مطلوب تقييم C4 ضرورى

**d79ahmed** · 12-05-2009 12:05 AM

السلام عليكم
انا عايز اجيب c4 ولكن عايز اعرف اسعار الصيانه و قطع الغيار والمشكله انا مش في مصر , فلو حد عارف ويقولنا يبقى كتر خير ه

**mfnada** · 15-05-2009 12:10 AM

العربية دى تحفة و لا جدال على ذلك...و دائما التكنولوجيا الفرنسية هى أحسن التكنولجيات بعد الالمانى و هى مفضلة بعض الاحيان عن الالمانى نظرا لأنها دائما تسبق سيارات أخرى من حيث الكماليات و التصميمات الجديدة...السيارة من الداخل و الخارج مختلفة و جذابة جدا...لم أجربها للأسف و لكن أخى جربها و قال لى انها رائعة و ممتازة و موضوع عدم الانتشار طبيعى فى بلد فقير و طرق غير ممهدة بالمرة مثل مصر فيكون الاتجاه دائما لسيارات رخيصة وتكنولوجيا بسيطة و طبعا التوكيل كسول و غير نشيط...و لكن السيارة ممتازة فعلا

أنا أريد أن أعرف اسعار قطع غيار ال C4

أعتقد أنها غالية ...أرجو الإفادة ببيان بقطع الغيار

شكرا

**goofy301** · 18-05-2009 09:32 PM

طب ياجماعة يعنى هى العربية مافيهاش عيوب خالص....احنا عايزين نعرف من الناس ملاك العربية اهم العيوب والمشاكل الللى واجهوها...وشكرا

**dynamic_alpha** · 18-05-2009 10:57 PM

فعلا مفيش ناس في قسم السيتروين و المواضيع قليلة جدا

انا كمان كنت عايز تقييم للc4

**CryptonX** · 18-05-2009 11:49 PM

زي ماقال كريم منير فعلا يا استاذ مختار

ابعد عنها تماما !

سيارة تحفة كزيرو من تكنولوجيا و موصافات و ثبات جيد جدا ( اعتقد انها مبدئيا بيجو 307 بس في طابع ستروين )

و طبعا سمعتها هي وال 307 زي الزفت ..

بص علي موديلات 2006-2007-2008 حاليا .. مبهلدين و حليتهم زي الزفت !

ابعد عن الفرنساوي و غنيله !

يمكن الي مساعد بيجو و رينو كمان ان ليهم " سوق كبير " في مصر .. انما الستروين لآ خالص ! و لا حتى من ايام الاكسارا .. .

لو عايز حاجة في نفس " مستوى " الC4 بس اضمن 1000 مرة لا تبحث الا عن ال Seat Leon ... و هي من الاخر " جولف " ارخص شوية D:

وانت راكب الماني و عارف ..

**CryptonX** · 25-05-2009 09:34 AM

المشاركة الأصلية كتبت بواسطة m.mokhtar

الكبييير عندنا
يامرحبا يا مرحبا

بس المشكله فى حاجة بسيطه جدا

انا عامل الموضوع ده بتاريخ 25-12-2007, 12:58 pm

يعنى ده كان مجرد فكره عابره
وسايب الموضوع عشان لو فى ناس محتاجه معلومات عن العربيه

والله انت الكبير :)

انا اخدت بالي ان الموضوع قديم بس اتفكرتك شاورت عقلك تاني .. فكنت بقولك راي بس :)

**CryptonX** · 25-05-2009 05:41 PM

المشاركة الأصلية كتبت بواسطة dynamic_alpha

ليه فيه ناس بتشكر قوي في العربية و ناس بتقول ابعدوا عنها تماما ؟؟

لان العربية كعربية لا غبار عليها .. يعني سرعة رهيبة محرك جبار و صوته مكتوم ثبات عالي جدا امكانيات و تصميم و شياكة ملهاش حدود - قاعد جوا مشغل التكييف و متلج و مش سامع اي حاجة برة و حاسس انك راكب طيارة خاصة ..

الخبر الجيد ان كل الحاجات دي فعلا متوفرة فيها
الخبر السيء ان كل الحاجات دي " مبتعمرش " فيها .. و تنتهي في الاخر لكماليات خربانة او قطع غيار غالية فتسيبها شكلها مبهدل يا اما عيوب كهربائية و صناعية كعادة فرنسا ..فبدون عناية " حريصة " للغاية و صيانات " توكيلية " معتبرة .. انسى السيارات دي .. تماما

مع قطع غيار غالية تؤدي في الاخر الي السمعة السيئة للي مش راكبها يا

والي راكبها يبقى حاببها جدا و لكن نفسه تبقى في حالتها الزيرو ..

ده باختصار عيوب و مزايا السيارات الفرنيسة الحديثة في بعض كلمات