كل الى يعرف اى حاجه عن الفا روميو 146يدخل هنا

**ramyyousri** · 25-12-2007 01:40 AM

يا جماعه انا لاحظت ان المنتدى مفهوش اى كلام عن الفا روميو يا ريت كل الى يعرف عنها اى فسوه يقلنا ايه الفسوه دى ههههههه وشكرا للافاده مقدما
اخوكم: رامى

**SEATLOVER** · 04-02-2008 12:13 AM

انا بأيد كلامك بس اشمعنا 146 بس 156 تحفة و مالهاش حل
وعندى معلومة ليك ..
الالفاروميو راجعة مصر تانى قريب ....فسوة اهة هههههه

**Ahmed Hassan** · 04-02-2008 04:57 AM

Alfa Romeo 146 موديل 94 و 95 كان فيها موتور Boxer و دا فيه منه 1300 و 1400

من 96 نزلت بالموتور الـ Twin Spark و ده موتور 2 كامه 16 صمام و فيه في كل سلندر 2 بوجيه.. و الموتور ده فيه منه 1400 و 1600 سي سي و فيه كمان 1800 و 2000 بس في الغالب بيركبو في الـ 156 مش الـ 146 و عموما كل المحركات دي استهلاكها عالي شويه في البنزين عن مثيلاتها من نفس الفئه.

عموما كل المواتير دي مفترسه في الجري.. بس من المواتير اللي تنرفز داخل البلد خصوصا في الزحمه لأن الموتور ده High Rivver يعني مش بيبتدي يدي الآداء بتاعه غير من 4000rpm و انته طالع... لكن هوه محرك جيد و ان كان يحتاج الى عنايه خاصه لأنه حساس جدا لأي نقص في الزيت.

العربيه فيه منها بتكييف عاي.. و منها بتكييف اوتوماتيك... و القليل جدا منها فيه Abs (في الغالب موديل 97 و انته طالع)

يا ريت المعلومات دي تكزن مفيده.

**ramyyousri** · 14-05-2008 07:14 AM

اكيد مفيده يا استاذ احمد

**salsolty** · 08-01-2012 11:01 PM

السلام عليكم
العربيه الالفا 146 عربيه جميله جدا وتتميز بالثبات التام علي الطريق ثبته جدا جدا والمتور الى فيها الى هو البوكسر وده 8 صباب 101 حصان ده الى موجود فى مصر لان تقريبامفيش فى مصر غير موديل 96 او 97 بالكتيير والعربيه ممتعه جدا فى سواقتها وبتدي برستيج قوي... وبعد كده فعلا نزل ماتور التوين سبارك وده الى موجود فى ال 156 وهو طبعا احدث واجمد لانه 16 صباب و 118 حصان او 120 تقريبا بس والعربيه واسعه ومريحه وفيها عيبين 1-انها بتسخن مع التكييف 2- انها واطيه وممكن تحك معاك فى المطبات .....وقطع غيارها ارخص بكتيير من ال 156 والاستيراد ببلاش رخيص جدا والجديد يعنى غالى شويه ..والجديد عند واحد اسمه الكيلاني فى شارع شامبليون والاستيراد عند ناس كتير فى وكاله البلح وفى فى الزيتون وفى فمدينه نصر وان شاء الله هبقى اجيب النمر علشان انا كان معايا الفا زمان وبعتها هدور على الكروت وكده........ اه والعيب الثالث طبعا انها تقيله شويه فى البيع وبالنسبه للميكانيكا بتاعتها سهله بس هى غريبه علي اى حد بيشتغل فيها لاول مره لكن بعد كده خلاص لانها مفيهاش كمبيوتر وحساسات ولا حاجه كلها حجات بسيطه بس الميكانيكيه بيستغربوها شويه فى الاول خاصه ان ماتورها عامل زي ال v ليه وشين سلندر والله اعلم ومعلش انا عارف ان الموضوع قديم لكن علشان لو حد عايز حاجه واي سؤال انا فى الخدمه ان شاء الله