شوف ياسيدى انا بدور زيك بالظبط فى نفس رنج الفلوس وبعد الفحص والتقليب والبحث الجامد جدا لقيت ان الابيزا 98 او 99 انسب حاجة حتقولى لية نقول لية
1 موديل حديث وحتبعد عن صداع التكهين والاحلال فعشان كدة متفكرش فى الجولف باى باى
2 بيتركب بقى عليها كول حاجات الجولف من اول الموتور لحااااااااااااااد الكوتش يعنى كدة حضرتك مخسرتش متعتك من ركوب العربية الجولف لائن ال 2 قريبين من بعض جداااااا
3 الاستقرار على الطريق الابيزا تكسب ولا تقولى بقى هيونداى ولا سوزوكى مع احترامى لمالكى العربيات دية بس فعلا فرق السما من العما فى الاستقرار على السرعات العالية
بالنسبة لقطع الغيار تعتبر ارخص الالمانى ومش غالية عادية وحتى لو غالية كفاية انك بتجيب قطعة الغيار من هنا بالسنين بتكون قعدة فى العربية يبقى يا فرحتى بقطعة الغيار الرخيصة الى كل شهرين اجيبها طيب مكدا انا وصلت لسعر قطع الغيار الغالية ويمكن اكتر كمان عشان فى مصنعية ميكانيكى ولا بتاع عفشة كل مرة بغير القطعة دية
4 الصاج ناشف الواحد يعرف يعتمد علية والعربية تقيلة على الارض
وللعلم انا لسة بدور زيك بالظبط ومحتار برضوا بس دة اكتر حاجة انا وصلتلها فى الوقت الحالى
المفضلات