الله يحظك يا استاذ فرحات:shine[1]:
جبتها بسرعه اسرع من بحبك يا حمار:B4_388:
الله يحظك يا استاذ فرحات:shine[1]:
جبتها بسرعه اسرع من بحبك يا حمار:B4_388:
اسمحلى اختلف معاك يا عمرو
هو مينفعش أن الموضوع يتم غلقه لانه ما حصلش فيه تجاوزات الا فى كلمه واحده والاشراف حذفها بسرعه
أما اتهام أن معظم الناس فى القسم من ا لتوكيل فده رأى يجب الرد عليه بالحجه وليس بغلق الموضوع
للاسباب دبه أعتقد أنت ما سمعتش لا حس ولاخبر من الإداره
اما بالنسبه للموضوع الاهم وهو ذكر الله ( ذكر الله بالفعل أى تذكره سبحانه ومش اسمى اكيد هو الاهم ف ( لا اله الا الله ...... محمد رسول الله )
انت تطلب يا باشا و طلباتك أوامر .:satelite:
الى اخوانى : انا الى قولت ان 80% من التوكيل وبعدين تابعت التعليقات وجد ت حاجه غريبه بالنسبالى ان الكلام موجه لأداره المنتدى وليس الاعضاء ولى مش مصدق يرجع لكلامى الكلمات لا تؤخذ مبتوره ولاكن من سياق الجمل انا كنت بعترض بالكلام ده على نقل موضوع يخصنى وتغير عنوانه وبالتالى النقد موجه لمن يملك نقل الموضوعات. وتغير عناونها من من الاخوه الاعضاء يملك ذالك والدليل انى فى الموضوع الذى نقل هناك من الاعضاء من علق بانه لا علاقه له برينو من وجه نظره وانا لم اعترض عليه حقه ان يقول رأيه فالموضوع يا ساده رساله تخص المرسل اليه ولا علاقه لكم بها وعلى العموم هى ليست سبه ان تكون من ضمن فريق لتوكيل محترم مثل رينو من منا لا يرغب فى العمل لدى توكيل سيارات كبير .. واجد بعد ذالك من يصفنى انى من المضللين ويذكر فى حقى بيت شعر لا يليق بانسان قبل ان يليق باخوه المسلم ويطالبنى بالاعتزار. عن ماذا يا سيدى؟؟؟؟؟ ومن يطالبنى بالتوبه والرجوع الى الرشد ومن يدعوا علينا ويتحسب ورأيت فى ما يرى النائم ان أخرون سيتركون المنتدى وأكاد ارى ان هناك من سيلقى بنفسه من فوق المقطم !!!!!! وأقسم بالله انى من ملاك اللوجان وهذا القسم ردا على من أتهمونى بالخيانه وبانى عميلا لاحد التوكيلات الاخري (الكافره)!!!! .
العضو الفاضل
ما فهمته من كلامك هو أنه تم تغيير عنوان موضوع سابق لك أو نقله الى قسم أخر
لذا أرجو منك أن تستوعب أن هناك قوانين تحكم ذلك فى المنتدى و أن كنت ترى ظلماً قد وقع عليك شخصياً جراء نقل موضوعك أو تغيير عنوانه فالرجاء الحار منك بتقديم شكوى فى قسم الشكاوى متضمنة رابط الموضوع و أؤكد لك أنه إن ثبت تقصير أو تعسف من المشرف سوف تتم معاقبته.
مشرف الأوروبى 1
أسف على أيه هو أنت غلط فى حاجه ؟ولا أنا الى غلطت عشان باختلف معاك ؟ هو الاختلاف فى الرأى ممكن يزعل
وطبعا أنا مش ادرى ولا حاجه ده مجرد رأى ينفع يبقى ليا رأى وماقلوش ؟
واعتراضى على غلق الموضوع - حتى الان فقط - ملوش علاقه بقرار الإداره هما اكيد بيعملوا الى هما شايفينوا صح يعنى أن الموضوع مفتوح ده مش قرارى ولا رأى
رجاء اخير ده موضوعى وواضح زى الشمس انا بقول فيه عندك كلمه حلوه قولها معندكش يبقى هيغيروا العنوان وينقلوا الموضوع . مين فيكم يا ساده يقدر يغير العنوان او ينقل الموضوع؟؟؟؟ وبقول فى تعليقى انا مش عجبنى المنتدى فى الرقابه . من منكم له سلطه الرقابه على المنتدى ؟؟؟؟ من منكم له صفه ابرام صفقات ترويجيه لاى توكيل فى المنتدى ؟؟؟؟ وان كنت موجه النقد للاداره فى نقل موضوعى وتغير العنوان لاكن لا ارى اى حرج من اقتران ملاك المنتدى باى توكيل او اى اعلانات او حملات ترويجيه واقول لملاك المنتدى وليس لملاك اللوجان وفى الاعاده أفاده ويا رب الناس الى كانت هترمى نفسها من المقطم تكون فهمتنى...
طب ليه ما قولتش كده من اول الردود
اول ما تبادر للذهن أنك تقصد الاعضاء
وبرضوا لو تقصد الاداره هاعترض على أن 80% من إداره المنتدى تبع التوكيل لان ديه زى ما قولتك مش تبقى حمله تروجيه ديه تبقى حمله غش وتدليس لان اى منتدى هو ساحه للرأى بتفترض فيه الحياديه وغير كده يبقى ضحك على الدقون وأنا متأكد أن ده مش موجود فى نايل موتوز
عموما يا باشا احنا اخوات وأنا بعتذر ليك عن ردى السابق الى كان فيه بعض الحده
يا سيدى انت كثير الاعتراض فكلمه 80% كلمه مجازيه فلا املك فى الحقيقه رسم بيانى لهولاء . وكما ان المنتديات ساحه للرأى فهى فى الاصل ساحه للاعلانات بمعنا ان المستهدف من اى عمل هو جنى الارباح وبما ان العضويه فى اغلب المنتديات مجانيه فالاعلانات والحملات الترويجيه هى الممول الوحيد وهذا لا يعيب اى منتدا فضلا عن نيل موتورز بل على العكس تماما فالنجاح كل النجاح هو الحصول على اعلانات اكبر وحملات ترويجيه اكثر ولو أخذنا بنظريه المؤامره ما قولك فى ان من يحملون استكر نيل موتورز (الذى يدفع ثمنه مقدما) لهم خصم خاص فى توكيل رينو ففى ما لا شك فيه انها عمليه ترويجيه متبادله التوكيل يروج للستيكر ويقوم المنتدى بنفس الشئ يا سيدى فى البزنس الخدمات لا تعطى مجانا وهى اعمال جد مشروعه وأتقمص دورك الان وأعترض وأرجو من التاريخ تسجيل ذلك فمثل هذه النوعيه من الحملات او الاعلانات ليس فيها من التدليس او الغش ولا علاقه لها بالحياديه لا من بعيد ولا من قريب ولاكن احيانا الهوى طبيعه بشريه
لا انت غلطت ولا انا غلطت"اما بالنسبه للموضوع الاهم وهو ذكر الله ( ذكر الله بالفعل أى تذكره سبحانه ومش اسمى اكيد هو الاهم ف ( لا اله الا الله ...... محمد رسول الله )"
ولا يمكن اكون زعلان لاختلافك معايا. وده لاني مكتبتش المداخله دي غير عشان النفوس تهدي بعد الاسلوب اللي وصلناله .
فعشان كده اتاسفت لاني اتدخلت اصلا وكان يجب عليا اخذ دور المشاهد . بس مفيش مشكله
وما دام فتحنا الموضوع تاني قولي حضرتك هتثبت للناس ازاي ان 80% من الاعضاء مش من التوكيل. وباي اسلوب
كل واحد فينا هيحلف بوالله العظيم مانا من التوكيل, ولا هنطلع كعب عمل للمشرفين بتوع القسم يثبتوا فيه انهم مش من التوكيل
ولايمكن نفضل نشتم في بعض وناس افاضل بتتنعت باحقر الالفاظ.
وكل ده ليه عشان عربيه ياجماعه والله حرام العربيه جميله ومفيش فيها مشكله لكن موصلتش للكمال اللي يخلينا نخسر الناس عشان واحد قال راي معاكس فيها ومازلت مصر وعند كلمتي احنا مش راكبين غير عربيه عاديه وعلي قد فلوسنا ولو ربنا كرمني شخصيا هغير للاحسن هو انا اتجوزتها عشان اعيش معاها للابد المرسيدس نفسه في الاخر حته حديد.
وانت ادري قولتها علي
مفهمتش ايه المقصود ومدام مفهمتش يبقي انت ادري.لان انت اللي كاتب.
وكان كلامي هو
أ/ذكرالله ,,,,,اذكر الله لا إله إلا الله، وأن محمداً رسول الله
ودي عباره بتتقال عشان النفوس تطمئن "ألا بذكر الله تطمئن القلوب"
وقلت اخد حاجه من اسمك فهمتها صح فهمتها غلط ربنا بيحاسب بالنوايا وعالم انا نيتي ايه وانا بكتب لك
لا اتكلمت عن ذكر الله بالفعل ولا بالقول ولاانا جهه محاسبه لحضرتك
خلصنا والحمد لله
واذا كانت مشاركاتي زعلت حضرتك انا بسحب كل كلمه جت فيها سواء بالخير او بالخير لاني مقلتش حاجه غلط
وبطلب من الاداره انها تحذف كل مشاركاتي في هذا الموضوع
وده رجاء يا ريت يتنفذ واكون شاكر لهم جدا
والسلام