الموضوع: جديد في عالم البي إم وعدة أسئلة؟

: ليه فيه تقسيمات مختلفة في الفئة الواحدة ؟ يعني مثلا321i&330i مش كلهم الفئة الثالثة وخلاص؟ ولا ايه الحكاية؟وإلام ترمز هذه التسميات الغريبة؟

تماما زي ما قال الأخ الفاضل هشام

الفئة الثالثة بيكون أول رقم هو 3 من الشمال
316i
318i
320i
323i
325i
330i

والرقمين اللي على اليمين معناهم السعة اللترية السي سي يعني .. 16 = 1600 سي سي

25= 2500 سي سي

الخ ..

ولو مثلا الفئة السابعة هتكون بتتكتب كده

745il
750li

وهكذا ..

والفئة اللي اسمها M

دي العربيات الرياضية بتكون أقوى عربية لنفس الفئة في المحرك وكل حاجة عربية سباق يعني

لو الفئة التالتة بيقولوا M3 لو الخامسة بيقولوا M5 الخ ..

وفيه اسم كمان بيقولوها E39 بيكون مسمى مختصر .. جرب ادخل على موقع جوجل واعمل سيرش في الصور على كذا E وهتفهم اكتر وشوف الاشكال بتاعتهم

وفيه كمان فئة اسمها Z

Z3 > Z4 نفس فكرة ال M بس Z معناها ان العربية بكرسيين بس مش 4 زي الإم ..



بالنسبة بقى للحروف

لما يكون مكتوب
عربية كشف يعني c = cabriolet
i = fuel-injected
L = long wheelbase
Ti = hatchback
x / xDrive = BMW xDrive all wheel drive
sDrive = rear wheel drive


2 : كنت عايز أعرف سعر الفئة الثالثة 316i f/o/m1.6 ؟

حسب الموديل حضرتك عايزها موديل كام؟؟ عموما موديل السنة دي اللي نزل مخصوص لمصر 1600 سي سي .. عرفت من كام شهر انها ب 285 الف اتوماتيك وكماليات بسيطة .. و 335 الف كاملة بالشاشة واتوماتيك ايضا .. وفيه فئة أقل من الاتنين سمعت انها في حدود 235 الف بس مانيوال .


3 : ما هي سرعتها النهائية؟
انا مركبتش بي ام .. بس اعتقد حسب العربية والفئة وقوة الفئة السي سي وكده

4 : وما أحوال ثبات هذه السيارة؟
رائعة ثبات وقوة محرك وشكل وفخامة ورياضية وكل شئ .. BMW من أعرق الشركات في عالم السيارات

BMW اساسا اختصار لكلمات لاتينية تقريبا وبالانجليزي اختصار ل Bavarian Motor Works

عربية المانية .. والمانيا بتصنع أحسن السيارات كفاية انها بتتضمن البي ام والمرسيدس على الأقل

ومبنى إدارة بي ام دبليو في ميونيخ في المانيا

بي ام دبليو متميزة طول عمرها بانها محافظة على شكل العيون الأمامية هتلاقي أي عربية بي ام من يوم ما بدأت لغاية النهارده بتحافظ على العيون سواء بحلقات أو لا



وانا شخصيا بحب أكتر عربية في كل العربيات اللي هي من انتاج بي ام دبليو واللي هي

M6

تقدر تشوفها على جوجل ;)

هوا فين العصابه هنا

شكر لله وربنا يوفقك

أنت ممكن تتصل بالبافارية و تسال عن السعر لأنهم كانوا عاملين خصم أيام المعرض بس مش عارف مستمر ولا لأ و كمان عندهم تقسيط داخلى من الشركة