الشيفورلية كروز دة جبااااااااااااارة

السلام عليكم ورحمة الله

ححكيلم تجربة حصلت امبارح للتعرف على قوة الكروز امام خفة وسرعة عربية صاحبى الفيرنا
(للعلم الفيرنا مش مهلوكة ولا حاجة دى موديل 2008 عاملة 70.000 كم )
واللى كان مشكك وكلنا متشككين حتى صاحب الكروز كان قلقان انها هتعدى مستريح تم وضع امامى بنزين 92 للفيرنا العربية جراية وخفيفة بشكل ملحوظ وهى من غير جنوط بالكاوتش العادى فكانت بتطير من على الارض بسم الله ماشاء الله جة صاحبى اللى معاة الكروز (العربية الجباااااااااااارة) واخدنا الطريق شد من 20 الى 140 اللى حصل ان الكروز كانت مرعبة على الطريق معا اول ساحبة للعربية وكانة حصان متحجم وفتحتلة باب السباق العربية طارت :120146b وفرقت مسافة كبيرة انا قاعد فى الفيرنا مستغرب جداااااا اللى حصل انا كنت قرات ان
موتورها ضعيف على حجم العربية والجسم تقيل على الموتور بالنسبة ( للكروز) لا
بجد :Ta_clap[1]: للكروز عربية جااااامدة جدا وشيك جدااا وفخمة من الداخل دا غير الثبات الخرافى على الطريق ربنا يباركلة فيها :ma: ويبارك لملاكها

ياجماعة الموضوع انا مش داخل اقارن ولا اعمل سباق انا بوضح جزائية المشككين فى ضعف موتور الكروز فقط

شكرا ياباشا على نقل تجربتك

بس بيتهيألى فى ناس كتير مش هاتصدقك او هاتقولك صاحب الفيرنا مبيعرفش يسوق :)

انصحك بلاش تعمل كدة تاني السرعة مغرية وعواقبها وخيمة ,, دوسة الإكسيراتير ما أسهلها

انا كنت متوقع النتيجه دي
لان ثبات الفيرنا في الضياع
و الكلام ده عن تجربه شخصيه

الكروز عربيه محترمه لا محاله
وكل الكلام الى على متورها لا يتعدى الشكوك أنما مسمعتش حد قال عنها كلام وحش الحقيقه
عربيه محترمه و فخمه جدا جدا جدا
شكرا على الموضوع يا محمد

اقتباس:

---

المشاركة الأصلية كتبت بواسطة romeo_6887

انا كنت متوقع النتيجه دي
لان ثبات الفيرنا في الضياع
و الكلام ده عن تجربه شخصيه

---

هو قال شد من 20 الى 140
تقريبا خط مستقيم لأنه متكلمش على الاتزان خالص

اقتباس:

---

المشاركة الأصلية كتبت بواسطة hosam_optrawy

شكرا ياباشا على نقل تجربتك

بس بيتهيألى فى ناس كتير مش هاتصدقك او هاتقولك صاحب الفيرنا مبيعرفش يسوق :)

---

انا مش مش هصدقو
بس الفيرنا فعلا بتشد جامد جدا والكروز المفروض ان هي في السحب بتوصل ل 100 في 12 ثانية وعربيتي في 11.3 تقريبا والفيرنا بتطلع من اللانوس ودا معروف ف نظريا كدا هتطلع من الكروز بسهولة
بس لو صاحب الموضوع كان فصل شوية
يعني المنطقي ان الفيرنا هتطلع في الاول وبعدين لو موتور الكروز عفي"عزم" يطلع منه بعد ال 90

يا باشا كبر بقى اى حد يقولك موتور الكروز ضعيف يبقى يجربها وبعد كدة يتكلم الكروز معايا طيارة

اقتباس:

---

المشاركة الأصلية كتبت بواسطة Hosam_Optrawy

شكرا ياباشا على نقل تجربتك

بس بيتهيألى فى ناس كتير مش هاتصدقك او هاتقولك صاحب الفيرنا مبيعرفش يسوق :)

---

براحتهم بقى مش مشكلتى انا نقلت اللى حصل بامانة وبدون تخيز وشكرا على مشاركتك يا استاذ حسام وعلى متابعتك المستمرة لموضوعات القسم

اقتباس:

---

المشاركة الأصلية كتبت بواسطة د.محمود صلاح

انصحك بلاش تعمل كدة تاني السرعة مغرية وعواقبها وخيمة ,, دوسة الإكسيراتير ما أسهلها

---

شكرا على النصيحة ومتفق مع حضرتك وانا فعلا لما كانوا بيشدوا كنت مرجع كرسى الفيرنا على الاخر ومنزل الظهر شوية ورابط الحزام كنت قلقان وعارف انها مبتقفش مبيعرفش يوجفها :C_laugh[1]:

اقتباس:

---

المشاركة الأصلية كتبت بواسطة romeo_6887

انا كنت متوقع النتيجه دي
لان ثبات الفيرنا في الضياع
و الكلام ده عن تجربه شخصيه

---

الطريق كان مستقيم وفية تحويدة بسيطة غير مؤثرة وشكرا على مشاركتك

اقتباس:

---

المشاركة الأصلية كتبت بواسطة NoRmAl

الكروز عربيه محترمه لا محاله
وكل الكلام الى على متورها لا يتعدى الشكوك أنما مسمعتش حد قال عنها كلام وحش الحقيقه
عربيه محترمه و فخمه جدا جدا جدا
شكرا على الموضوع يا محمد

لا شكر على واجب انا حبيت اوضح بس والله ومافى نيتى اقارن والكلام دة واقول دة احسن والعربية فعلا زى ماحضرتك قولت ومكانتش اول مرة اركبها لا ركبتها واتجربت من امام جامعة حلوان لغاية مصر الجديدة روكسى العربية ماشاء الله :verygood:

هو قال شد من 20 الى 140
تقريبا خط مستقيم لأنه متكلمش على الاتزان خالص

---

بالظبط كدة وهو حضرتك عرفت منين علشان فى سيراتوا كانت جاية بسرعة من ورا لونها نبيتى :U_thin1[1]:

اقتباس:

---

المشاركة الأصلية كتبت بواسطة aly_hosny

انا مش مش هصدقو
بس الفيرنا فعلا بتشد جامد جدا والكروز المفروض ان هي في السحب بتوصل ل 100 في 12 ثانية وعربيتي في 11.3 تقريبا والفيرنا بتطلع من اللانوس ودا معروف ف نظريا كدا هتطلع من الكروز بسهولة
بس لو صاحب الموضوع كان فصل شوية
يعني المنطقي ان الفيرنا هتطلع في الاول وبعدين لو موتور الكروز عفي"عزم" يطلع منه بعد ال 90

---

والله دة اللى حصل وبالنسبة هيا طلعت على كام انا معرفش علشان مفتيش ولو حضرتك مش مصدق مفيش مشكلة دا غير هما متحركوش من الثبات ل100 دة من 20 الى 140 وانا وضحت فوق

الموضوع انا مش داخل اقارن ولا اعمل سباق انا بوضح جزائية المشككين فى ضعف موتور الكروز فقط

اقتباس:

---

المشاركة الأصلية كتبت بواسطة harmhanz

يا باشا كبر بقى اى حد يقولك موتور الكروز ضعيف يبقى يجربها وبعد كدة يتكلم الكروز معايا طيارة

---

ربنا يباركلك فيها وانا كنت عاوز اعرف فقط النقطة دة والحمدلله اتاكدت منها وشكرا على مشاركتك

اقتباس:

---

المشاركة الأصلية كتبت بواسطة hosam_optrawy

شكرا ياباشا على نقل تجربتك

بس بيتهيألى فى ناس كتير مش هاتصدقك او هاتقولك صاحب الفيرنا مبيعرفش يسوق :)

---

عندك حق يا حسام بيه......معظم الناس هتقول كده طبعا..........

الفيرنا الفوريرة صعب تطلع منها كروز بالفارق الأسطوري ده ........

الله أعلم......

انا لا أشكك في صاحب الموضوع الأخ العزيز الغالي لكن الموضوع فعلا غريب و ايا كان الوضع لا دي فيراري و لا دي مزيراتي يعني الناس تحافظ على اموالها و أرواحها علشان ربنا يباركلهم في النعمة و يحرسهم من كل شر و يرجعوا لأهلهم بخير........

الا صحيح هو ليه مفيش حد من ملاك السيراتو او الكروز مصور فيديو للتسارع و لا الموضوع ده حكر علي اصحاب اللانسر و الانترا بس

اقتباس:

---

المشاركة الأصلية كتبت بواسطة mohamed.mostafa

والله دة اللى حصل وبالنسبة هيا طلعت على كام انا معرفش علشان مفتيش ولو حضرتك مش مصدق مفيش مشكلة دا غير هما متحركوش من الثبات ل100 دة من 20 الى 140 وانا وضحت فوق

الموضوع انا مش داخل اقارن ولا اعمل سباق انا بوضح جزائية المشككين فى ضعف موتور الكروز فقط

---

لا خلي بالك
انا مقولتش مش مصدقك
انا قولت في حاجة غلط
انا برضو اقدر مصدقكش:F_eyeb1[1]:
وانا لا جربت الكروز ولا الفيرنا
بس انا بحكي بالارقام يعني الارقام بتقول فيرنا بتسحب احسن
بس مش اكتر ووارد يكون غلط بس انا كلامي كله نظري:colsmil:

اقتباس:

---

المشاركة الأصلية كتبت بواسطة ashraf229

عندك حق يا حسام بيه......معظم الناس هتقول كده طبعا..........

الفيرنا الفوريرة صعب تطلع منها كروز بالفارق الأسطوري ده ........

الله أعلم......

انا لا أشكك في صاحب الموضوع الأخ العزيز الغالي لكن الموضوع فعلا غريب و ايا كان الوضع لا دي فيراري و لا دي مزيراتي يعني الناس تحافظ على اموالها و أرواحها علشان ربنا يباركلهم في النعمة و يحرسهم من كل شر و يرجعوا لأهلهم بخير........

---

كفاية عليا الكلمتين دول انا مصدقك ونورت الموضوع بمشاركتك

اقتباس:

---

المشاركة الأصلية كتبت بواسطة horas3000

الا صحيح هو ليه مفيش حد من ملاك السيراتو او الكروز مصور فيديو للتسارع و لا الموضوع ده حكر علي اصحاب اللانسر و الانترا بس

---

صح انا ححاول اعمل كدة لو ركبتها تانى دة فى الكروز

اقتباس:

---

المشاركة الأصلية كتبت بواسطة aly_hosny

لا خلي بالك
انا مقولتش مش مصدقك
انا قولت في حاجة غلط
انا برضو اقدر مصدقكش:F_eyeb1[1]:
وانا لا جربت الكروز ولا الفيرنا
بس انا بحكي بالارقام يعني الارقام بتقول فيرنا بتسحب احسن
بس مش اكتر ووارد يكون غلط بس انا كلامي كله نظري:colsmil:

---

ولا يهمك انت تامر ولو عاوز الفيرنا هى اللى تطلع نطلعها انا مقدرش ازعلك :F_eyeb1[1]:

http://www.nilemotors.net/Nile/125120-1-6-a.html

شكرا ياباشا على نقل تجربتك المفيدة ....
الكروز ديه بتزيد في نظري يوم عن يوم بجد عربية محترمة جداُ....

هى الكروز عربية جميلة جدا بس لو يزودوا الاوبشن بتاعتها شوية

:verygood:

اقتباس:

---

المشاركة الأصلية كتبت بواسطة Hosam_Optrawy

شكرا ياباشا عل:verygood::verygood::verygood:ى نقل تجربتك

بس بيتهيألى فى ناس كتير مش هاتصدقك او هاتقولك صاحب الفيرنا مبيعرفش يسوق :)

---

انا من الناس اللى مش ممكن تقتنع ان الكروز طلعت من الفرنا... انا مش بكدب حد طبعا لكن ممكن يكون صاحب الفرنا فى حاجة وقفتة او مش قديم فى السواقة لان فى عامل كبير على السواق.
كلنا عرفين ان ماتور الاوبترا والكروز 107 حصان و الاوبترا اخف فى الوزن و زمن تسارعها من 0-100 اقل من الكروز.
انا شايف ان الفرنا تتطلع من اوبترا كمان مش كروز بس من 0 - 120 بعد كدة الاوبترا ممكن تطلع منها و حتكون طبعا اثبت و افضل على السرعة بعد 120, انا معايا فرنا و ركبت الاوبترا و عارف انا بقول اية.
كمان لما كنت فى قطر من 3 شهور رحت لتوكيل شفرولية فى قطر فرع الجيدة و حجزت تست درايف للكروز 1800 - 140 حصان اتوماتيك, و طلعنا على الشارع و شديت بيها لحد ال 120 و حسيت ان تسارعها بردة مش اللى كنت مستنية من عربية 1800 - 140 حصان, يعنى كان تسارعها تقريبا زى الفرنا المانيوال 1600, مع فارق الوزن و انها اتوماتيك.
العربية دى فعلا ممتازة و شيك جدا و برستيج عالى و انا حبتها بعد ما سوقتها و لو ربنا ادانى ثمنها فى المستقبل حشتريها اوتوماتيك طبعا, بس حكون عارف ان تسارعها فى ال 1600 منها كويس لكن مش لدرجة انها تتطلع من فرنا مانيوال بتشد, و دة مش عيب ولا فارق خالص معايا لانى فى مصر مش فى ساحة سباق, و كفاية عليا شياكتها و فخامتها الخارجية و صالونها الجميل و ثباتها العالى جدا و عزلها الرائع و جودة خامتها.
و ربنا يبارك لكل اصحابها فيها.

صدقنى فى التأنى السلامة و فى العجلة الندامة و يكفى كم الحوادث المؤلمة التى نراها يومياً

اقتباس:

---

المشاركة الأصلية كتبت بواسطة samehnoshi

انا من الناس اللى مش ممكن تقتنع ان الكروز طلعت من الفرنا... انا مش بكدب حد طبعا لكن ممكن يكون صاحب الفرنا فى حاجة وقفتة او مش قديم فى السواقة لان فى عامل كبير على السواق.
كلنا عرفين ان ماتور الاوبترا والكروز 107 حصان و الاوبترا اخف فى الوزن و زمن تسارعها من 0-100 اقل من الكروز.
انا شايف ان الفرنا تتطلع من اوبترا كمان مش كروز بس من 0 - 120 بعد كدة الاوبترا ممكن تطلع منها و حتكون طبعا اثبت و افضل على السرعة بعد 120, انا معايا فرنا و ركبت الاوبترا و عارف انا بقول اية.
كمان لما كنت فى قطر من 3 شهور رحت لتوكيل شفرولية فى قطر فرع الجيدة و حجزت تست درايف للكروز 1800 - 140 حصان اتوماتيك, و طلعنا على الشارع و شديت بيها لحد ال 120 و حسيت ان تسارعها بردة مش اللى كنت مستنية من عربية 1800 - 140 حصان, يعنى كان تسارعها تقريبا زى الفرنا المانيوال 1600, مع فارق الوزن و انها اتوماتيك.
العربية دى فعلا ممتازة و شيك جدا و برستيج عالى و انا حبتها بعد ما سوقتها و لو ربنا ادانى ثمنها فى المستقبل حشتريها اوتوماتيك طبعا, بس حكون عارف ان تسارعها فى ال 1600 منها كويس لكن مش لدرجة انها تتطلع من فرنا مانيوال بتشد, و دة مش عيب ولا فارق خالص معايا لانى فى مصر مش فى ساحة سباق, و كفاية عليا شياكتها و فخامتها الخارجية و صالونها الجميل و ثباتها العالى جدا و عزلها الرائع و جودة خامتها.
و ربنا يبارك لكل اصحابها فيها.

---

+++1 بيقولوا فعلا ان الكروز بطه

بطه بطة بس عربية محترمة وجميلة جدا بس غالية شويتين

اقتباس:

---

المشاركة الأصلية كتبت بواسطة zakiali

+++1 بيقولوا فعلا ان الكروز بطه

---

يا باشا مش بطة حرام عليك!!! العربية سحبها كويس و مرضى جدا... انا بس قلت انى مش مقتنع انها تتطلع من فيرنا مانيوال بتشد و بالفارق الكبير اللى صاحب الموضوع بيقولة لكن هى سحبها مرض جدا جدا على شوارعنا و مش بطة خالص. ممكن تقول بطة على لانسر 1300 اتو, دى فعلا بطة لكن الكروز مش كدة خالص.

انت ما قلتلناش يا باشا الفيرنا 1500 ولا 1600؟ انا عارف ان كلو مفترض انها 1600 بس لو هيا 1600 المفروض هيا اللى تطلع لحد 100 على الاقل و فعلا السواق عليه عامل كبير جدا فى دوسة البنزين و فى غيار الفتيس..

انا مستغرب..
لأن العربيتين 106 حصان

شوف حضرتك فرق الوزن ... اكيد في فرق سوّاق .. او اكيد في حاجة في الفيرنا...

على العموم موضوع التسارع مش موضوع يعلّي من الكروز او يقلل من الفيرنا