اية ياعم التبوت ده ربنا ينتقم من المصمم الى عمله وبعدين عمرة موتور اية الى ب250 جنية هى موتسكل
على فكرة يا شباب انا متحمس جدا للعربية دى واى عربية فى العالم ممكن التعديل فى الشكل والاداء بتاعها والعربية دى انا شايف ان التعديل فيها هايبقى كويس جدا وممتع
هوا أنا معاك فى الحماس بتاعك بس لما يبقى معاك 25 ألف جنيه أو حتى تجيبها بالتقسيط أنا واحد من الناس لو العربيه دى نضيفة كان زمانى جبتها من غير تفكير لكن المبلغ دة انا أجيب بيه حاجة نصيفة و مصرفش عليها لكن انت بالوضع دة بالقليل هتصرف حوالى 10 ألاف جنيه لأنك هتشترى هيكل و منتظرين تجربتك و تقريرك عنها ويا ريت تصورهالنا فيديو لو سمحت
فعلا يا dodo20 أنا يتهئ لى قولت فى رد من الردود دى أن العربيه دى أترفضت من شركة حلوان بسبب ضعفها و عدم قوتها حتى على التحمل الطبيعى و أتكلمنا كتير عن فشلها و لو فيه خبر عن فشل جديد أكيد هنتكلم عليه بأستفاضة كدة عشان المستهلك المصرى مش ناقص سرقة أكتر من كدة من مرتزقين
هي العربيه دي بتشتغل ببطاريات صيني واللا لازم انيرجايزر؟ و عمر البطاريه فيها بتقعد قد ايه؟ و بتغني التعلب فات فات و اللا وحوي يا وحوي بس؟ ارجو لرد بسرعه علشان انا ناوي اشتري العربيه لو فيها المواصفات اللي انا عاوزها! اصلي محتاج غساله اوتوماتيك من زمان بس كنت مستني لحد ما تقع قدامي فرصه زي دي!
أنا كنت متحمسه للعربيه ديه اول ما نزل الاعلان عنها من حوالى شهر او اكتر و رحت شفتها بنفسى فى مكان التوكيل بتاعها فى حدائق القبه و كان معايا والدى وزوجى لكن ايه العربيه طلعت مسخره الماتور من ورا وواطى جدا يكاد يكون على الارض بين العجل الخلفى و السياره ناشفه اوى متهيألى مفيش سوست و بعديت المندوب اللى كان بيفرجنا بيقول انها هاف اتوماتيك كل النقلات على خط واحد وبعدين الصاج بتاعها مش مضبوط
المهم فى النهايه بعدما كنت هشتريها ( و خاصة كان هناك عرض تدفع النصف و تقسط النصف على سنين بدون فوائد ) شلت الفكره من دماغى خالص لانى لقيت العربيه نانو ديه ماتستهلش اى فلوس
حذارى يا جماعه حد يجرب فى نفسه و يشتريها ...خلى بالكوا مشروع فاشل ...أحذروا