مشكله غريبه شويه في تبريد اللانوس 1
[justify] [/justify][justify]
السلام عليكم يا اعضاء المنتدى الكريم و الاكثر من رائع
عندي بس استفسار بسيط عن مشكله بتقابلني من اخر الصيف اللي فات في لانوس 1 موديل 2000 وعامله حاليا حوالى 120000 كم
دايما بعد ما بعمل مشوااار (اياً كانت مسافه المشوار ده) وببطل العربيه مثلا لمده لا تزيد عن ربع ساعه واجي ادور العربيه تاني الاقي مراوح التبريد تشتغل بصوت عالي (غالبا بتكون الدرجه التانيه من سرعه المراوح) وبتشتغل بالظبط لمده دقيقه او يمكن اقل بحاجات بسيطه , وانا لغايه دلوقتي مش قادر احدد السبب جاي منين , مع العلم أن العربيه لما بكون ماشي بيها مشوار طويل على سرعه من 90 كم لغايه 120 كم مثلا بتكون الحراره معتدله جدا واقل من الطبيعي كمان وطبعا ده في الشتاء - والصيف بتكون عاديه
---- وبالنسبه للحاله العامه للعربيه ------
1- موتور العربيه بحاله جيده جدا الحمد لله
2- المياه الخضرا (جيليكول ايثيلين) دايما محافظ علي وجودها فى دوره التبريد
3- الريدياتير و وصلات المياه لدوره التبريد والترموستات وكوع الترموستات (تقريبا دوره التبريد كلها) تم تغييرهم من فتره بسيطه
4- مؤشر الحراره دايما ثابت عند معدله الطبيعي (اقل من خط النص بحاجه بسيطه) ودايما الخرطومين اللي داخل وخارج للريدياتير من الجوانب بتكون درجه حراره المياه فيهم متعادله تقريبا
-------- بمعنى اصح صيانه العربيه دايما بتتعمل اول بأول والحمد لله ---------
هو بس المشكله دي اللي مجنناني شويه , وارجو حد ينصحني بشئ او بإجابه عشان اعرف اعمل ايه
واخيراً وليس بأخراً اسف على الاطاله عليكم
واشكركم مقدماً على ردودكم
[/justify]