المشاركة الأصلية كتبت بواسطة reamoz
انا مع صاحب الموضوع ومقتنع بكلامة وبغير الزيت على أكتر من 5000كم مع إن الزيت اللي بحطة التقييم بتاعه API SJ وده أقل جودة من API SL اللي هو بيقول عليه زي الموبيل XHP والشل الأصفر يبقى دوول المفروض يعيشو مدة أطول
كمان والموضوع بيختلف مش بس من نوع عربية لنوع تاني إنما كمان لطريقة وطبيعة الإستخدام لكل عربية
يعني لو مثلا واحد طريقه يوميا واقف وزحمة وبيفضل واقف فترات طويلة والموتور شغال ولما بيمشي بيقضيها مابين االغيار الأول والتاني والتالت هيعمل عدد لفات موتور في نفس عدد الكيلومترات اللي بيعملها واحد تاني بنفس نوع العربية طريقه سالك وبيمشي أغلب الوقت على الخامس؟!!!!!
يبقى الموضوع كله اصلا أساسه غلط ودي كلها إفتكاسات من شركات إنتاج الزيوت علشان يبيعو أكتر ولو هو ليه أي أساس من الصحة كانو كتبوه على العبوات لكن لو كتبوا كدة الدنيا هتقوم عليهم ويقولوهم إنتو كاتبين الكلام ده على أي أساس؟
لكن مدام كلام بالبق يبقى محدش هيحاسبهم لأن مفيش حاجة تثبت إنهم بيقولو كدة!
يعني أنا في دليل الإصلاح والصيانة بتاع عربيتي اللي هي موديل 97 بيوصي بتغير الزيت والفلتر كل 8000كم
ودلوقتي المواتير والسبايك اللي بتتصنع منها بقت أحسن بكتير وتقنية الزيت كمان عليت وبقى يستحمل أكتر من زمان بكتيير من غير متتغير خواصة.
والأخ اللي بيقولك الزيوت برة مش عارف إيه وهنا مش عارف إيه أحب أوضحلة إن كل الزيوت مستوردة وإحنا هنا بنعبيها فقط لاغير وفي مقاييس عالمية للزيوت ودي بتكون مكتوبة على عبوة الزيت في أي ماركة من اللي موجودين في مصر مفيش فرق بيت مصر للبترول والتعاون وشل وموبيل وإمارات مصر كله بيكون مكتوب عليه API rating
وفي الأخر طبعا كل واحد حر واللي معاه قرش محيرة يجيب كل يوم زيت ويغيره :star1::shine[1]:
