ممكن تعمل Panorama
ودي منظر شامل سعرها تقريبا من 35-45 جنيه و بتيجي على سي دي كمان وممكن توريهالي بسهولة
عرض للطباعة
ممكن تعمل Panorama
ودي منظر شامل سعرها تقريبا من 35-45 جنيه و بتيجي على سي دي كمان وممكن توريهالي بسهولة
السلام عليكم
كنت بعمل حشو عصب من سنتين وتوقفت , وكان الدكتور كان قتح الضرس وعمل حشو مؤقت وموت العصب بس انا مكملتش وسبت الضرس كما هو (الضرس ماكنش بيوجعنى وكنت زهقان من الدكتور :whtauwant:)
بعد فتره ظهرلى على جنب الدرس حاجه كده زى خراج بس ماكنتش بتوجعنى فكنت منفض لمدة سنتين
لحد اما من يومين ضرسى وبالذات الجزء اللى فيه الخراج بدأ يوجعنى جداً , والجزء اللى فيه الخراج ده كل شويه بيكبر ويتورم ( لحد اما بقت فيه ليمونه فى ضرسى:Oc_sun1[1]: )
ايه الحل ( عاوز مسكنات دلوقتى او اى خاجه تضيع الورم او تصفى الخراج ده لحد بعد الامتحانات اروح لدكتور واكمل الحشو )
ليـــــــــه كده ؟؟
ازاي تسيب دكتورك من غير ماتكمل ؟؟
عموما شوف انت عملت ايه في نفسك
الدكتور بتاعك كان شال انسجة العصب و نظف و طهر مكانها علشان بقدر يحشى جذر السنة بدون وجود باكتيريا داخل القنوات الجذور ...
و طبعا لما حضرتك سيبته ...الحشو المؤقت اللي كان بيحمي قنوات جذور ضرسك من الباكتيريا و قع و داب أو اتكسر ..و دخل أكل و شرب و لعاب في ضرسك و ملايين من البكتيريا معاهم ....
و قعدو في بيئة مناسبة معزولة عن الهوا و التنظيف
و تكاثرو و عبروا من فتحات الجذور الى اسفل السنة ...عظم حضرتك ...
و بدأو في تكوين خراج مزمن على مدار السنة ولا السنتين اللي فاتو
و دلوقتى و لأي سبب ...الخراج بيقوم و يصحى و يكبر و يبقلل زي الليمونة اللي انت شايفها
و هاتروح لدكتور سنان (متخصص في حشو العصب) و هاتاخد زيارات اكتر للتنظيف - ملل بقى- لحاااااد ما الخراج ينظف تماما ...
مع مضاد حيوي طبعا من اختيار طبيبك .
و بعد كل ده ...يا تنجح ..يا تفشل
ولو فشلت ...هاتخلعها ....
ماتستناش وروح اعملها
لو سيبتها ...ممكن تعمل (مصيبة)
انا اسف اني باتكلم بحدة بس حضرتك زعلتني عليك بإهمالك لعلاج نفسك
طيب حضرتك تعرف دكتور متخصص فى حشو العصب كويس فى المنصوره ؟ ؟
هو الحقيقة مش محرج ...ولكن ظنون البعض هو ما يجعله يبدو محرجا يا صديقي و انا بالفعل أحاول
دوما ان اتفادى الإجابة عن هذه الأسئلة ...ولكني و الحمد لله لا أجامل ولا أنافق ....
بص يا سيدي ......
الدكتور / محمد سالمان استاذي و من اقوى متخصصي حشو العصب ولا أزكيه على الله
الدكتور محمد هو مدرس حشو العصب بجامعة المنصورة حاصل على الدكتوراه من هولندا
و من قبل هولندا ولا غيرها ...ايده و مخه يتلفو في حرير و هو بتاع المهام الصعبة
دكتور محمد لسه راجع وماعندوش عيادة
ممكن يعملهالك في الكلية بس ما عرفش وقته يسمح ولا لأ ........
و بعد كده
د/ محمد محمود ...مدرس مساعد حشو الجذور
و بيشتغل في عيادة د/ محمد الشحات في برج المحافظة الدور الرابع
و ربنا يجازينا بنوايانا
دكتور احمد جزاك الله عنا خيرا
هو حضرتك من المنصورة؟؟؟
ليا سؤال بما انى من رواد عيادات الاسنان باستمرار
الحمدلله كل الاسنان سليمة مفيش مشاكل لكن التهاب اللثة لا ينتهى والاسنان تكون جير بسرعة وحلها دائما هو تنظيف الاسنان عند الطبيب انا رحت لاكتر من دكتور والكل اجمع ان دى طبيعة اسنانى ومهما استعملت الفرشة والمعجون مفيش فايدة كل فترة لازم تنظيف عند مختص
ايه راى حضرتك فى الموضوع ده
http://up.qatarw.com/get-5-2009-p2531923.gif يا أخ أحمد
بخصوص السؤال يا بسكوته ..اينعم ...انا من المنصورة ولو محتاجة اي حاجة من هنا أؤمري ...
نيجي بقى للحالة المشتركة ...
موضوع سرعة تراكم الجير ده فعلا نسبي و مختلف من شخص لآخر
و بيعتمد على:
- نسبة أملاح اللعاب
- معدل سريان اللعاب
- طبيعة سطح الأسنان
- معدل تنظيف الأسنان ...
لو حضراتكم بتشتكو من سرعة التراكم يبقى مافيش غير عامل واحد هو اللي نقدر نتحكم فيه ....
معدل التنظيف ...
قدامكم حل من اتنين
1 - زيادة عدد مرات غسيل الأسنان لـ4 مرات في اليوم مع اهتمام خاص بما قبل النوم و منتصف النهار (في الشغل يعني) مع استعمال جيد للمضمضة المكافحة للبكتيريا ...
2 - البقاء على النظام العادي..2 - 3 مرات يوميا بدون التزام جدي مع متابعة الطبيب لإزالة التراكمات كل 3 -6 شهور ..
علشان تكونوا في الصورة و تفهموا انتوا بتعملوا ايه
المسلسل ببدأ بالباكتيريا اللي موجوده في اللعاب انها تلتصق بجدار السنة ...و تبدأ تتغذى على الطعام (أثناء وبعد الوجبة مباشرة) و تبدأ تبني من مكوناته لنفسها طبقة لاصقة بنسميها البلاكPlaque و ده في خلال 7 ساعات بعد الوجبة ...
و بعد تكون البلاك بتكون قدرة الباكتيريا على الالتصاق بالسن أكبر و تاخد فرصة انها تركز على زيادة التغذي و تكوين المزيد ...
و مع الوقت (خلال اسبوعين تقريبا) تبدأ أملاح اللعاب بالتكلس و تشبيع البلاك و تحويله الى جير Calculus و تبدأ المشاكل بقى ...و كلما زاد الوقت زادت كثافة و صلابة هذا الجير ...
البلاك ممكن ازالته بالفرشاة (و الفرشاة الدوارة في مشاركة د.محمد mo7a نوع جيد) و هو اللي بنركز على ازالته بدري بدري بأنفسنا ...
أما عند تكون الجير ..لابد من زيارة الطبيب ...
طبعا هناك مكانين مشهورين في الفم بتكون الجير
خلفية الأسنان الأمامية السفليه (ناحية اللسان) و واجهة الأسنان الخلفية العلوية ..
لأن المكانين دول فيهم فتحات غدد لعابية كبيرة و عرضه أكر للترسبات ....
تحت أمركم في اي توضيح لما يمكن ان يبدو غامضا
وتمنياتي بدوام الراحة