحليل نسبة الكالسيوم فى الدم وتحليل لهشاشه العظام فيدنى بالله عليك عشان انا تعبت
بعد إذن الأدمن و الطبيب صاحب الموضوع انا دكتور أسنان برضو مستعد لأي إستفسار
انا حشيت ضرس وبعد الحشو خيط الاسنان لا يدخل من الجهتين واذا دخل من جهه عند خروجه ينقطع فماذا افعل
ممكن اعرف ايه علاج الجيب اللى بيظهر من تركيب الطربوش.
انا ابنى عنده ثمان سنوات
وعنده مشكله ان اسنانه الاماميه اطرافها سوداء بشكل ملحوظ
وهذه هى الاسنان الدائمه
فما علاج هذا
وجزاكم الله خيرا
زراعه الاسنان بتكلف كام
وهل هي علاج مريح بدون مشاكل
السلام عليكم
انا دلوقتى كان عندى وجع فى الضرس بسيط لما باكل سكريات رحت لدكتور اسنان قالى لازم نعمل حشو
عمالى حشو ابيض ليزر تانى يوم كنت حاسس بوجع لما اشرب مياة او اول ما بصحى الصبح واكل على الضرس وجع بيروح لما اكل علية كذا مرة وطبعا طول اليوم موجود الم المياة ووخصوصا لو ساقعة روحتلة بعد اسبوع قالى الضرس عالى شوية هى دة المشكلة تانى يوم برضة لسة الاعراض موجودة روحت بعد اسبوع قالى انت عندك حساسية من الحوش الابيض ولازم تعمل حشو جلاس انيمر فانا خوفت ومردتش اعمل حاجه تانى عندة
ولسة الوجع موجود
دكتور لو سامحت كنت حشيت الضرس الاخيرشمال فى الفك العلوى قبل كدة لايزر وبعدين حسيت بالام وبعدين الدكتور قلى لازم حشو عصب وعملت كدة ولكن كان فى الم وأحمرار حولة مع المضاد الحيوى يروح الالم وبعد كدة عدت الحشو ة تانى بعد عمل اشاعة وركبت طربوش بلصق مستديم المهم الالم بيجى ويروح ومش ثابت ممكن كام يوم مفيش الالم وممكن يوم الام بسيط ويحتمل وفى ساعات بياض فى اللثة حولين الالم وخصوصا وانا بستعمل المضاد وساعات لذعة فى الرى من اللسان ناحية الضرس فهل دة محتاج نشيل الطربوش ونعيد الحشو تالت مرة لان العطب مش ميت بنسبة 100 % ولا ممكن التعايش كدة وخلاص لان الالم مش مؤثر خالص وها ممكن يكون فى صديد يعمل تاكل فى عظم الفك اسف للاطالة وشكرا لسيادتك
السلام عليكم و رحمة الله و بركاته
انا كنت عايز اسأل حضرتكوا بخصوص كنت بفكر اعمل تقويم اسنان في عيادات كلية طب اسنان جامعة القاهرة لان زمايلي قالولي ان بيكون فيها (دكاترة خبرة و اسعار مناسبة) .
انا عن نفسي رحت لدكتور اسنان قالي ان التكلفة التقويم لحالتي هتكون 7000 للعادي و 8000 للبورسلين (بالنسبة ليا غالي شوية) وانا عندي 25 سنة
ايه رأي حضرتكوا ؟
واسف علي الاطالة و شكرا لوقت سيادتكوا
انا اسنانى صفراء وكل ما اروح لدكتور يكحت الجير وبوليش مفيس 10 ايام اسبوعين وتصفر تانى
هل التبييض بالليزر حل كويس؟
بالتوفيق ان شاء الله