بِغَض النظر عن الاخطاء البسيطة اللى فى المشهد ده ,,, الا انه من اروع مشاهد الاكشن والحركة والخيال العلمى فى كوكب الهند بل هو اروعها على الاطلاق هههههههههه
[youtube]http://www.youtube.com/watch?v=UVRVr4ycuew[/youtube]
عرض للطباعة
بِغَض النظر عن الاخطاء البسيطة اللى فى المشهد ده ,,, الا انه من اروع مشاهد الاكشن والحركة والخيال العلمى فى كوكب الهند بل هو اروعها على الاطلاق هههههههههه
[youtube]http://www.youtube.com/watch?v=UVRVr4ycuew[/youtube]
جامد جدا دا المفروض ياخد 1000 جايزة أوسكا عشان العربيان اللى بتنط زى الحصان دى ههههههههههههه
هو ده فيلم توم وجيرى ولا ايه
هندى هندى اصلى يعنى .... اهو ده اللى يتقال عليه حاجات وفطير ... وعربيات بتطير
لا بجد عاش بس هو كل البلد بتطاردة ولا اية دا عربيات وموتسيكلات وحصنة صحيح هندى
بس ما تقدرش تنكر إن معمول فيه شغل جامد ومصروف عليه كتير
اللي لفت نظري إن العربيات كلها موديل واحد وبتتحرك بطريقة منتظمة ومركونة بطريقة منتظمة
ساعات بحاول أتخيل إزاي اللي بيعمل الحاجات دي بيقعد مع نفسه كده مفيش مشاكل بعد ارتكاب جرائم زي دي
ما هو إحنا ما نقدرش نقول عن الكلام ده غير إنه جريمة
ما كلو بفلوس التوكتوك يا رجالة
احنا لازم نفتخر اننا لينا دور و لو غير مباشر في صناعة معجزة سينمائية زي دي
بس السؤال هما قبضوا عليه ازاي من الاول
الحصان بيعمل دريفتينج ههههههههههههههههههههههههه ههههههههه:majd(4):
اقدر أقولكوا إن الفيلم دا رهيييييييييييب جدا أحلى من أفاتار
لا لا جامد مووت والله يستاهل كتير لا والحته لما رجله اتزنقت وراح واخد حتة حديده من العربيه معرفش ازاى خلعها السوبر مان ده وبعدين راح راميها على العربيه التانيه فقلبت طياره وراحت ناطه من فوفق ده غير العربيات الصاروخيه الفلم كله عربيات بطير هههههههههههههههه
لا واجمد حاجه بقى العربيات اللى فرقعت فى الاخر طب فرقعت ليه متعرفش بقى خافت من الراجل ولا ايه بالظبط والفيلم اللى كله مشترى نفس العربيه مافيش واحد فيكى يا هند شارى نوع تانى ليه ابن الريس ماسك صناعت العربيات هناك ومفيش غير دى هههههههههههههه
والراجل فاكر نفسه راكب ريس بيتزحلق من تحت العربيه فاكر نفسه فى موست وانتد وبعدين عادى جدا راجل سريع بسرعة 40 حصن الاحصنه دى كلها بتجرى راه وهو اللى سابق
جامد جدا فيلم هندى اصلى
اوعي وشك هههههههه
بس نقطة الضعف الوحيدة للقوات الهندية ان مفيش طيران حربى للشخصيات الجبارة دى
كان مفروض يستعينوا بالناتو
انا حاسس انى هندى وانا بتفرج ....
فى سؤالين: الأول منين جاب الخشبة الى طيرت العربية الرانجلير دى :) وايه الى خلاها تطير؟
التانى هو الانسان لو نايم على وشه وضرب الأرض مرتين يطير؟؟
اخر سؤال هى ازاى العربيات دى بتنط كدا :)
فيلم عالمى :)
أنا شفت الراجل دة قبل كدة فى حتة من فيلم فى منتدى من المنتديات و كانوا مسميينه
(أبو الشلخ الهندى):gun_bandana:
الفيلم ده كان عايز اميتاب
افلام هندى..........ام هيوليود
بس الحاجة الوحيدة الى ماطرتش فى الفلم دة الحصنة لازم يعيدوا الفلم تانى
(دة عامل زى ابراهيم الابيض مابيموتش)
:E_braces[1]::E_braces[1]::E_braces[1]:
هما اصلا مسكوة ازاي في الاول - دة مسح بيهم الارض ههههههه
منتهي العبط الاخراجي و الهبل الانتاجي
هههههههههههههههه...... انا مش قادر ابطل ضحك.... فظييييييييييييييع....
شفته الجاك مان اللي خلعه من العربيه و حدف بيه الرينجلر..... قلبها ابن الاييييييييه.....ههههههه
ولا الحصان اللي عمل بيه دريفت من تحت المقطوره..... ده رامي سري ماعرفش يعملها بالبي إم...
لكن انا عرفت انه بعد اللقطه اللي عملها و لبس في العمود بالشكل ده و قلب الحصانين بشدة حبل....:: قطع خلف ::
لكن المبهر في الفيلم ده انهم قدروا يجمعوا كل القوات دي بكلمه واحده في الووكي تووكي اللي كان ماسكه اللواء اللي في أول الفيلم, لأ و جاب احصنه كمان, يعني عامل حسابه على معركه بجد مش هزار... هههههه
لكن ازاي قدروا يجيبوا كرو الاخراج بتاع كوكب المريخ؟؟؟؟؟ لأ مكلفين الفيلم المره دي (زي البسله بجزر كده)
ههههههههههههههههههه........ بجد مشكله..... احييك على هذا الفيديو الرائع... أستـــــــــــاذ
حكومتنا عايزه واحد زي ده علشان يوريهم الحركات الهندي علي اصولها زي مابتورينا
مش ممكن بجد الفيديو مسخرة
بس هو السؤال اللى بيطرح نفسه
الوحش ده مسكوه من الاول ازاى !!
بس فلم يستاهل ياخد كل الجوايز فعلا ، هايل هايل هايل :biggrin24:
انت متأكد ان الفيلم ده متصور على كوكو الأرض
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟
اكتر حاجه عجبتني في الفيلم ده هي المؤثرات الصوتيه زي موسيقى سوبر ماريو وصوت الحبل وهو بيترمي وصوت العربيات وهي بتنط
وطبعاً اكيد آخر الفيلم ده انه هيروح يجيب حبيبته ويطلعلهم راهب (زي فيلم طير انت) يقولهم انهم اخوات !
ختو بالكم لما عدا من الابواب الإزاز وكسرها
كل اللي يجروا وراه عدو من نفس الابواب وكل مرة يكسروا نفس الازاز
الظاهر المخرج كان عاجبوا صوتها
مسخرة هندية جديدة
مثال للإستهانة بعقلية المشاهد لا لإبهاره
هل من المفترض أن يعجب المشاهد العادى بالقدرات الخرافية والصدف الوهمية والخيول البلاستيكية والعربيات المكعباتية بعد هذه المشاهد
أنا ضحكت كتير أثناء الفيديو لكن برضه قلت حاجات وحشة قوى بالذات لما الحصان اتزحلق من تحت العربية النقل دى والعربيات المتلغمة اللى فرقعت فى الآخر دى كمان بصراحة عايزة إتش دبور جامد قوى
فاكرين أميتاب باتشن لما كان شايل على كتفه ( تمســـــــــاح)
وفاكرين لما الكلب بتاعه ..جه سايق ( حصـــان ) وشايل بين أسنانه ( قنبله مولتوف)
يعني الكلب راح عمل القنبلة
وراح معلق الحصان في العربية الكارو
وراح شادد اللجام بتاع الحصان ...وقاله حاااااااا يا حصــان
وراح للبطل
ورمى القنبلة المولتوف على الأشرار
...
والحصــــــــــــــــــان إلي بيعمل دريفتات
ياهووووووووووووو
طيب الحصان ده ..الهورس باور بتاعته كام ..علشان بفكر أجيب واحد
وفعلا موضوع إن العربيات كلها زي بعض
وأول المشهد ..يضرب العساكر..الحديد يتكسر ..ويقعوا بره العربية المنكوبة
...والله العظيم أنا حاسس - برغم كل المحن إلي إحنا فيها -
إننا على الأقل شعب بيفهم..ولو شاف حاجة عبيطة ..بيعلق عليها
يعني تخيلوا مثلا
الجمهور الهندي إلي كان قاعد يتفرج على الفيلم ده في السينما..كان بيعمل إيه
بيهزو راسهم طبعا
وفاتحين بقهم مترين
وبيقولوا -بالهندي طبعاً-
:" إيوه كده يا حموكشة ...إديله كمان ..هوباااااااااا"
يا راجل، دي حاجة بسيطة، شوف الراجل ده بيعمل ايه
YouTube - Bullet proof South indian hero
هاهاهاهاهاها للصبح , مافيش تعليق يتقال بعد ما الناس هنا قالته
(و حلوة عربية باتمان الليجو يا Ahmed-moga)
بصراحة انا مقدرتش أكمل الفيديو @@ مستحملتش
بس واضح من النط بتاع العربيات ان الهند كانت متطوره فى صناعه السيارات (ارفع الدريكسيون العربيه تنط على طول)
والعربيات اللى بتفرقع بالبلوتوث
وياريت حد يكلمنا عن بنج الراجل اللى فى الفيديو التانى
بجد مسخره والله والله بقالى كتير جدا مضحكتش كده
هى الناس دى معندهاش رقابه ولا ايه ياوديع
اصل بجد استحاله يبقى فيه بناديمن طبيعين فى اى مكان فى العالم تصدق ان حد يعمل كده وكمان ايديه مربوطه
وبجد هو الفيديو كله مسخره بس اكتر حته عجابتنى لما شد الشمكان من العربيه ورماه راحت العربيه رافعه هورس مش عارف ليه
ولما عمل دريفت بالحصان تحت العربيه النقل ولما شد الحبل معرفش جاب ازاى بعرض الطريق وراح طير الحصانه كلها
انا شكلى هكلم على القيديو كله هههههه
مش استهانة ولا حاجة , دى طبيعة افلامهم من 100 سنة :) امال احنا بنقول مصطلح فيلم هندى ليه !
انا لما شفت الفيديو و الله ولا كانه مقطع كوميدى , اكشن بمعنى الكلمة بجد .
شوفوا اللقطة دى , المفروض انها اكشن عندهم لكن لما بشوفها و لا اجدعها ممثل كوميدى يعرف يضحكنى كده :)
YouTube - The worst & the most stupid indian action scenes
سيبك انت من كل دة مش ملاحظين ان البطل عشان يبقى عندة قدرات خرافيه عندهم لازم يكون بشنب و عندة كرش و مطول شعرة.
يمكن يكون فيه ظاهرة علميه بتقول لو ربيت شنبك و طولت شعرك و بقى عندك كرش هتتمتع بقدرات خارقة و تبقى هندى.
يا جماعة بالله عليكوا مش ناقصة تعقيد
كفااااااااااااااااااااااا اااااااااااااااااااااااية
انا اتعقدت
و فقدت الثقة في السينما المصرية خلااااااااااااااااااااااا ااص
ايه الاكشن العاااااااالي ده
ده شيء عظيم شيء هايل
ابسلوتلي