استشارة عاجلة فى كاسيت الياريس

**محمد يوسف** · 13-02-2010 03:11 PM

السلام عليكم ياجماعة

أنا معايا ياريس كاملة 2008 ونازلة براديو كاسيت وعايز ضرورى أغيره بسى دى بلير mp3
بس يكون بنفس حجم الراديو كاسيت التويوتا ويكون فيه usb وكمان usb
وكمان يكون صوته نضيف على السماعات الأصلية عشان ما خرجش ضفيرة الكهربا بره الضمان
وأنا أصلا يهمنى الصوت النضيف مش العالى فماليش فى حوارات الصب والبيز والكلام ده

ياترى تنصحونى بموديلات ايه وايه معدلات الأسعار و ياترى أروح سبير كار ولا السجان؟

**a7mode** · 14-02-2010 03:41 PM

رغم انى غيرت ساوند سيستم الياريس بحاااالو بس اقدر اقولك ان كاسيت وسماعات الياريس حلوين اوى على بعض ومقومين بعض .. انما بقى لما تغير الكاسيت مش حتحس بفرق فى الصوت لان السماعات قدرتها محدوده ..

اقولك انا عشان مطولش عليك .. متغيرش الكاسيت وغير السماعات اللى ورا بسماعتين بايونير 400 وات بيضاوى ودول بيركبو مكان الفابريكه علاطووول بدون اى تعديل نفس الاحجام .. كدا حتحس بفرق فى الصوت عن ما تغير الكاسيت كلو .. وممكن مع السماعتين تجيب جى ام 350 وات ( ومش ســــونى ) وتوصلو للسماعتين وكدا اقدر اقولك ان الصوت حيبقى تحفه ومتوازن وجميل ..

اسمع كلامى متغيرش الكاسيت لانك مش حتحس بفرق فى الصوت ودا عن تجربه . الا بقى لو انت عايز دى فى دى ساعتها تقدر بقى تروح تجيب سى دى بلاير ودى فى دى ويفضل يكون بايونير 3100 دى فى دى ودا حيركب مكان الكاسيت بتاعك علاطوول نفس الحجم

اى حاجه تعوزها فى الياريــس ابعتلى علاطوول

**a7mode** · 14-02-2010 03:43 PM

دا غير انك بتقول الضفيره والضمان !! وتغيير الكاسيت حتضطر تقطع فى الضفيره عشان توصل الجديد ..

**محمد يوسف** · 15-02-2010 12:02 AM

ألف شكر ياباشا

بس قطع الضفيرة حسب معرفتى عند تغغير السماعات فقط لكن الكاسيت بيركب ببلاج (فيش) ومافيش قطع ضفيرة

وبعدين ياريت تقوللى سعر البايونير 3100 ده كام تقريبا وألاقيه فى السجان ولا سبير كار

وشكرا مقدما

**a7mode** · 15-02-2010 01:15 AM

ال 3100 اخر مره سألت عليه كان بـ 2800 جنيه وحتلاقيه عند ناس بـ 2700 جنيه .. سواء سماعات او كاسيت الاتنين حيقطع فى الضفيره لان فيش الكاسيت البيونير مش حتركب على فيش الكاسيت بتاع الياريس ولما تفك كاسيت الياريس وتشوفو حتفهم الكلام دا .. وصدقنى والله كاسيت الياريس ممتاز غير السماعات اللى ورا وبعد كدا احكم هات سماعات بايونير 400 وات وحتلهم gm 350 watt او لو مش عايز تجيب gm يبقى هات سماعات 300 وات دبل بيز حيبقو تحفه بدون gm

مقدرش افيدك بخصوص اماكن الشراء لانى اسكندرانى :D

تحت امرك اى وقت

**محمد يوسف** · 15-02-2010 04:32 PM

ياباشا انت مش فاهمنى .. أنا مش باقول كاسيت الياريس وحش لكنه شرايط مش سيديهات .. وأنا مش حابب قصة ال اف ام موديليتور

وبعدين 2700 جنيه كتير قوى..مافبش حاجة أرخص؟

**a7mode** · 15-02-2010 05:45 PM

ممكن تجيب mp3 بالشريط بتاعو حيبقى افضل من الميديولاتور

فى حاجات طبعآ غير ال 3100 لكن مش دفيدى زى دا

ودا بردو حيركب كويس مكان كاسيت الياريس وسعرو حوالى 1200 تقريبآ اقل او ازيد بحاجه بسيطه

النوع بايونير 6050 ub او ممكن تلاقى الموديل الجديد منو نازل بأسم 6150 ub روح لاى توكيل بايونير واسأل اهم حاجه زود بعد الاسم كلمه double din لان فى منو صغير