الموضوع: أستفسارات للمقيمين فى حدائق الاهرام او اللى يعرف اى حاجة عنها

المشاركة الأصلية كتبت بواسطة Hacker5

السلام عليكم ورحمة الله وبركاته
كنت عايز اسال على شوية حاجات فى حدائق الاهرام لانى ناوى اشترى قريب شقة هناك
لكن ناس كتير حذرتنى منها
موضوع الكهربا لانى عرفت ان 90 % من العقارات هناك شغالة بعداد انشائى يعنى عداد واحد للعمارة كلها مش كل شقة بعداد لوحدها
لا الموضوع دا مش حقيقي انا اعرف اكتر من واحد و شغاللين بعدادات طبيعي جدا
ناس تقولى المنطقة شبه عشوائية بس انا روحت هناك و محستش انها عشوائية خالص
لا مش لدرجه عشوائي هي مش منظمه لان مفيش اي كيان يلزم اي حد بأي حاجه غير الارتفاع لاكن كل مقاول بيبني علي مزاجه و فيش جراجات نهائي و دي كارثه لان اغلب الشوارع ديقه
مول اى كلام و نادى تعبان مش مهمين بالنسبالى انا الحمد لله مشترك فى النادى الاهلى و مش بروح مولات كتير
موضوع المول و النادي دا اوبشن يعني عاوز اتفتضل مش عاوز يبقي احسن لان النادي نص لبه فعلا و المول قهوه كبيره و انكان قعدتها مش بطاله
مستقبل المنطقة محدش عارف اذا كانت هاتبقى كويسة قدام شوية ولا ايه النظام ؟
بليل المنطقة بتكون كحل و عواميد النور قليلة
اعمده النور مش كتير فعلا بس كل ما بتعمر كل ما الامور بتتحسن
المنطقة دى بالذات سوقها نايم شوية عن اى منظقة اخرى
انا قلت اخد هناك لان الاسعار هناك معقولة ارخص من زايد و اكتوبر
تنصحونى اشترى ولا لاء ؟ و هلى هى منطقة امنة ؟
انا مش شايف ان سوقها نايم ابدا و سعرها بالنسبالي عالي لان فيها عيوب جوهريه مدايقاني

بص بقي يا سيدي انا كنت هشتري هناك بس بصراحه كانت غاليه علي امكانياتي بس انا بدايق من كام حاجه فيها الشوارع بجد صغيره و مفيش جراجات فالمستقبل في الركنه مظلم مظلم مظلم و و دا شئ مزعج

نصيحه لو امكانياتك تسمع شوف مدينه الفردوس ادام دريم بارك في منطقه الفلل بيتباع شقق داخل الفلل سعر المتر تقريبا 1800 جنيه لو كتير يبقي ادخل علي الاهالي بتاعتها سعر المتر 1200 جنيه و مستقبل المدينه ممتاز
لو الكاشات محدوده العب علي شقق ضباط الشرطه بس العماير شكلها مش ولابد انا واخد في الضباط

شكرا يا جماعة و ربنا يسهل ان شاء الله

المشاركة الأصلية كتبت بواسطة hacker5

السلام عليكم ورحمة الله وبركاته
كنت عايز اسال على شوية حاجات فى حدائق الاهرام لانى ناوى اشترى قريب شقة هناك
لكن ناس كتير حذرتنى منها
موضوع الكهربا لانى عرفت ان 90 % من العقارات هناك شغالة بعداد انشائى يعنى عداد واحد للعمارة كلها مش كل شقة بعداد لوحدها
ناس تقولى المنطقة شبه عشوائية بس انا روحت هناك و محستش انها عشوائية خالص
مول اى كلام و نادى تعبان مش مهمين بالنسبالى انا الحمد لله مشترك فى النادى الاهلى و مش بروح مولات كتير
مستقبل المنطقة محدش عارف اذا كانت هاتبقى كويسة قدام شوية ولا ايه النظام ؟
بليل المنطقة بتكون كحل و عواميد النور قليلة
المنطقة دى بالذات سوقها نايم شوية عن اى منظقة اخرى
انا قلت اخد هناك لان الاسعار هناك معقولة ارخص من زايد و اكتوبر
تنصحونى اشترى ولا لاء ؟ و هلى هى منطقة امنة ؟

بص يا باشا انا ساكن هناك من زمان
جزئية ان العداد انشائي دي مش سليمه لكن اللي بيحصل ان بعد ما تتفق علي سعر الشقة و تدفعه بتكون الشقة لسه ما ركبش حديدة العداد و تيجي تطلب من صاحب العمارة انه يجيبهالك يطلب من فلوس زيادة



المول لغاية دلوقتي شغال على مواد البناء يعني قليل لما تلاقي فية مواد استهلاكية للبيت لكن في في الحدائق كذا سوبر ماركت وكذا صيدلية وكذا مكوجي كلهم بالتليفون بالتليفون و في مركز طبي مستواة كويس


اما النادي فاشتراكه دلوقتي 11000 الف جنيه و باب الاشتراك مقفول كمان



مستقبل المنطقة كويس لا المتحف هايكون جنب الحدائق و المترو هايوصل علشان المتحف و كمان الاهرام جنبك فلازم هايهتموا بالمنطقه و الدليل انهم اهتموا بميدان الرماية و ظبطوه و عملوا الوصلة بين الاتنين دائري في المريوطيه


عواميد النور مش قليلة بس هي معظمها مش شغال و دة علاجة ان في نمرة تليفون لطوارئ الكهرباء هناك تكلمهم يجوا لغاية عندك و يشغلوا النور و يصلحوا اي حاجه بايظه


لو بتتكلم على الامان قبل كدة كان في سرقات سيارات لكن دلوقتي عملوا دوريه شرطه ثابته في الحدائق ماتتحركش و عربيات الشرطه بتلف طول الوقت

بالنسبه للركنه حاليا مفيش مشكلة لكن قدام اكيد في مشكلة جامدة

أنا كمان ساكن هناك .. وكنت بابيع شقة تانية لينا هناك بس انا مازلت مقيم ف الحدايق
المنطقة حلوة وراقية بالنسبة لأكتوبر وقريبة جدا من وسط البلد انا نص ساعة باكون في المعادي لأن شغلي هناك
بالليل المنطقة هادية بس أمان
وفيها موقف أتوبيس بيوصل لأغلب مناطق القاهرة للي معندوش عربية يقدر يعد هناك بسهولة
سعرها أقل من مناطق أقل كتير في المستوى
المنطقة فيها فنانين كتير ولاعبين ساكنين
انت ممكن تشوف عمارة فيها جراج ... موضوع عداد الكهرباء اللي سمعته ان وقفه اصدار العدادات لغاية شهر 7 القادم علشان العمارات هناك ترخيصها 4 أدوار والناس كانت بتبني 5 أدوار وتدخل عداد

بس اعتقد في شهر 7 العمارات اللي مش مخالفة هيطلع لها عداد عادي جدا
وممكن تسأل عن الموضوع ده في كهرباء الهرم أمام الخزان

بس أنا مرتاح هناك والخدمات كويسة أي حاجة بأحتاجها ألاقيها ماعدا حاجة الكومبيوتر بأجيبها من برة

على فكرة الشقة اللي كنت عارضها اتباعت ... علشان فيه حد حاطط اللينك بتاعها فوق