الياباني ياباني
عن نفسي افضل اركب يابانى بمواصفات متوسطه، افضل من كورى بمواصفات عاليه
ده رأي شخصى طبعا
عرض للطباعة
الياباني ياباني
عن نفسي افضل اركب يابانى بمواصفات متوسطه، افضل من كورى بمواصفات عاليه
ده رأي شخصى طبعا
عيب الياريس سعرها الغالى لو ترخص شويتين حتكون اصلى
الياريس عربية معقولة واللي مديها اكبر من حجمها هو انها من انتاج تويوتا لكن بصراحة سعرها مبالغ فيه شوية انا مش بدافع عن كيا بس انت بتقارن 1600 سي سي و 124 حصان وعربية مليانة كماليات وعوامل امان بالياريس اللي هي وبعيدها مش وحشة ولا سيئة بس تتقارن بحاجات تانية
بالنسبة للسعر تعالوا نقارن صح بين العربيتين
اولا السيراتو ال 1600 تتقارن بالياريس 1500 دا مبدئيا
وهنا هتكتشفوا ان سعر السيراتو كاملة نفس سعر الياريس كاملة
رغم كمية الاوبشنز الموجودة فى السيراتو عن الياريس
بلاش ال 1500
الياريس 1300 بجنظ بتكسر ال 110
يعنى برده تقريبا بنفس سعر السيراتو الى هى بجنط 16 بس مش الكاملة طبعا
النقطة التانية والمهمة جدا
ان السيراتوا جينيريشن جديد نوعا ما ونازلة فى اواخر 2008
لكن الياريس من ايام 2006
بالنسبة للسحب والتسارع مفيش فرق كبير
وزى ما قلتلكم لو بنقارن صح كان الاولى ان الموتور ال 1500 هو ينافس
والتسارع بتاعه 9.5 ثانية اما السيارتوا التسارع بتاعها مانوال 10.5 ثانية الى هو تقريبا قريب من الياريس ال 1300 مانوال ...
بالنسبة للثبات الياريس ثباتها ممتاز جدا
واى كلام عن انها غير ثابته دا سببه مجرد وهم لا اكثر
يعنى انا باخد غرز على 120 و 140 وبفضل ماشى 160 وماما نايمة جمبى
السيراتوا اكيد ثباتها برده كويس ومعقول
بس محدش يحسسنى انها بورش يعنى
دى مهما راحت والا جت كيا !!!!
نيجى لداخل المدينة وللمناورات وللتعامل فى الاماكن الضيقة والخروج من المواقف الصعبة
الياريس تتفوق با امتياز ....قيادة اسهل بكثير وباور انعم وتوجيه خيالى والعربية ممكن تعدى منها من اى موقف مهما كان المكان ضيق وصعب ومزنوق ....
وعموما العالم كله بيتجه دلوقتى نحو subcompact cars عشان بجد دى عربيات افضل بكتير فى الشوارع المزدحمة واستهلاكها للبنزين اقل وحجمها صغير وبتركن بيها اسهل ....لكن احنا هنا فى مصر رغم الاختناق المرورى والشوارع المدغدغة تلاقى كل واحد بيتكلم عن الثبات !!!!! ثبات ايه يا رجالة الى بتتكلموا فيه هو انتوا بتمشوا على 200 مثلا دايما والا 220 عشان تتكلموا فى الثبات .؟؟
السيراتوا وانا راكب جمب واحد صاحبى جبنا 140 المهم اول ماوصلنا ل 140 اانا كنت خايف .....ايه رايكم بقى ؟؟؟
يعنى نفس الكلام الى فى الياريس .....
-----------------------------------------------------------------
باختصار محدش يتصور ان السيراتوا اثبت واسرع واقوى واوسع من الياريس بمراحل تستحق ان انا اضحى ب (made in japan )
وبالنسبة لسعر الياريس هى سعرها غالى فى العالم كله وبثمن الياريس تقدر تشترى سيراتو 2000 سى سى كمان .
نصيحة متخليش الشكل الخارجى يكون هو حكمك على العربية .
لكن طبعا فى النهاية السيراتو عربية نجحت وكويسة وزى الفل وشكلها حل زى الالنترا بالضبط .....وان كنت بفضل الالنترا انا شخصيا ...
فعادى يعنى كلها عربيات فى الاخر .
انا بس الى مضايقنى المعلومات الغلط والمبالغة فى التقليل من شان الياريس ..
العربية الياريس لو كانت سيئة وضايعة زى ما بتقولوا طب تفتكروا ليه رغم انها فئة اصغر سعرها بجنط بيعدى ال 110 ..؟؟
وتفتكروا ليه ال 1500 منها بيوصل ل 125 الف ؟؟؟
كل دا وهى فقيرة جدا فى الكماليات كمان ..
ببساطة لانك بتشترى عربية صناعة محترمة .
ونعومة وانسيابية مش هتلاقيها فى عربيات كتير جدا ...
انا ان شاء الله لو هشترى جديد على الصيف الجاى فا انا بفكر فى الفيات برافو او جولف 5 مستعملة . الصراحة الالمانى والايطالى بقى حياة تانية خالص .
لكن عمرى مثلا ما اضحى بالياريس واجيب سيراتو او النترا ....
دا انا هحس ان انا نزلت مش طلعت لفوق ..
على فكرة يا جماعة نصيحة
روحوا اتفرجوا على عربيات فيات
فيات منزلة موديلات تحفة
وبالنسبة للثبات وللامان وللاعتمادية والجودة والقوة والسحب احسن من اليابانى والكورى وتقريبا تتقارن بالفولس اساسا.
فى عندكم الفيات لينيا 1400 تيربوا العربية دى ممتازة جدا
ثبات رهيب وتسارع رهيب جدا حوالى 9 ثوانى من 0 الى 100 يعنى اسرع من السيفيك والالنترا وكل الفئة دى .
وفى الفيات 500 عربية شيك جدا وقيادتها ممتعة وفيها كماليات كتير ..
وفى الجراند بونتو ..
والا البرافوا التحفة فى منها اوتوماتيك دلوقتى ستبترونك ب 132 الف
موتور تيربو كمان .
يبقى بذمتكم مثلا يبقى قدامى عربية زى البرافوا ايطالى وثبات وتسارع افضل بكثير واروح اشترى سيراتوا عشان شوية كماليات ؟؟؟
طيب مهو العربيات الصينى بتنزل عربيات كبيرة جدا ومليانة كماليات فهل دا معاناه ان هى افضل ؟؟؟؟
با ختصار الغالى ثمنه فيه
والالمانى مش زى الفرنساوى مش زى الايطالى مش زى اليابانى مش زى الكورى مش زى الصينى . مهما حاولتم تقنعوا نفسكم .
خصوصا ان مصر شوارعها بتبهدل اى عربية وعشان كده بنحتاج عربية تستحمل .
حضرتك ببساطة غريبة جدا اقنعت نفسك واللي حوليك ان الياريس احسن .....
محدتيش قلل من شان الياريس ولا جابها في الارض بس كده حضرتك خليت الياريس نجم لامع في السما ؟؟؟؟؟؟؟؟
الكل يعرف ان اي منتج في الدنيا عايز تديله شانه تعللي قيمته علشان يصبح ذو قيمة
لكن اكيد برده ان اصحاب الياريس وتوكيلها متاكديين ان الياريس سعرها مبالغ فيه ودي قضية محسومة ومفيهاش نقاش ......
وكل ده علشان علامة تويوتا العريقة الماركة ربنا يستر طريقنا وطريقك ومنعرفش الايام مخبية ايه تاني ........وصباحك فل يا باشا :verygood:
يا جماعة المقارنات دى غير صحيحة اليارس تتقارن بالنيو اكسنت والكيا ريو سيدان واسعارهم مبتفرقش كير برة شوفوا فى ياهو يارس 14000دولار اكسنت سيدان13800 هاتش 15000 وريو تقريبا 13990 وطبعا دول كلهم اعلى ابشن يعنى برة اسعارهم واحدة تقريبا الفروق فى مصر بس
وعلى فكرة كل فئة عربيات برة ملهاش علاقة ببعضها لان بسعر اليارس برة بردو تقدر تشترى الكرولا 1800 سي سي ملهاش علاقة خالص هم برة كل متعلى بابشن العربية كل السعر ميزد فى اى مركة
سيراتو الموديل اللى ب 110 باى لون