اللوجان فعلآ خنقتنى ... ياريت تقولولى اعمل ايـه ..؟؟!

**hardlive** · 16-02-2010 09:33 AM

السلام عليكم
ياجماعة انا عاوز نلتمس العذر للاستاذ صاحب الموضوع لانه عنده حق في خنقته لاني الواحد لما بيجيب عربية جديدة خصوصا لما تكون فرنساوي او ياباني او الماني بيبقي متوقع منها انها تكون كاملة في كل حاجة لكن لما بيتفاجئ انها فيها عيوب حتي لو كانت بسيطة فعلا بيتخنق اوي وده حصل معانا كلنا وانا اولكم وفعلا فيه العيوب من اللي قالها دي حصلت معايا انا شخصيا خصوصا موضوع الحرارة دي من تحت الدريكسيون وروحت التوكيل المهندس هناك قاللي ده عادي قولتله مش تقول عادي طبعا ده الهيونداي الاقل كفاءة من دي مش كده قول مش عارفين نعمل فيها حاجة لكن مش تقولي عادي وتضحك عليا .. بس ارجع واقول برضه الواحد يبص علي نصف الكوب المملوء مش النصف الاخر الفارغ وشكرا..

**moda76** · 16-02-2010 04:15 PM

الى صاحب الموضوع احب اولا اقولك ان معاك كل الحق فى ان انت تختار عنوان موضوعك وانا شايف ان العنوان مناسب جدا لان ه بيعبر عن الحصلك من العربيه لاكن يا اخى تقريبا ان 80 % من المنتدى تابع للتوكيل ان مكنش اساسا شاغلين فيه يعنى من الاخر عندك كلمه حلوه عن العربيه قولها معندكش يبقى هيغيرو العنوان وينقلوا الموضوع انا نفسى حصل معايا ده قبل كده لما قارنت بين اللوجان وعربيه صغيره من باب الطرفه لاكن اخونا مستحملوش وكئنى تعديت على اللوجان جنسيا . وعلى ذلك انا من ملاك اللوجان وبحب العربيه دى كثيرا وشايف انها افضل عربيه فى فئتها لاكن مش عجبنى الطريقه البيدور بيها المنتدى فى الرقابه وأظن وبعض الظن اسم ان المنتدى له علاقه بالحمله الترويجيه لتوكيل رينو. وطبعا واكيد التعليق ده هيحذف وهاخد الكرت الاحمر لاكن لو الموضوع كده يبقى مش هتفرق معايا وشكرا.

العضو الفاضل.....الرجاء عدم أتهام الغير بالباطل
المنتدى كان و ما زال مستقل و غير تابع لأى توكيل فى مصر أو خارجها....و سيظل كذلك بفضل دعم أعضاءه المفيدين الذين أتهمتهم بالباطل

**zkralla** · 16-02-2010 04:17 PM

المشاركة الأصلية كتبت بواسطة super_star_h

عندى مشاكل بتواجهنى فى اللوجان

اولآ فى صفاره فى العجل الامامى لما بضغط على الفرامل
طبعآ مش بتصفر الا اذا كنت جايب الغيار الاول والتانى عند التهدئه
رئى اصدقائى ان تيل الفرامل بيتاكل او ناشف شويه
ما علينا
تانى مشكله عندى ظهرت قريبآ
ان فى هواء ساخن بيدخل جوه العربيه
وتحديدآ من تحت الدريكسيون او من فتحات التكييف جمب الدوسات
الله اعلم برضو الحراره دى جايه منين بضبط
بس طبعآ دى حرارة الموتور اللى بتدخل
مش عارف ايه حلها دى كمان

تالت مشكله ان دواسه البنزين فيها رعشه
طبعآ المشكله دى عرفت انها مع كله مش انا لوحدى
وكمان هزة الفتيس
بس الحمد لله مشكله دواسة البنزين خفت عن الاول خالص
لان عربيتى معدى بيها ال 7000 كيلو
من الواضح انها بتتلين مع الوقت

رابع مشكله بقى اللهم صلى على النبى
ان العربيه بتحدف منى يمين لما بسيب الدريكسيون
ودى تقريبآ محتاجه ضبط زوايا على حد علمى

خامس مشكله بقى
ان فى مفارق فى الاكصدام الخلفى حوالى سم عن الصاج
مش متقفل كويس بمعنى اصح

انا محتار ومش عارف اعمل ايه بضبط
اروح للتوكيل ؟
وهل هروح ادفع دم قلبي هناك
ولا اخلص نفسى عند اي ميكانيكى واريح دماغى
الا انا روحتلهم تانى يوم اما جبت العربيه
تخيلو ليه ؟
وانا وقاعد فى العربيه تحت بيتنا فى امان الله
ومشغل الكاسيت وعامل اكتشف الغرائب اللى موجوده فى العربيه
زي مثلآ كلكس العربيه الغريب اللى موجود فى دراع الاشاره !!!!!!!
ده انا اكتشفته بعد يوم كامل !!!!
وزى مثلآ الزجاج الخلفى اللى بينزل من مفاتيج ورا فرامل اليد !!!!!!!!!
المهم يوميها وانا قاعد بكتشف الغرائب دى وبتعرف على العربيه عشان علاقتنا هتطول
فجأه لاقيت صوت قنبله !!!!!!!!!!!!!
انا قولت فى امبوبه ولا طوبه كبيره اتحدفت على سقف العربيه ولا على الشنطه
ابص ورايا الاقى الازاز اللى ورا جاله سرطان وبقى حتت فى مكانه
انا ازبهليت وفضلت متنح ربع ساعه
المهم طلعت تانى يوم على التوكيل طبعآ دى العربيه مش بقالها 48 ساعه معايا
دخلت عليهم وقالولى اومال فين الازاز ؟؟؟؟؟
اقولهم ازاز ايه بقولك العربيه الازاز جاله سرطان مره واحده وطرشق
قالى مش ينفع كان لازم تيجى بيه وهو متركب عشان نصوره !!!!
تصوره ازاى يا عم الحج ده مع اول زلطه فى الشارع وانا وجاى الازاز فضل يقع جوا العربيه
عقبال ما وصلت كان كل الازاز واقع فى العربيه
انت بتتكلم فى ايه بقولك ازاز جاله سرطان
قالى مش ينفع لازم تركب ازاز جديد على حسابك
قولتله وكام هيبقى حسابى ده ؟
قالى الازاز عامل 1600 جنيه بالمصنعيه .. ده بعد التخفيض كمان
الظاهر انه ضبط الرقم ده على اساس الماتور 1600 سى سى
والله حاجه تضحك
المهم طبعآ معملتوش ومشيت اصلآ وكرهت التوكيل
وبعدها وانا وماشى قابلت واحد راكب لوجان والسكه واقفه
قام فاتح الازاز ومكلمنى قالى قالولك ايه فى التوكيل !!!!!!!!
قولتله زي الفل
قالى انا عملته عند محل هنا فى اخر الشارع ب 400 جنيه
طبعآ روحت تانى يوم وعملته بره ب 400 جنيه وريحت نفوخى
ودى كانت اول مشكله وبدايه مبشره

طولت عليكم انا عارف
المهم فيدونى يا زملائى اعمل ايه انا دلوقتى
الا انا خلاص اتخنقت وقربت اكره العربيه اساسآ

على فكره انا من اسكندريه
وصباح الفل

برجاء مراعاة الدقة الاملائية في الصلاة على النبي الكريم

مشرف رينو

أنا مستغرب حضرتك قلقان قوى كده ليه
صدقنى الموضوع مش مستاهل خالص
اهدا كده وسلمها لله

كل الى بتقول عليه ده كلام بسيط خالص

التيل الى بيصفر المفروض يا يتفك ويتنضف يا اما بيتغير

الهواء الساخن من مواسير التكييف وبيركبوا مجانا عازل فى التوكيل لانه اساسا مش عيب

الاهتزاز هيقل مع الوقت وهو فى الاساس حاجه بسيطه جدا

موضوع السرطان ده فعلا يضايق بس اكيد أنك عارف ان ده بيحصل ممكن - ربنا يبعد عنك الشر - الواحد يكون واقف فى امان الله ونروح عربية خابطه مكسره الدنيا يبقى السرطان بتاع القزاز قضاء اخف من قضاء اخر واحمد ربنا انها جت على قد كده

**zkralla** · 16-02-2010 04:41 PM

المشاركة الأصلية كتبت بواسطة moda76

الى صاحب الموضوع احب اولا اقولك ان معاك كل الحق فى ان انت تختار عنوان موضوعك وانا شايف ان العنوان مناسب جدا لان ه بيعبر عن الحصلك من العربيه لاكن يا اخى تقريبا ان 80 % من المنتدى تابع للتوكيل ان مكنش اساسا شاغلين فيه يعنى من الاخر عندك كلمه حلوه عن العربيه قولها معندكش يبقى هيغيرو العنوان وينقلوا الموضوع انا نفسى حصل معايا ده قبل كده لما قارنت بين اللوجان وعربيه صغيره من باب الطرفه لاكن اخونا مستحملوش وكئنى تعديت على اللوجان جنسيا . وعلى ذلك انا من ملاك اللوجان وبحب العربيه دى كثيرا وشايف انها افضل عربيه فى فئتها لاكن مش عجبنى الطريقه البيدور بيها المنتدى فى الرقابه وأظن وبعض الظن اسم ان المنتدى له علاقه بالحمله الترويجيه لتوكيل رينو. وطبعا واكيد التعليق ده هيحذف وهاخد الكرت الاحمر لاكن لو الموضوع كده يبقى مش هتفرق معايا وشكرا.

ايه الكلام ده
طبعا الكلام ده غلط 100%
ده احنا نفسنا يكون فيه واحد من التوكيل يرد على استفسارات الاعضاء والتوكيل رافض يبقى ازاى بقى 80% مننا من التوكيل

ثانيا : معظم الناس فى القسم عارفين بعضهم اسما ووظيفه بصفه شخصيه فمستحيل يكون 80% من التوكيل

ثالثا : كون المنتدى حمله ترويجيه للعربيه ديه تبقى حمله غش مش حمله ترويج عشان يفترض فى الى بيعمل ترويج انه يبين هويته مش يكذب ويقول معايا العربية عشان يروج لها ده يبقى تدليس وكون الرقابه والاشراف بتسيب الكلام الى بيشكرفى اللوجان وتحذف الكلام الوحش ده اتهام ينقصه الدليل

رابعا : الموضوع بتاعك كان فعلا ملوش اى علاقه بالقسم وعلى كده ممكن واحد يعمل موضوع ويقارن ما بيت تكتك واى عربية عشان يحشر الموضوع جو القسم بتاع العربية التانيه ده منطق مغلوط وأنا قلت كده فى الموضوع بتاعك أن الموضوع ما لوش اى علاقه بقسم رينو ولو كان طرفه وهزار زى ما بتقول ورغم كده محدش هاجمك والى اعترض على الموضوع كان لان مضمون الموضوع لا يمت لقسم رينو بأى صله ( يعنى اقارن عربية بعجله الترامكو وراوح احط الموضوع بقسم الترامكو )

خامسا : تشبيه اعتداء جنسى تشبيه غير مقبول واطلب من الاشراف حذفه

سادسا : أن بعض الظن اسم غلط املائى فى جمله قرأنيه لأنها إثم وليس اسم بالثاء وليست بالسين

سابعا : أنا مش عاجبنى عنوان الموضوع ( ابقى اكيد من الى شغالين فى التوكيل )

أنت ما حاولتش تقدم اى إفاده لصاحب الموضوع لحل مشكلته هل مهنى كده أنى ممكن اتهمك أنك شغال فى توكيل عربية منافسه ( لانوس ولا فيرنا ) وداخل تخبط فى اللوجان ؟ ( بالمنطق بتاعك اكيد ممكن )

**frhateg** · 16-02-2010 05:12 PM

يا جماعة الموضوع ميستهلش كل الشد و الجذب ده واضح ان كاتب الموضوع جديد علي المنتدي ( 4 مشاركات فقط ) و اللي بيرد عليه عضو فعال (337 مشاركة ) يعني متمرس في المنتدي و بعدين العربية عاملة معاه 7000 كيلو يعني بقي لها مده معاه و لو دخل علي مواضيع اللوجان حيلاقي حلول للي بيقول عليه من سخونة و رعشة اما بخصوص الحدفة يمين لما بيسيب الدركسيون فدي مش مشكلة عربية و حلها زي ما قال ضبط زوايا و الزجاج اللي جاله سرطان فده قدر من الله ..قدر الله و ما شاء فعل .

**cheetos_892005** · 16-02-2010 05:14 PM

المشاركة الأصلية كتبت بواسطة zkralla

ايه الكلام ده
طبعا الكلام ده غلط 100%
ده احنا نفسنا يكون فيه واحد من التوكيل يرد على استفسارات الاعضاء والتوكيل رافض يبقى ازاى بقى 80% مننا من التوكيل

ثانيا : معظم الناس فى القسم عارفين بعضهم اسما ووظيفه بصفه شخصيه فمستحيل يكون 80% من التوكيل

ثالثا : كون المنتدى حمله ترويجيه للعربيه ديه تبقى حمله غش مش حمله ترويج عشان يفترض فى الى بيعمل ترويج انه يبين هويته مش يكذب ويقول معايا العربية عشان يروج لها ده يبقى تدليس وكون الرقابه والاشراف بتسيب الكلام الى بيشكرفى اللوجان وتحذف الكلام الوحش ده اتهام ينقصه الدليل

رابعا : الموضوع بتاعك كان فعلا ملوش اى علاقه بالقسم وعلى كده ممكن واحد يعمل موضوع ويقارن ما بيت تكتك واى عربية عشان يحشر الموضوع جو القسم بتاع العربية التانيه ده منطق مغلوط وأنا قلت كده فى الموضوع بتاعك أن الموضوع ما لوش اى علاقه بقسم رينو ولو كان طرفه وهزار زى ما بتقول ورغم كده محدش هاجمك والى اعترض على الموضوع كان لان مضمون الموضوع لا يمت لقسم رينو بأى صله ( يعنى اقارن عربية بعجله الترامكو وراوح احط الموضوع بقسم الترامكو )

خامسا : تشبيه اعتداء جنسى تشبيه غير مقبول واطلب من الاشراف حذفه

سادسا : أن بعض الظن اسم غلط املائى فى جمله قرأنيه لأنها إثم وليس اسم بالثاء وليست بالسين

سابعا : أنا مش عاجبنى عنوان الموضوع ( ابقى اكيد من الى شغالين فى التوكيل )

أنت ما حاولتش تقدم اى إفاده لصاحب الموضوع لحل مشكلته هل مهنى كده أنى ممكن اتهمك أنك شغال فى توكيل عربية منافسه ( لانوس ولا فيرنا ) وداخل تخبط فى اللوجان ؟ ( بالمنطق بتاعك اكيد ممكن )

حضرتك غلطان اصلا انك رديت علي تعليق غريب و مغلوط زي ده
ده مش متابع خالص
توكيل ايه ده اللي الناس شغاله فيه
انا واحد اهو عندي 21 سنه و بدرس في كليه و محمد حامد ادي و مش عارف مين في اسيوط
و غيره و غيره و حتي لو في حد فينا من التوكيل مش هنقول ليه هنخاف منه مثلا؟
ده فيه موضوع هنا بنترجي حد من التوكيل يخش يرد علي استفسارتنا ((مش بقلك مش متابع))
كمان موضوعك اللي متضايق انو اتشال ملوش اي فايده و لو معمول عشان دعابه اللي انت بتقولها يبقي مكانه مش هنا
و برفض بشده تشكك في نزاهة المشرفين و القائمين عالمنتدي
الناس كلها بتعمل مواضيع بتبقي عناوينها ((مشاكل اللوجان,عيوب اللوجان,,,,,,,,,,,)
حد قلهم حاجه ؟؟؟
كمان انا قلت انا شايف ان اسم الموضوع يتغير كان اتغير دلوقتي و لا حصل حاجه؟؟؟
انا مش عاجبني اسم الموضوع بس مشرف القسم شايف انو مناسب يبقي هو اكيد صح
و شايف حاجه انا مش شايفها اخش انتقد فيه و اشكك فيه بمنطقك و لا ايه راي سيادتك؟
رد عليا قولي بقي انا بني ادم مستفز و غلطني في كلمه من اللي قولتها

**cheetos_892005** · 16-02-2010 05:18 PM

المشاركة الأصلية كتبت بواسطة frhateg

يا جماعة الموضوع ميستهلش كل الشد و الجذب ده واضح ان كاتب الموضوع جديد علي المنتدي ( 4 مشاركات فقط ) و اللي بيرد عليه عضو فعال (337 مشاركة ) بعني متمرس في المنتدي و بعدين العربية عاملة معاه 7000 كيلو بعني بقي لها مده معاه و لو دخل علي مواضيع اللوجان حيلاقي حلول للي بيقول عليه من سخونة و رعشة اما بخصوص الحدفة يمين لما بيسيب الدركسيون فدي مش مشكلة عربية و حلها زي ما قال ضبط زوايا و الزجاج اللي جاله سرطان فده قدر من الله ..قدر الله و ما شاء فعل .

انا ده اللي وضحتهولو في الاول في اول رد علي الموضوع
معرفش ايه اللي استفزه اصلا
كل اللي حبيت افهمهولو ان كده كده بيقلق الناس و كان ممكن ييدور في المنتدي افضل
و شكرا لمشاركه حضرتك

**aelhossan** · 16-02-2010 05:39 PM

هيه العربيه لوجان استيشن ولا السيدان

**أبو أدم** · 16-02-2010 07:46 PM

أخى الكريم / صاحب الموضوع ...

أغلب المشاكل اللى انت ذكرتها ...

محلولة ان شاء الله ....

والتوكيل بيضبطها مع صيلنة 5000 كم المجانية ...

انت يظهر بس علشان زعلت منهم .... ما روحتش

علشان كدة انصحك ...
1- تبحث عن جميع مشاكلك داخل القسم هنا ...تجدها موجوده ومحلولة ...

2- تعمل صيانة 5000 ... و تشوف موضوع الفرامل و الحدفة ... علشان دة كدة حالات خاصة

واتاكد من ضغط الهواء او العجل ..........

وابقى طمنا ... عملت ايه ....؟؟

**DR/WAFEK** · 16-02-2010 08:36 PM

نفسى اعرف الناس اللى بتتكلم على1_ رعشة الفتيس مضيقاها فى ايه دى مبتشفش بالعين المجرده يعنى لازم تمسك الفيس علشان تحس بحاجه بسيطه قوى وبعدين 2_رعشة البنزين لما بتوس بنزين مبحسش بحلجه خالص لما تيجى تسيب الدواسه تحس بحاجه بيسطه جدا والله يعنى لما ورتها لواحد صاحبى قالى فيما معناه ايه الهيافه دى حاجه مضيقش خالصص ولا تعيب العربيه على الاطلاق 4_مشكلة تصفير الفرامل بتحصل فى اجمد عربيه وتتظبط فى التوكيل بسهوله جدا الازاز لك حق فى النقطه دى واعتبر نفسك خت العين بدرى فى العربيه واحمد ربنا وعلى فكره انا طبيب امتياز يعنى مش فى التوكيل ولا حاجه واشترك معاك فى انى مبرتاح للتوكيل نظرا لغلو الاسعار لكن العربيه لا غبار عليها