اللى يعرف حاجة عن ال Kick down يفيدنى

**د.أحمد السعيد** · 16-02-2010 08:30 PM

" لو انت على ال D و محتاج تسقط نقلة اسهل و اسرع عليك انك تعمل Kick down برجلك بدل ما لسة ايدك هتسيب الدركسيون و تروح تدور على الزرار بتاع ال overdrive "

يا ريت اللى يعرف حاجة عن ال Kick down يفيدنى و يا ترى ده بيبوظ الفتيس و لا لأ ( حيث ان كان عندى نوبيرا و كنت لما بأحب أتخطى سيارة بسرعة بكبس دواسة البنزين للأخر ألاقى العربية صوت الموتور بقى عالى و عملت فوووووو و السرعة زادت بس للاسف الفتيس باظ منى بسرعة)
سبحانك اللهم وبحمدك ، أشهد أن لا إله إلا أنت أستغفرك وأتوب إليك

**doctor_eid** · 16-02-2010 11:07 PM

و الله اعلم الكلام اللي بين علامتي التنصيص ده كلامي في معرض شرحي لأحد الأخوة عن الأوفر درايف.
طبعا اللي يحب يعمل كده لازم يعمله بحساسية و دقة.

بمعني انك ضغطة صغيرة تنزلك من الرابع للتالت. لو ضغطة اشد ممكن تلاقيك نزلت للتاني. لو عملت زي ما بتقول و دست البنزين للآخر ممكن تلاقيك نزلت للأول. طيب انت كنت ماشي عالرابع, و بسرعة في حدود ال 100, و عايز تنزل للأول و العربية تعمل فووو, و انت تفضل دايس برضه!!! طيب ماهو طبيعي يحصل مشاكل.

في رأيي ان الموضوع ده اساسا معمول علشان لو كنت محتاج ضروري تعدي من عربية زي ما تكون على طريق رايح جاي و بتعدي و المقابل زنق عليك. اما ان يكون ده اسلوبك في القيادة فبالتأكيد ممكن يحصل منه مشاكل.

كمان من الحساسية اللي باتكلم عنها انك لو دست دوسة شديدة غلط و سمعت الموتور بيجعر, خف رجلك عن البنزين هتلاقي الأمور بقت طبيعية.
مع خالص تحياتي
د. عيد

**bmya** · 17-02-2010 12:47 AM

مفيش مقارنه اصلا بين نوبيرا اتوماتيك والصني الاتوماتيك
انا سوقت النوبيرا التوماتيك كانت 2005 موديل السنه وكان معايا ايامها لانسر 99 اتوماتيك والله اللانسر مع انها 1300 كانت احسن من النوبيرا
النوبيرا التوماتيك بتاعتها اصلا تعبان جدا وبيبوظ بسرعه فعلا وما يستحملش الحرق الكتير عليه انا في اللانسر مشيت بها 125000 قبل ما بعها وعمري الحمد لله ما عملت حاجه ولا صلحت حاجه في الفتيس غير الصيانه الدرويه من تغير الزيت فقط ومتابعه الزيبت دايما عشان لو نقص وكنت مقضيها حرق وكيكات والله كنت بخلي الفتيس ياخود نقلاته على rpm 6000
وماشاء الله كانت زي الفل
بس طبعا كتر الحرق برده بيسخن الفتيس والموتور جامد وبيسهتلك بنزين كتير جدا
وعشان كده حضرتك مش هتفضل كل مسواقتك كيكات وحرق على العربيه ده غلط لكن في مواقف معينه بتعدي عربيه مثلا او بتشد مع حد كده يعني لكن غير كده خليك ماشي براحه احسن ومتخافش الصني فتيسها جميل ماشاء الله والكيك دون بتاعه فظيع فعلا
بس على فكره الoverdrive off بلانسبه ليه احسن من الكيكات بس طبعا هو له ليميت معين في السرعه تقريبا في الصني اخره 120 دي اقصى سرعه تمشي بها عليه وممكن تستخدمه من اول 60 تقريبا

**أحمد علاء** · 17-02-2010 10:28 AM

المشاركة الأصلية كتبت بواسطة drdreid

و الله اعلم الكلام اللي بين علامتي التنصيص ده كلامي في معرض شرحي لأحد الأخوة عن الأوفر درايف.
طبعا اللي يحب يعمل كده لازم يعمله بحساسية و دقة.

بمعني انك ضغطة صغيرة تنزلك من الرابع للتالت. لو ضغطة اشد ممكن تلاقيك نزلت للتاني. لو عملت زي ما بتقول و دست البنزين للآخر ممكن تلاقيك نزلت للأول. طيب انت كنت ماشي عالرابع, و بسرعة في حدود ال 100, و عايز تنزل للأول و العربية تعمل فووو, و انت تفضل دايس برضه!!! طيب ماهو طبيعي يحصل مشاكل.

في رأيي ان الموضوع ده اساسا معمول علشان لو كنت محتاج ضروري تعدي من عربية زي ما تكون على طريق رايح جاي و بتعدي و المقابل زنق عليك. اما ان يكون ده اسلوبك في القيادة فبالتأكيد ممكن يحصل منه مشاكل.

كمان من الحساسية اللي باتكلم عنها انك لو دست دوسة شديدة غلط و سمعت الموتور بيجعر, خف رجلك عن البنزين هتلاقي الأمور بقت طبيعية.
مع خالص تحياتي
د. عيد

الكيك داون بينزل من غيار الى الغيار الي اقل منه فقط
يعني لو على الرابع ودوست البدال للأخر هتنزل للثالث وغن فضلت دايس على البدال هتفضل العربية للثالث لحد اخر مشوار الغيار (اعلى rpm الي عندة المحرك بيفصل) وبعد كده يرجع ثاني للنقلة الرابعة

الفرق بينه وبين ال over driver off هو انك ممكن تستخدم الكيك داون بداية من النقلة الثانية للنزول للنقلة الأولى ,ومن الثلثة للنزول للثانية وحتى النقلة الاخيرة(الرابعة في فيتيس الصني)والنزول إلى الثالثة .لكن ال over drive off هو منع الفيتيس من الوصول إلى النقلة الأخيرة فقط يعني لو انت على النقلة الثانية او الثالثة ودوست over drive off مش هتس بأي حاجة.

فيه فرق ثاني ان الكيك داون هو الإنتقال إلى النقلة الأقل بالضغط على البدال للنهاية ثم يقوم الفيتيس بالرجوع للنقلة الأعلى عند إنتهاء اقصي مشوار تصميمي للغيار.
ال over drive off لن ينقل من نفسة للنقلة الأخيرة إلى عند الضغط على الزر مرة ثانية.

الإستخدام : لتخطي سيارة ولتسارع سريع جدا