دكتور احمد انا عايز نسخة من الكتاب او حضرتك ترفع الكتاب على المنتدى:049:
عرض للطباعة
دكتور احمد انا عايز نسخة من الكتاب او حضرتك ترفع الكتاب على المنتدى:049:
ابعتله على الخاص عشان يعرف
وأنا كمان عايز نسخه
ممكن يعمل نسخ بحجم الاعضاء المميزين ويوزعهم علينا
احنا عشر الاف بس
ياريت والله او يرفع نسخة على المنتدى
يا جدعان ما تحرجوش الراجل
الكتاب ده اكيد - بجانب المجهود الذهني اللي لا يقدر بمال - اتصرف على طباعته شئ و شويات
رفعه على المنتدى يعني انتشاره كصورة اليكترونية يبقى محدش هيشتريه خالص في مصر !
و انا رأيي بدون احراج تسالوه على المكتبات اللي بتوزعه او بتبيعه و تشتروه و كده نبقى عملنا الصح و شجعنا المواهب الشابة ..... و لا ايه؟
إيه ده ..
بقالي معجبين في المنتدى..؟؟؟
شكرا ياشباب على الإهتمام...بأي حالي
وتم نفاذ - والحمد لله - الطبعة الأولي من الكتاب
وإن شاء الله ممكن أعمل طبعة تانية ..أو أنزل الكتاب التالي
وللأسف
الكتاب محدود التوزيع ..يقتصر على محافظات الدلتا..علشان أنا لسه جديد ..وناشره على حسابي الخاص
بأي حال
أنا مستعد ..أكتب لكم منه قصائد مختارة
وإليكم أكثر القصائد إلي كتبتها عن تجربة شخصيه ..وأكتر الكلمات إلي خرجت من جوايا بصدق
" بدراهمـــــي "
أمنت يوما
أنك من دون النساء
بك
تعيش قصائدي ..وتخلد كل أبياتي
أمنت يوما
أنك من دون النساء
بك
تطيب جوارحي ..وستشفى جراحاتي
والأن ستخبريني
أن الحب درب من جنون
وتكتبين
أخر سطر في رواياتي
والأن ستذهبين
وقد سرقتِ كل أزمنتي
وتتركيني
بشرا ..بلا ذاتِ
........
وضاع العمر مني
أتلوا صلواتي
في بيت ردئ ..ومعبد متهدمِ
فلقد أمنت أنك
تغيرين ما كـــان ..وتغيرين كل معالمي
وأنك ترسمين أحلامي
وترسمين
الحب ..داخل عالمي
وأن شهد عينيكِ
سيظل دوما يقطر من دمي
أمنت قبلا أنك قبلتي
الأن أيقنت
أنك تعشقين وسامتي
ودراهمي
فويل لي ووسامتي وسحر جمالكِ والكلامِ الناعمِ
........
هل كان ظنك
أن أكون كسابقي
أو أكون تأكيدا لذاتك
أو أكن يوما
قد ضاع - قــدراً - من حياتك
لن يحدث أبدا
فاتنتي
أن أصبح ..واحدة من ذكرياتك
أو لم تفهمي
أنك قد ذهبتِ
كما ذهبت من قبل ..سابقاتُـك
...
..
.
من أكتر القصائد إلي بحبها كمان
" الغربــــــاء"
يمنعني عنكِ
حبي للحيــــــــاة ..وحبي للبقــــــــــاء
فلهيبك
لم يعد - كما كان - مدفئتي
بليالي الشتاء
وجهك الذي لم أعد أعرفه
يسألني
فسألت نفسي
أغربــــــــــاء صرنا .. أم كنا غرباء ؟
قصائدي
التي لم تفهميها
كلماتي
التي لم تسمعيها
أخبرتني
كيف كنت دُميــة خرساء
مصلوبة بين كفيكِ
تُمزقيها
وتلقين بالأشــلاء
أو لم تعلمي
أن الدُمى
كما أنها تُكســـر
أيضاً ..تنزف دمـــاء
يمنعني عنكِ
حبي للحيــــــــاة ..وبقايا كبريـــــاء
...
..
.
تحياتي
إية الحلاوة دي
أأول مرة اعرف انك عامل كتاب وطبعتة كمان
كتابي ده كان حلم من ضمن أحلامي الكتـــــــــــــــــير
كنت بحلم إني أكون شاعر ..وليا ديوان مطبوع وعليه إسمي وصورتي
كنت بحلم إني أكون رسام ..وليا معرض فيه لوحاتي
كنت بحلم أني أمثل مصر في الأوليمبيات ..في الملاكمة
كنت بحلم أني أكون سباااااااااح كبير ..زي أبو هيف
أول حلم إتحقق ..والحمد لله الكتاب نزل
تاني حلم ..الرسم
أنا برسم بورتريهات ..بالأقلام الرصاص ..ومش بستخدم الألوان
بستخدم بس درجات الألوان الرصاص Hb1..Hb2..Hb3..Hb4..Hb5..Hb6
وطبعا ده مش كفاية ..إني أعمل معارض
وبالنسبة للملاكمة
للأسف
الوقت مبقاش يساعد خالص ..إني حتى أروح الجـــيم ..فما بالكم بتمارين الملاكمة
وبالنسبة للسباحة
نفس مشكلة الوقت برضووو..وحمام السباحة بتاع نادي الشرقية ..مش أد كده
.
وده كان أول حلم إتحقق
ونفسي أحقق ..البـــــــــــاقي
يمكن - والله أعلم - ناس منكم تستغرب على الحاجات دي كلها
شعر ..سباحة ..ملاكمة ..رسم ..وكمان صيدلي
بس أنا طول عمري مؤمن ..بالقدرة الامحدودة للإنسان
كنا بنسمع عن العالم الفلاني
تلاقيه عالم فلك .. وعالم كيمياء ..وعالم طبيعة ورياضيات ..وعالم تاريخ ...ورسام ..ومخترع
كلهم في شخص واحد
وده عادي جدا
بس إحنا مش بنحاول نكتشف إحنا قادرين نعمل إيه ...ومش بنحاول حتى ندور إحنا جوانا إيه ..وقادرين على إيه
.
معندكش ديوان ابيع نفسي !؟ :)
ربنا يوفقك و ركز فى حاجة واحدة بس افضل .
الله عليك بس أحب أقولك حاجة في ناس كتير تقدر تعمل و عباقرة بس في ناس أكتر منهم بتقتل الطموح صدقني أنا لما اتخرجت من هندسة اتصالات من أوائل هندسة القاهرة من 8 سنين كنت حاسس اني ممكن أهد الدنيا من الحماس و الطموح لكن دلوقتي نسيت كل حاجة من اللي شوفته...يمكن أنت يا دكتور محستش ده علشان أنت شغلك خاص في صيدلية لكن صدقني ده الواقع
اتمنى انك تحقق كل أحلامك
ميدو
وشريف
والمهندس سمير
وأحمد باشا كمال
ودرش
والأخ جــودة
ياريت تقدروا تيجوا مقابلة إسكندريه
ووعد
هجيب لكم أخر 30 نسخة من الكتاب
ماينفعش ماتجوش
أنا معرفش هنا غيركم ..وغير 7 أو 8 أعضاء تانيين
ولو مش هتيجوا
هروح أعمل إيه مع رواد الأقسام التانية...أنا تقريبا ماعرفهمش..وما يعرفونيش
أستاذ أحمد
أولا:
ربنا يشفيك يارب ..وتقـــــــوم بالسلامة
ثانيا:
لو الحالة الصحية ..مش مستلزمة ملازمة الفــراش ..ممكن تشوف حد من إلي حواليك ..أو من نفس المحافظة ...وتيجي معاه
أو ممكن أجيلك ونروح مع بعض
أنا من الزقازيق
بجد بجد يا احمد انا فرحت اول ما قريت الموضوع وعرفت انك طبعت كتاب وكمان خلص من السوق
ربنا يوفقك يارب ونشفلك حاجات تانية كتير
FUO for 19 days
HAV, HBV, HCV, HIV, CMV, EBV, Malaria, Typhoid, Brucella, Swine Flu, Rheumatoid Factor, ANA all came back negative
CBC is normal .... Leucocyte count (total and differential) is within range .....
Few atypical lymphocytes were found during the malaria test, indicating a possible viral infection
SGOT, SGPT, CRP and GGT are elevated due to antibiotic abuse (prescribed :I_angr1[1]:) and large doses of antipyretics
Bilirubin is normal (direct, indirect and total)
ASOT is normal. Echo Cardiography shows no vegetation or myocardial anomalies.
Chest X Ray shows some chronic bronchitis (due to smoking)
Mild Hepatosplenomegaly (Liver measures 19.7 cm, Spleen measures 16 cm).
ESR is normal in three different readings (7, 9 and 15)
Medicines taken so far:
Tamiflu : 3 doses (stopped after swine flu test is confirmed negative)
Azithromycin: 1 tablet/day x 5 days
Levofloxacin (started with Azithromycin, one day later) : 500 mg/day x 5 days
Ceftriaxone (started at the end of both antibiotics above): 1g/day (IM) x 7 days
Ciprofloxacin (started on the third day of taking Ceftriaxone): 500mg 3 times a day for 4 days.
Abstained from ALL antibiotics 5 days ago. Currently on Acyclovir (800 mg 3 times a day for five days - Day One now), using Paracetamol and Diclofenac alternatively as antipyretics. Took a single Diprofos IM injection last night (as prescribed - single injection). Also taking Mucosin SR to be able to produce sputum for TB tests. Tuberculin test is also undergoing (one day is gone with no induration at all).
عروستي؟ لو عرفت الحل تكسب اللي انت عايزه
Hepatosplenomegaly
ودي سببها إيه ..؟؟
وبعدين أنت أخدت antipyrtics & anti-virals & anti-biotics
وكلهم مفيش ليهم فايدة ...؟؟
وواضح جدا ..زي ماقلت ...تأثيرها السئ على الخلايا المناعية عندك
طيب جربت تعمل tissue culture
بتكون أسرع ..بدل ما تجرب في جسمك كــــــــــل الأدوية دي
أحسن شئ في الموضوع ..إنك منعت كـــــــــــــــل العك ده
ودي كده - والله أعلم - زي ماقلت
viral infections
علشان لو كانت bacterial ..كان زمانها راحت من زمان مع كل الأدوية إلي أخدتها
خليك متابع مع الـ anti-virals
ولو -لاقدر الله - مفيش تحسن
ممكن نشوف دكتور حميات معروف ...ونروح له
أنا عارف إني ماضفتش جديد
بس كان نفسي أقدر أساعد أكتر من كده
.
هقولك حل مش خيالي
واقعي جدا
وأنا نفسي جربته مرة ..وكان ناجح جدا
جرب ( الرُقية الشرعية ).
وإدعي ربنا من قلبك..
محدش عارف !! .... حتى بتوع ال Hepatology .... !!!
و الله ما اخدت حاجة من دماغي
انا عملت urine, blood and sputum cultures بس طبعا بياخدوا وقت
رحت لواحد امبارح و هو اللي كتب لي ال acyclovir و حقنة ال Diprofos
يا باشا كفاية اهتمامك
و هاجرب بجد فعلا ......
انت انسان جميل اوي يا دكتور احمد و بجد كلماتك رائعه
بتمني لك كل الخير
محمد
حبيــــــــــــــب قلبى
بس ماتفكرنيش انا بفكر أغز نفسى عشان مش هاحضر المقابله
يعنى الفورميلا سافرتله ولما المقابله تبقى فى أسكندريه ماحضرهاش :H_angry[1]:
بس بجد عندى كورسات باخدها يوم الجمعه من 8 صباحا ل 6 مساء
والله بروح من غير العربيه عشان بخرج مش شايف أسوق حتى
والكورسات فى المينا فى باب 27 والمقابله فى أبو قير يعنى سفر
ولو جيت هاتكون المقابله خلصت وانا كمان خلصت ومش هلاقى اللى يرجعنى العجمى
أنا أســـــــــــــــــــــــ ـــــــــــــــــــــــــ ــــــــــــــــــــف :stink[1]:
بس ده ميمنعش أنك ممكن تسيبلى نسختى مع شنورى :36_1_35[2]:
يا د. أحمد
الشعر جاااااااااااااااامد جدا جدا بيفكرنى بأحاسيس فاروق جويدة أجمد شاعر رومانسي من وجهة نظري
بس لازم تطبع نسخة تانية و تتصرف و توزعها في القاهرة علشان انت عارف بلدنا الناس الى عندها مواهب بجد خارج القاهرة و أشباه المواهب الى هنا هما الى بيتعملوهم قيمة.
حاول بجد تعمل حاجة توصل بيها الشعر بتاعك لأكبر عدد عن طريق الجرايد او المجلات علشان هو حلو انك تحلم تعمل ديوان بس الأجمل أن عدد كبير يقراه بالذات لما يكون فيه شعر و إحاسيس حلوة قوي كدا
ربنا يوفقك و ماليش دعوة أنا عايز أقرا أشعارك إن شاالله تعملها ورق و تصوره :E_braces[1]:
انت لازم تعمل دعاية
الديوان مش حيتباع لوحده
اشتغل على الفاس بوك وحط اجزاء منه
وحتلاقى الاف بيدعوا بعض وجزء منهم حتى لو قليل حيشتروه بس لازم توفره فى مكتبات فى القاهرة وفى الاسكندرية
شوفت جروبز على الفاس بوك بتسوق الكتب وبتبعهتا للناس لحد البيت
مش موضوع انك تكسب فلوس بس لكن اكيد انت فاهم ان نجاحك معناه ان اكبر عدد يقراه
تحب نناقش شعرك يا دكتور احمد من منظور نقدي ....؟؟
ميدو اتصل بيا انهاردة بيقولي احتمال ميعرفش ييجي و بيوصيني اجيبلة نسخة الكتاب بتاعتة يا دكتور :))
أحمد باشا ربنا يوفقك ويوفقنا جميعا يارب
بس المقابله الصراحه انا مش هعرف اجي وخلينا نشوف سعاتك لما تنزل عندي هي كانت مره كده صدفه ولا ايه مش ناوي تكررها تاني
كلمات رائعه يادكتور احمد ويزيدها متعه واقعية التجربه الشخصيه على فكره انا صيدلي زيك في القاهره ومريت بتجربه مشابهه لكلامك في القصيده انا عايز اشتري الكتاب
ربنا يوفقك ياادوك وتنتشر اكتر من كدة باذن اللة
أنا رايح إسكندرية النهاردة بعد ميعاد الصيدليه..هقفل الساعة 11 ..وأطلع أنا وإتنين أصحابي
وهنبات هناك
والصبح - بإذن الله - أكون في المقابلة
وكله هيكون بالصور
.