بص يا باشا
انا جربت كذا نوع فلتر
هو مقاسه استندارد عادي مافيهوش مشاكل و اعتقد نفس فلتر اللانوس علي ما اظن.. مش عارف
وسعره تقريبا 35 40 جنيه
انا باتعامل مع عفشجي كويس في العمرانيه .. وبعدين مش باربط العفشة كل شوية يعني.. انا باربطها مثلا كل شهرين
و من يوم ما جيبت العربية اول مرة اظبط زوايا كان من شهر... ولما روحت اظبطها الراجل قالي الزوايا مافيهاش الهوا .. والمشكلة اللي عندي كانت ترصيص.. وعوجه في العجلة الشمال الامامية بعد نقرة غبية اضطريت اني البسها علشان كنت بافادي ولد بعجلة
و بتوع بريدجستون حاولوا يظبطوها مؤقتا لأني انا كده كده هاغير العجل .. حتي مارضيتش انزل الاستبن بتاع العربية -الاستبن في مكانه من يوم ما العربية جت بفضل الله -
موضوع علبة الريكسيون وظبط الشدادات بتاع الدريكسيون ده انا بصراحه ماليش فيه خبرة قووي .. وبفضل الله ما احتجتلوش خالص لحد دلوقتي... وماتقلقش الالتو مش زي ال127 :)) مش هاتحتاج تعمل الموضوع ده بشكل دوري .. وبعدين يا فندم العربية زيرو ... ما تقلقش خالص من الحاجات دي دلوقتي ... و شيلها من دماغك خالص .. علي الاقل مؤقتا ...
انا عموما طلبت منهم في توكيل الدقي مرة يظبطوالي زوايا و اتحججوا ان الجهاز عطلان .. خد بالك الحاجات دي حاجات بسيطة ولو فيه حد كويس برة مش مشكلة انك ترجع للتوكيل فيها ... ده رأيي الشخصي
وزي ما قلت لحضرتك لو حابب تدخل محطة الصيانة مافيش مانع ولا مشكلة اطلاقا .. جمد قلبك و ادخل عادي جدا ... ده حقك يعني .. وطالما الصيانة دورية يعني مافيش شكوي من حاجه معينة في العربية ... ما تقلقش خالص
تحياتي ويا رب اكون أفدتك
المفضلات