الموضوع: ارجوا الافادة من جهابزة السمكرة

صباح الخير وكل سنة وانتم طيبين
انا عندى سيارة 127 مو 82 اثنين باب ورحت عند سمكرى امبارح وقال لى انة هياخد 800 جنية صافى بدون اى مشتريات
وسوف اقول لسيادتكم اية الى قالهولى بالضبط

1- هنغير الرفرفين ( على حسابى )

2- هنغير 4 دواسات لان فيهم برومة . ( من الحساب 800 )

3- هيضبط الكابوت

4- هيضبط السقف من تركيب خوص نحاس لآن السقف ضعيف جدا ولو قطة عدت علية بيتنى لتحت ( من حساب 800 )

5- هيضبط الشنطة

6- هيحرق الجنبين الخلفين .

7- هنركب أكسدام جديد وشبكة وكشافات 127 سوبر فيورا

هو دة اللى هيعملة كلة هل يستحق هذا المبلغ 800 جنية ولا مبالغ فية ؟

ارجو الرد سريعا
وشكرا

معقول بس ركب دواسات جديده جاهزة و بلاش ترقع القديمه لان هتطلع زباله و لما تيجى تبيع العربيه الناس بتبص عليها من تحت و بتعرف من المرمات ان العربيه كانت متبهدله

و بعدين لو الدواسات مهريه يبقى اكيد كمان العتب فيه بارومه ابقى بص عليه و برضو العتب الجاهز احسن و انضف من الترقيع