نيو النترا 2007 Gl At

**HiTcH** · 24-12-2007 10:05 PM

يا جماعه انا بفكر ابيع العربيه هى عامله 20 الف كم ولونها اسود واشتريتها فى شهر 7
عاوز اعرف هى سعرها المناسب للبيع كام بدون ظلم للبايع أو للمشترى
انا اشتريتها من المصريه قسط وعليها حظر طبعا وياريت فى تقييم السعر نتجاهل موضوع القسط لان العمليه هتكون انى اخلص البنك وافك الحظر وتتنقل باسم المشترى فى المرور وده منعا انه يكون علي المشترى اى التزامات او يكون عليا اى مخالفات
فياريت تساعدونى فى التقييم للسعر
وشكرا
أخوكم \ هشام

**أبو عبدالله** · 25-12-2007 12:36 AM

اسباب البيع ايه ؟؟؟؟

**HiTcH** · 25-12-2007 01:55 AM

أسباب البيع:(بصراحه)

أولا: زهقت منها فعلا
ثانيا:فى شخص محتاج الفلوس فى الاسره
ثالثا:وده يا جماعه رأى شخصى تماما وأتمنى محدش يفهمنى غلط
أنا من اكتر الناس اللى انبهرت بالسياره دى وحبيتها جدا قبل ما اشتريها لانها بجد شكلها تحفه.
الحمد لله اشتريتها رغم انى كنت عاوز اركب المانيوال بس ملقيتش فى الايام اللى انا اشتريت فيها العربيه ومن حبى فيها مرضيتش اشترى اى عربيه صغيره وجيبتها قسط ودفعت 50 % من تمنها.
قبل ماشتريها استشرت ناس كتير فى المكان هنا وتقريبا الاغلبيه كانوا للقرار اللى انا اصلا مرتاحله وهو اختيار الالنترا.
لكن......(نركز شويه فى لكن دى )
مع الوقت انبهارى خف كتير عن الاول ومتعة القياده قلت كتير قوى وعلى فكره انا طول الوقت بسافر يعنى على طول قاعد فيها
العربيه دى من تحف هيونداى وبجد رهيبه واكتر من ممتازه ولانها جديده مقصرتش معايا....لكن
مفهاش ABS...مفهاش Airbag مفهاش EBD
مع الوقت حسيت انى راكب عربيه اقل من العربيات اللى سعرها قريب منها
وده احساس بقى بايخ جدا جدا لانها غاليه مش رخيصه
وخلينى صريح الجديد كله ثابت على الارض...كله ناعم...كله هتنساه لمدة سنتين او تلاته
لكن مش كله متوفر فيه وسائل الامان (محدش ينسى انا بسافر كتير)
تقريبا هى دى الاسباب اللى فى دماغى دلوقتى ودى للامانه اسباب حقيقيه فعلا
عشان كده اتمنى تقييم سعرها .
واتمنى من كل شخص بيشترى عربيه يحسبها كويس لان كل العربيات الجديده تحف بجد
بس اهم حاجه يشوف هو بيشترى امكانيات ايه
واسف طبعا للاطاله واتمنى حد يرد عليا بخصوص السعر
واى استفسارات انا موجود
اخوكم\هشام

**Ahmed Anwer** · 25-12-2007 02:00 AM

غبور لو حطلها الأوبشنز دي ،،

هتبقي بسعر قريب من الكورولا و السيفيك ،، لأنها مبتتقارنش غير بيهم بره ،، و سعرها قريب منهم

تفتكر ساعتها حد هيشتريها ؟؟

ربنا يكرمك في بيعها إنشاءالله ،، مش هتخسر كتير ،،

لو كان من اسبوعين كان عندي زبون ممكن يشتريها منك و يكمل القسط بدلآ منك ،،

بس هوا اشتري زيرو خلاص

**HiTcH** · 25-12-2007 03:09 AM

محدش افادنى يا جماعه ايه السعر المقترح للسياره فى حالة بيعها؟؟؟

**أبو عبدالله** · 25-12-2007 12:49 PM

هتبقي بسعر قريب من الكورولا و السيفيك ،، لأنها مبتتقارنش غير بيهم بره ،، و سعرها قريب منهم

مش للدرجه دي يعني
نظام Abs , Ebd
سعرهم مش للدرجه انا فرق عربيتي عن اللي مفيهاش خمسة الاف جنيه داخل فيهم جنوط وسي دي مدمج وار بي ام قي القديمه واسبويلر ده كله بفرق 5 الاف جنيه

**amrito** · 25-12-2007 01:08 PM

اهلا وسهلا بيك
اتفضل راسلنى على الايمايل وانا مستعد اشوفها وبعدين نتكلم
eng_amr1@hotmail.com

**شاهين - بنز** · 25-12-2007 01:14 PM

سعرها يتراوح من 92- 95 ألف جنيه لأنها ماشية 20 ألف

**HiTcH** · 25-12-2007 08:47 PM

92 -95 ازاى بس
ده انا شايف واحد هنا بيسأل على المانيوال واتقاله المبلغ ده وانا بتاعتى At
هو 20 الف كم اللى انا مشيتهم فى خمس شهور دول كتير اوى كده ويفرقوا فى السعر اوى كده