سلام الله عليكم
أحب أن أسمع من الإخوة محبي السرعات العالية والذين جاءوا بسرعات من 150 إلى 220 كم/ساعة
أحب أن أستمع إلى أراءهم في ثبات السيفيك أثناء السير المستقيم وأيضا عند المنعطفات
فقط لمن جرب هذه السرعات حتى نكون أكثر واقعية بعيدا عن التقارير
((بالتأكيد الكل جابها))
بانتظاركم
وجزاكم الله كل خير
السيفيك أكثر حاجه معروفة عنها قوة المواتير وأيضاً الثبات العالى لجميع موديلاتها على مر السنين على السرعات و موديلات التسعينات تقيمى لثباتها جيد جداً على السرعات في الطوالى وايضاً على الملفات المفتوحة زى اللى على طريق مصر اسكندرية الصحراوى ولو مركب عفشه أسبور دى قصة ثانية، بس مجربتش السيفيك الجديدة الحقيقة في السفر وعلى سرعات عالية لكنى أعتقد ان ثباتها لن يقل عن الموديلات السابقة ان لما يكن أفضل بلا شك
لو مفهاش غتاتة يعني
السيتي 2009 ثابتة معاية لغاية 160دغري و غرز علي الواسع
و 120 فالملفات الواسعة
العربية ستوك
أقصى سرعة جبتها 180 و كنا 4 فالعربية و الشنطة متروسة علي الاخر بس الحقيقة خفت و نزلت 140 فالمضون
طبعا ربنا ستر لأن الكاوتش طلع temperature B يعني أخره 160
ثبات ممتاز أكثر من رائع بالنسبة لفئتها
انا متهيالى ماشوفتش عربية فى ثبات السيفيك ابدا فى نفس فئتها والاعلى منها كمان ودة بيرجع بسبب قاعدة العجلات الطويلة وعرض السيارة الكبير جدا ,ونظام التعليق المستقل لكل عجلة ,واقتراب السيارة من الارض كل دة يخليك فى منتهى الثبات ’دة غير الايرودناميكية الغريبة اللى فى العريية دية لانها تمتاز بمقدمة منخفضة جدا وسقف منخفض ايضا وشنطة مرتفعة كل دة بيخلى العربية ثابتة فى كل الظروف
انا الحمد لله اتحديت سيارات كتير جدا فى الملفات الحادة على سرعات عالية اللى كان بس بحس بمنافسة معاة الالمانى زى البى ام المرسيدس فقط لاغير ,لكن الكورى كان كلة بيهدى لسرعات قليلة جدا يعنى اقدر اقولك الهوندا فعلا من اثبت السيارات فى فئتها
أفضل تجربة إني دخلت ملف 90 درجة تقريبا على سرعة 105 كم/ساعة و خرجت منه على سرعة 115 كم/ساعة (تقريبا) ... الملف بنصف قطر حوالي 50 م ... شكل الملف بالمرفقات (مدخل حلوان من على الأوتوستراد).
كنت بشد مع صديق لي معاه 316i و كنت سابقه و مكانش متوقع إني أدخل الملف بالسرعة دي و أبدى إعجابه بأداء السيارة.
ملحوظة أنا سيارتي LXI مش VTI يعني معنديش VSA.
أرجو عدم محاولة تنفيذ مثل هذه الأعمال ... أنا كنت متوتر جدا بعد العملة دي لأني للحظة وأنا في وسط الملف فكرت إني أكون بقدر السيفيك أكتر من المفروض و إن النتيجة ممكن تكون حياتي قصادها ... ربنا يسترها علينا جميعا ... أرجوكم بلاش المجازفة.
يا هونداوية,
أرجو متابعة موضوع المقابلة في اللينك الآتي:
http://www.nilemotors.net/Nile/11765...post3872369715
بص انا عممى عندة سيفيك وباسات
دايما قارفنى بحكاوية عن السيفيك فى الاداء
بيقولى الثبات فوق فوق الممتاز
وطبعا عربيتة دى انا سوقتها اكتر من مرة على طريق بورسعيد
والملفات بقدر اخدها على 180 والعربية ثابتة جدا بصراحة عاجبانى موووووووت
وطبعا الباسات نفس الحكاية بس ماتورها تعبان
أخدت نفس الملف ده ب128 على 100 وطلعت منه على 90 بس العربيه عومت ودخلته باللينيا على 140 زي الفلاقتباس:
المشاركة الأصلية كتبت بواسطة horsepower
yoko لينياوي صميم .ربنا يباركلك فيها
ما شاء الله, ربنا يباركلك فيها.اقتباس:
المشاركة الأصلية كتبت بواسطة yoko
حضرتك بتيجي حلوان كتير؟ لو تعرف حد في حلوان أكيد هنطلع نعرفه إحنا الإثنين.
أنا في هندسة حلوان يا باشااقتباس:
المشاركة الأصلية كتبت بواسطة horsepower
الله يبارك فيك وأنا بتكلم إن الملف ده مش صعب بالذات للي بياخدة كل يوم زي :8954[1]:اقتباس:
المشاركة الأصلية كتبت بواسطة mmffor
بس لو مش عارفة هتلاقي نفسك حاضن الرصيف لو دخلته على 80 حتى
أهلا بيك :satelite: ... و أنا يا سيدي ساكن في حلوان.اقتباس:
المشاركة الأصلية كتبت بواسطة yoko
سعيد بمعرفتك.
أنا أسعد ولو حابب تشوف اللينيا هتلاقيها كل يوم راكنة فوق الرصيف بتاع الكلية
أكيد ... أنا أجازة يوم السبت لو بتكون في الكلية اليوم ده و تحب نتقابل كلمني أنا قريب من الكلية ... تليفوني على الخاص عندك.اقتباس:
المشاركة الأصلية كتبت بواسطة yoko
انا الحاجه الوحيده الى مكنتش متوقعها وانا بشترى السيفيك ان احساس السرعه فيها عالى شويه , هو الثبات ممتاز بس وانتا بتجرى من 120 وانتا طالع بتحس ان العربية بتجرى غير مثلاً الألمانى وانتا بتجرى فوق ال100 بتحس ان العربية عادى خالص
الغريبة اوى بقه ان انا اعدت بعربيت أهلى النترا 2007 gls الشكل الجديد اسبوعين و هيا معايا كنت حاسس ان احساس السرعه فيها مش محسوس زى السيفيك وده انا مش قادر افهم ليه بردوا ابن خالتى لاحظ نفس الموضوع
كنت وانا راجع من الشغل على الدائرى و الوصله الجديده بتاعت المعادى-قطاميه بالسيفيك لما بجيب 130 ببداء انبه جامد مع الطريق لاكن لما كانت معايا الألنترا كنت مبحسش غير وانا بعدى ال 160كم
بالعكس خالص
تقريبا احساس السرعة في السيفيك معدوم
لدرجة وانا مرة كنت ماشي 180 وخبيت العداد بعلبة المناديل وبقول لصاحبي اللي جنبي احنا ماشيين كام ؟؟ قال لي 130 !!!
يمكن عشان انت تكون متعود تركب عربيات عالية شويه والسيفيك قعدتها منخفضة !!
مش عارف والله
غالبا ده من الكاوتشاقتباس:
انا الحاجه الوحيده الى مكنتش متوقعها وانا بشترى السيفيك ان احساس السرعه فيها عالى شويه , هو الثبات ممتاز بس وانتا بتجرى من 120 وانتا طالع بتحس ان العربية بتجرى غير مثلاً الألمانى وانتا بتجرى فوق ال100 بتحس ان العربية عادى خالص
الغريبة اوى بقه ان انا اعدت بعربيت أهلى النترا 2007 gls الشكل الجديد اسبوعين و هيا معايا كنت حاسس ان احساس السرعه فيها مش محسوس زى السيفيك وده انا مش قادر افهم ليه بردوا ابن خالتى لاحظ نفس الموضوع
كنت وانا راجع من الشغل على الدائرى و الوصله الجديده بتاعت المعادى-قطاميه بالسيفيك لما بجيب 130 ببداء انبه جامد مع الطريق لاكن لما كانت معايا الألنترا كنت مبحسش غير وانا بعدى ال 160كم
رأيي ده بسبب كبر مساحة الزجاج الأمامي للسيفيك عن كل السيارات الأخرى طبعا كلنا حسينا الموضوع دع أول مرة سوقنا السيفيك الجديدة بس مع الوقت و التعود راح الإحساس ده ... بس أما بخمن إنك تكون بتسوق عربية تانية أو أكتر جنب سواقتك للسيفيك وده إللي مخلي الإحساس ده لسه موجود عندك ... السيفيك عاملة زي الفريك متحبش شريك.
انا لما سوقت الألنترا كان بقالى سنتين مبسوقش غير السيفيك
ممكن يا أستاذ esamghanayem
توضح قصد حضرتك من موضوع الكاوتش علشان انا بردوا شاكك ان ممكن ده يبقى السبب
اقصدى ان نوع ونقشة الكاوتش بتفرق فرق كبير فى ( صوت الطريق , احساسك بالمطبات , حساسية الدركسيون , الخ )اقتباس:
ممكن يا أستاذ esamghanayem
توضح قصد حضرتك من موضوع الكاوتش علشان انا بردوا شاكك ان ممكن ده يبقى السبب
والكلام ده عن تجربه
لدرجة انك لو غيرت الكاوتش من نوع الى نوع اخر هتحس انك غيرت العربيه
اوضحلك بمثال
انا كنت مركب كاوتش Goodyear GT3
و المفروض انه ماركه محترمه
فرامله ذى الزفت اى شوية ميه بيزحلق ده بجانب صوت المشى العالى اوى
غيرت وجبت Kumho ECSTA KH11
كأنى ركبت عربيه تانيه
احساسك بالسرعه اختلف ( النقشه دى SUPER SILENT ) نفس النقشه اللى بتنزل فى الفانتازيا , فرامل مظبوطه , بتمسك على الرمله والميه ذى الفل , مفيش صوت وانت بتجرى , وسعرها معقول
ارجو انى اقدر اكون وضحتلك قصدى
ولك سلامى
غالباً الكومهو الى حضرتك بتقول عليها دى هيا الى فى الألنترا
و فعلاً الكومهو الى فى الألنترا صوتهم اوطى من عندى و احساسهم على الأرض اقل (الخشونه اقل) و بردوا رد الفعل فى الدركسيون اقل (feedback)
انا فعلاً شكيت ان يكون ده السبب فعلاً و الله اعلم
ايوه الكاوتش اللى بينزل فى الالنترا كومهو بس غير اللى عندى الكومهو فيه نقشات كتير وكل نقشه ليها اداء وطعم غير التانيه
بس بصفه عامه
كل الكومهو طرى
وكل البرجستون ناشف
ولاكن
عمر البرجستون الافتراضى اطول كتير من الكومهو
فى مقابل ضعف السعر تقريبا
طيب انا كده مش عارف اصلى كنت عاوز كاوتش ناعم و طرى و مالوش صوت خالص فى السفيك بتاعتى و كنت قررت التورنزا gr80 بس انا كده خايف تكون مالهاش صوت بس ناشفه على الأرض؟؟اقتباس:
المشاركة الأصلية كتبت بواسطة esamghanayem
ممكن تروح لاى بياع كاوتش وتشوف الكاوتش التورنزا gr80 و Kumho ECSTA KH11 على الطبيعه وتقارن بنفسك
مانا هعرف احساسهم ازاى من غير مايكونوا راكبين على العربيه؟اقتباس:
المشاركة الأصلية كتبت بواسطة esamghanayem
هو الموضوع هيبقى عامل زى البطيخه انتا و حظك :)
و اكيد اى بياع كاوتش لو عندوا الأثنين هيئولك خد البريدجستون علشان السمعه بس
لو مسكت الاتنين فى ايدك هتحس بالفرق
اذاى ؟
انا لما مسكت الاتنين عند بتاع الكاوتش ( Kumho ECSTA KH11 و برجستون ادرنالين )
كان الفرق واضح اوى البرجستون لو وقفت عليها مش هتتنى تحت ايدك عكس الكومهو
وعلى فكره بتاع الكاوتش نصحنى بالكومهو وقاللى هتريحلك العفشه
وقد كان
طب بالنسبة للسيفيك الهاتش باك 94 او 93
نفس الثبات ولا يختلف