الفروق بين الميجان 3 التركى و الميجان 3 الفرنسى
الفلوينس السيدان و الميجان 3 اللى نازلة متصنعة فى رينو تركيا و موصفات العربيتين متعدلة لتناسب ظروف التشغيل الصعبة فى تركيا و دول اوروبا الشرقية و باقى دول شمال افريقيا و الدول الفرنكوفونية و هى طرق لا تختلف كثيرا عن ظروف الطرق المصرية و كمان فيها صعوبات اكتر , زى الجبال و كثير من الطرق الغير ممهدة و خلافة .
عشان كدة حتلاقى بعد التعديلات عن المودلات الفرنسية :
-رينو درست ظروف الطرق دى كويس و عرفين ان فى طرق كثيرة صعبة شوية عشان كدة فى الفلونس و الميجان 3 انظمة التعليق مرفوعة اكتر من النسخة الاصلية اللى بتنزل فى فرنسا و باقى دول اوروبا الغربية ..و مش حتلاقى على النت غير الارتفاع الاصلى اللى نازل فرنسا ..انما الارتفاع فى المودلات اللى عندنا اعلى بنسبة مش قليلة .
-مقاسات العجل فيها اختلاف و نازلة مقاسات عرضها اكبر قليلا .
- فى الميجان 3 مثلا التركى العجلة الاحطياطية خارج السيارة تحت الشنطة ,ودة لة بعض المميزات من وجهة نظرى :
- عشان تكون اسهل فى الاستعمال و فى التغير .
- مش مضطر تفرغ حمولة السيارة عشان تطلع العجلة الاحطياتية "لو العربية محملة".
- متانة اكتر لقاع الشطنة عشان تقدر تحمل على ارضية الشنطة الصلب على طول .
- لو فى حاجة فى الطريق مش سليمة "مطب ضخم مثلا او اى مشكلة فى الطريق " الخبطة تيجى فى العجلة الاحطياتية مش جسم السيارة .
- تخفيض مستوى الضوضاء الناتجة من "الطرق الصعبة " بسبب بعد ارضية الشنطة عن مستوى الطريق .
- العدادت مش ديجيتل ..و دة برضو عشان تتحمل اكتر و تلافى اى اعطال ناتجة عن كثرة الالكترونيات فى السيارة .
دى بعض الامثلة للتعديلات اللى شوفتها .. و حتلاقى ارتفاع الفلوينس والميجان 3 عن الارض هو اقصى ارتفاع ممكن الحصول علية فى ظروف التشغيل دى .
الميجان 3 اللى بتنزل فرنسا لو نزلت مصر حتلاقيها مش اقل من 180 الف جنية ..دة غير انها مش حتكون مناسبة كتير لظروف التشغيل فى مصر .
