كان معايا سيراتو خليجى هاى لاين بعتها الحمد لله و خسرت 10000 جنية و كان كلها مشاكل . ازفت عربية ركبتها فى حياتى .
عرض للطباعة
كان معايا سيراتو خليجى هاى لاين بعتها الحمد لله و خسرت 10000 جنية و كان كلها مشاكل . ازفت عربية ركبتها فى حياتى .
تفتكر هنقولك أيه غير
أيه المشاكل الى قابلتك
وحاجه غريبه جدا من حضرتك أنك مش كاتب أيه المشاكل الى قابلتك
يعنى راملنا كلام عايم كدا و خلاص!!!!!!!!!
صوت حشرجة اول لما ادوس الفرامل و بعدين تروح -صوت تزييق اول لمل تدوس بنزين تسمعها بس فى مكان هادى - صوت خبطة فى العفشة ادام يمين- صوت و انا بفتح فتحة السقف و بعدين راح .حاجة اخر ............*انا كنت عامل 500 كيلو :fun_36_3_4[1]:
طيب حضرتك شايف ان دا طبيعى فى العربيه ولا حاجه فرديه حصلتلك أنت لوحدك
+
وصف حضرتك يدل أن العربيه دى كانت ضايعه
ليه مرجعتش للمعرض الى جبتها منه و نطيت فى كرشه "يا ريت تقلنا على أسم المعرض علشان نتجنبه"
+
مين ألى رضى يشتريها من حضرتك بالحاله دى
شكرا لسعه صدرك مقدماً
اوعي تفكر في الكيا تاني احسن دي كوخه
خلييك في التويوتا دواسة البنزين حلوه
حرمت وحياتك كورى تانى بح , العربية انا مستلمها بورقها و الله من امستورد نفسة جابر عبد الشهيد و كانت افراج شهر و احد بس يعنى لانج. ............*شكل عالفاضى . انا هاحجز new megane و ادفع الفرق
مظبوط كده
فكك من الكيا "الزباله" دى
ربنا معاك
والله الموضوع ده محدش يقدر يحكم فيه .. اذواق وأراء وكل واحد أفش علي رأيه . خلاص الي عاجباه العربية ربنا يباركلو فيها والي مش عاجباه يغير..
انا مثلا معايا سيراتو الشكل القديم وبكرها وبكره الشكل الجديد وبكره كيا كلها وبكره كوريا وقريب هكره القاره . انا حر بقي :36_1_1[1]:
كل واحد معاة العربية وفيها المشاكل يدخل ياكد انها عنده او مش عنده علشان ممكن تكون حالات فردية وعلشان الناس تطمن
انا معايا العربية من شهر 6 ماشى بيها 13500 كيلوا الفرامل مفهاش اصوات
معنديش مشكلة الخبطة الى فى العفشة يمين الى عنده
معنديش فتحة سقف
الحمد لله العربية مريحانى ومندمتش على شرائها
دى عربية بنت #### و لا بلاش شتيمة. بس استنى عليها شوية , على العموم ربنا يباركلك يا عم فيها
فى توكيل ميعرفش يحافظ على سعر عربيتة ؟ انا اشتريت العربية ب129000 بعد اسبوع اصبحت ب 121000 طيب دة اسمة كلام؟ دى غلطة التوكيل السمح لكل من هب و دب يستورد العربية و يبيع بمزاجة . دة نصب
ههههههههه تاني !!!!!!!!!!!!!!!!!!
قول الحمد لله انك خرجت منها سليم - انا سامع ان السيراتو متهمة في كذا جريمة قتل وسرقة بالاكراة :E_braces[1]:
ربنا يعوض عليك ويحرسلنا السيراتو بتاعتنا - لولا اختلاف الاذواق لبارت السلع
السيراتو وحشة قوي - محدش يشتريها تاني - خلينا راكبين عربيات مميزة شوية :049:
علي فكره ابن عمي عنده ميجان 2008 بقلاوه يا عيني بيعيط كل ما يزود ميه الكمتيور بهنج
ويقولوا يلا بينا ع التوكيل والكاوتش كله بلالين زي السيراطو وعارف جايبها 140000
دي الوقتي جايبه 70000 ربنا يكرمك خيرها
كوخه يا كيا كوخه كوخه كوخه
قدر الله وما شاء فعل......معلش دة ابتلاء من ربنا ان عربيتك كان فيها مشاكل كتير
كل دة يا راجل يا طيب وساكت لغاية ال500 كيلو
ممكن تبص على البرافو برضه ....جامدة جداً
يستنى لغاية امتى؟؟؟.....ما في ناس معانا عدت ال20 ألف كيلو وزي الفل
وهنروح بعيد ليه ؟؟...أنا داخل على ال10 الاف والحمد لله زي الفل
حضرتك ....كل الحكاية ان سعر الخليجي كان مبالغ فيه وبعدين نزل
عادي ......بتحصل في أحسن العائلات
ربنا يعوض عليك الخسارة ويهديك للخير دايماً
بص يا أمين خلينا منبقاش غالطانين زى الناس الى أحنا بنعيب عليهم
الميجان عربيه ممتازه
وكذلك الحال فى عربيه قريبك قد تكون حاله فرديه
بنعيب على الى بيهاجموا السياره أنهم مش فاهمين العيب الفردى من عيب الصناعه
عارف انك معاك العربيه و متحمس تجاها لكن وجب التنويه :))
ممممم .. مشكله السيراتو انها حلوه بذياده خلت ناس كثير اوي تشتريها .. كثير اوي ..اقتباس:
السيراتو وحشة قوي - محدش يشتريها تاني - خلينا راكبين عربيات مميزة شوية
انت طيب متاكد ان الصوت بتاع الفرامل ده مكانش abs ? و بعدين لما يبقي العيب اصوات مش للدرجه دي تبقي زباله يعني .. و بعدين يعني كل الناس اللي مشترياها في مصر محدش اشتكي يعني .. اعتقد ان المفروض كنت تروح علي التوكيل الاول قبل ما تبيع
ربنا معاك ويعوضك خير
واضح جدا ان حظك وحش واكيد دى مشكله فرديه
مش انت بتقول ان عربيتك خليجى
التوكيل ماله ومال اسعار الخليجى ؟
وانت ازاى تشترى عربيه خليجى بدون ضمان وكمان اغلى من التوكيل
دا قرارك والمفروض تتحمله ماتشتكيش من التوكيل
بالعكس دا توكيل محترم جدا انه لحد اللحظه دى ماغلاش السعر بالرغم من ان بقاله حوالى سنه الضغط على العربيه الله ينور
عموما ربنا يوعدنا بكخه كوبيه ولا Sx حتى :)
بجد مكنتش هرد بس الحتى دى موتتنى من الضحك:pointi~2[2]:اقتباس:
عموما ربنا يوعدنا بكخه كوبيه ولا sx حتى :)
بصو سبونا من كل الكلام إلي اتقال عادي سمعنا أكتر من كدة على العربية و عادي
إلي أنا مش فهمه فعلاً الحتة دي
إيه ذنب الوكيل في إن أسعار الخليجي أعلى منه
ولا إيه ذنبه حتى إن فيه عربيات خليجي أصلاً
هو المفروض يقبض على التجار و يمنعهم من الإستيراد
ولا يتخانق مع الحكومة إلي سامحة بإستيراد العربيات
هو كان فيه حد أجبر حضرتك على شراء الخليجي دة قرار حضرتك تماماً
انا مش فاهم انت بتتكلم فى اية . بقوللك جايبها بورقها و سمعت فيها اصوات الدنيا و الاخرة. انا كنت راكب 206 بيجو مسمعتش فيها غير الكاسيت . دى منظر بس و بعدين الاخ بتاع المميزة دئ انا مش شايف انها بقت مميزة انا بشوفها اكتر من ال فرنا دلوقتى .دى كل من هب و دب راكبها و على فكرة و حيات اللة انا الى اشتراها منى من الباجور فى المنوفية و بيشتغل جزار:fun_36_3_4[1]:, ثانبا الاخ بتاع العربيات الخليجى و التوكيل طيب ما عندك الكروز الوكيل محافظ على سعرها و مش سامح لحد باستيرادها مع انها خلاص فى نظرى زبالة بردة عشان كورى
ثالثا الخ بتاع المشكلة الفردية يا ريت تقرا المشاركة البعدى و احد تانى عندو مشكلة الصوت الى بيزيق دة و كمان تكة التفيس و دى حصلت معايا بردو
انا عامل 18000 كم و العربية بالنسبالى احسن واحدة فى فئتها - انا معايا الوكيل
والله منتا مزعل نفسك يا شيخ
هوة انت مقامك كيا ولا كوري... لالا ارمي يا راجل من ورا ضهرك دي حتي اي كلام و كل الناس مش بتحبها و بتقلب لوحدها اول ما تشغلها و بتنط كمان ...حضرتك كمل علي تمنها و اشتريلك فيرنا وريح بالك
سيب الكوخه اوي دي لينا ولو حد من اصحاب سعادتك برضه عنده كوخه ياريت يبعها او يتبرع بيها ... عارف لما سعادتك تركب المستويات الهاي فاي باي زي الفيرنا و في ناس زي سعادتك بيقولو الافيو جلالتك هتترتاح و يا باشا يا باشا ونت بتسمع الكاسيت لوحده باه هوهووو
انت ممكن تشتري عربيه حلوة مفهاش فرامل بتزيق
ولا فتحه سقف بتشخخل
وتبعد نفسك عن الشبهات والتوكيل الي مش عارف يظبط سعرة
واحنا متشكرين انك حاولت ترفع من معنوياتنا و تكرمت علينا ونزلت لمستوي الكوري و ركبت الكوخه بنت الكوخه دي برضه ده شرف لينا سعادتك
ويجعله عااااامر
بصراحة انا شايف انها عيوب متستهلش انك تبيع العربية عشانها....
لا تعليق ليا بصراحه
انا سوقتها من شهر و نص كده في زفه
و مكنش فيها اي حاجه
بالنسبة لل 126 الى كانت معاك ممكن تقولنا لونها اية عشان دة على فكرة بيفرق جدااااااا فى الاصوات الى انتى بتسمعها دية. حاجة تهلك من الضحك :pointi~2[2]::pointi~2[2]::pointi~2[2]:
أنا لو مكانك بصراحة بقى انزل اجيب حتة c 200
قدر الله وماشاء فعل ........
واضح ان مشكلتك فردية وبعدين هو ده عيب الخليجي او اللي بيشتري من غير ضمان لو كانت وكيل عمرها ماهتكون كده خالص ولو كده كنت هتاخد واحدة تانية زيرو واعتذار رسمي من كيا كوريا وفوقيه بوسه كمان يا سيدي .........
خلاص بقي محنا قولنا ان العربية كخة وزبالة - وتاكسي وبيركبها جزارين - مهم بني ادمين بردة مش كدة ولا اية
وهيا كمان اوحش من التوكتوك كمان مع الاعتذار لاي حد معاة توكتوك
انت مش بعتها خلاص ؟؟؟؟؟؟؟؟؟ انساها بقي وطلعها من دماغك بلا عربيات زبالة يا شيخ
عموما انا مبسوط ان واحد من الجزارين انضم لعاءلة السيراتو
السيراتو وصلت الباجور يا رجاللللللة - عقبال كدة ما نسمع انها بتتصنع في اسرائيل كمان هههههههههههههههههه
طيب ما أنا معايا العربيه و مفهاش الاصوات دى
وكام واحد فى المنتدى معاه العربيه و مش بيسمع الاصوات الى أنت بتسمعها دى
بص
أذا كنت فاهم الفرق بين العيب الفردى و عيب الصنع
نتكلم
متعرفش تفرق مبينهم يبقى المناقشه ملهاش لازمه
أخيرا مش شايف ان شتيمتك فى العربيه كترت شويه
مش معنى أنك صادفت مشاكل فرديه معاها أنك تنزل فيها شتيمه بدون حياء منك ولا أحترام لملكها
أظن كفايه شتيمه على كده
يا نورمال باشا محنا عارفين اللي فيها خلاص ولا اية - مجتش من المرة دي يعني - ياما خدا من الكلام دة وبردة الناس بتروح تشتريها - راجل كبير ومعاة بناتة الاتنين لقيتهم واقفين بيتفرجو علي عربيتي عند سيتي ستارز والراجل قالي شياكة اوي اعربية دي وشكلها محترم قوي - تفتكر كان راكب اية ؟؟؟؟؟؟؟
انفينيتي
خلي صاحبنا بقي يقول الليعايزة دة من حقة - احنا عارفين احنا راكبين اية كويس قوي وكفاية اعجاب الناس بيها
كل اللي ممكن يتقال انت بتقارن اروبي بكوري,غير كده يوم متقارن قارن السعر مع الامكانيات والاوبشن وتوكيل واسعار قطع غيار بعد كده احكم , بلاش سطحيه خليك موضوعي وابقي افتكر يوم متروح تعمل صيانه الميجان وتلاقي نفسك خسران 4000 وكمان سعرها ضاع
حضرتك الموضوع انت اتعاملت معاه غلط
لما تاخد عربية و تلاقي فيها الحاجات دي
تلف و ترجع للمعرض و هي بورقها كده
و ماتاخدهاش و تتخانق معاهم وممكن تعمللهم محضر كمان
دي نقطة ....
طيب حضرتك راجل مش بتاع مشاكل و لا محاضر ....
هاتبعها ...عربية ماشية 500 كم ما تلحقش تخسر فيها كتير ولا تمنها يقع و العربية سعرها ما نزلش في يوم وليلة .
ثالثا...كلنا اللي اشتروا الخليجي في الأول كنا عارفين اننا بنشتري عربية غالية بسبب عدم التوافر
أنا شاريها بـ135 الف وعارف ان تمنها هابزل عن كده ومش متفاجئ انها دلوقتي بـ123 الف لأن ده طبيعي...
حضرتك لازم تفهم ان اللي حصللك (بغض النظر عن سببه) مشكلة فردية
لأن كلنا راكبين نفس العربية ومن عند نفس الراجل و العربيات زي الفل وماشتكيناش من الشكاوى بتاعتك بالتحديد.
و عموما رأيك في العربية ده شيء يرجعلك ..وانت معذور طبعا لو كونت فكرة سيئة عن العربية ...
وقرارك بشراء الميجان طبعا قرار صحيح ....الميجان عربية أفضل من السيراتو في جوانب كثيرة ...
و تمنياتي لك بالتوفيق
هههههه - بصراحة ان كان تفكيري في حتة تلني خالص :44:
كنت بفكر اسيطر علي الانفينيتي واتقدم لواحدة من بناتة خصوصا لما فهمت انها بتاعت بنتة الكبيرة وانة بيفكر يشتري السيراتو للصغيرة - بصراحة انا كان علي طرف لساني اطلب ايدها - بس لقيتها جمرك :dzey: - العربية طبعا هههههههههههه
هههههههه شوفت يا عم نورمال ادينا عيننا علي الياباني بردو - عشان الناس بتقول ان احنا طايريين بالسيراتو في السما ومش عجبانا اي عربية تانية - والله السيراتاوية ناس زي الفل