انا هاسيبكم مع الفيديو
حقيقي جسمي قشر من شدة ايمان الشاب ومدى ثقته في الله في سبحانه وتعالى
[youtube]http://www.youtube.com/watch?v=AgiG1in4x2U[/youtube]
[youtube]http://www.youtube.com/watch?v=rBU6fy4WJkE[/youtube]
عرض للطباعة
انا هاسيبكم مع الفيديو
حقيقي جسمي قشر من شدة ايمان الشاب ومدى ثقته في الله في سبحانه وتعالى
[youtube]http://www.youtube.com/watch?v=AgiG1in4x2U[/youtube]
[youtube]http://www.youtube.com/watch?v=rBU6fy4WJkE[/youtube]
[youtube]http://www.youtube.com/watch?v=rBU6fy4WJkE[/youtube]
الامداد الدموي لو انقطع عن المخ اكتر من 3 دقايق المخ بيموت بلا رجعة
في مثل هذه الحالات تقتضي المهنية أن يقوموا بالتسجيل مع الأطباء المعالجين لتوثيق الحالة وذكر تسلسل الأحداث طالما أمكن ذلك،
لأن هناك الكثير من الناس عندهم ميل إلى التهويل والمبالغة وعدم الضبط لاسيما حينما يقترن الأمر بالرغبة في النصيحة واستمالة القلوب والمشاعر
بالإضافة إلى أن المريض يكون غائبا عن الوعي وما يقوله هو ما قيل له من مرافقيه عما حدث أثناء الغيبوبة فشهادته مجروحة في ذلك
بالنسبة للناحية الطبية
فلو توقف الدم عن المخ لمدة عشرة ثواني يدخل في غيبوبة
ولو استمر الانقطاع أكثر من خمس دقائق يحدث موت كامل غير رجعي لأنسجة المخ
شكرا على المعلومة الجديدة
انا اللي لفت نظري في القصة مش موضوع ال 5 دقايق لاني كنت معتقدة انها حاجة عادية
اللي لفت نظري شدة ايمان الشاب ان ربنا هايشفيه بالرغم من كانوا غير متفائلين من حالته الصحية
:U_thin1[1]: زى الراجل الدنماركى برضو !!
طبعا تفرق عن الدينماركي لسبب واحد انه بيتكلم بنفسه عن اللي حصله وتستشعر شدة الايمان والثقه بالله في كلامه لكن مش اي حد ممكن يحس بده
حتى لو كانت معلومة ال 5 دقائق غير صحيحة لكن ده لا ينفي انه مؤمن بقدرات الله سبحانه وتعالى إلا اذا اعتبرناه شخص كذاب ومنافق ويدعي الايمان
العلم والمنطق والحقائق الطبية ملهاش اى علاقة بلاحساس يا أستاذة
وكلنا الحمد لله مؤمنيين وموحديين بلله وكل عام وانتم بخير مولد النبى قرب
معلش أنا نسيت أقول جزاكم الله خيرا على الموضوع
واضح فعلا إن الشاب متأثر وإحساسه عالي ودي فايدة لحظات الابتلاء لمن صبر فأسأل الله أن يجزيه خيرا لصبره ولنصيحته
وما ذكرته في مشاركتي الأولى هي محاولة لقراءة معتدلة للموضوع حتى لا يكون هناك مدخل لمن يتهجمون على هذه النوعية من المواضيع من باب عدم العقلانية كرد فعل للغلو في الاتجاه الآخر وهو التسليم التام لكل ما يقال بلا تبصر
جزاكم الله خيرا مرة ثانية
جزاك الله كل خير
يعنى اللى ميقولش اميين وراكم يبقى غير عقلانى ومن اتجاة أخر ؟؟؟لا حول ولا قوة الا بلله
هو ميين اللى وضع التصنيفات دى وبناء على اية ؟؟
عدم العقلانية هية السفة والسزاجة فى نقل وتصديق كل ما يقال بدون وعى
عدم العقلانية هية الاصراف فى التأسلم والمغالاة فى ردود الفعل تجاة اى موضوع سطحى
عدم العقلانية هو ارهاسنا بمواضيع من شئنها صرفنا عن اصول الدين من باب التخلف والجهل
عدم العقلانية هو الوعظ من اصحاب التشوهات النفسية والجسدية ومدعيين الفضيلة من باب طار فى الهوا شاشى
وشكرا على الموضوع
ليه كده
أنا مش عارف حضرتك بتكلم مين بالتوتر ده، وإيه الداعي لكل هذه المجازفات
موضوع وجده أحد الأعضاء وتأثر به ونقله للفائدة وعلقنا عليه بما يفيد أهمية القراءة المعتدلة لمثل هذه المواضيع دون إفراط أو تفريط، وكانت في معلومات غير دقيقة تم تصحيحها والناس تقبلت التصحيح ببساطة، يبقى إيه لزوم التوتر ده كله
مفيش اى توتر ولا حاجة حضرتك من قام بلتصنيف على اساس من يتفق فهو عقلانى ومن لا يتفق فهو صاحب اتجاة اخر غير عقلانى
وطبعا الكلام دة يخجل منة ابو العبث الوجودى البيرت كامو بنفسة
مش من حق اى حد ان يقوم بتصنيف الناس وفقا لوجة نظرة الشخصية
واسف اذا كنت رديت بأنفعال شوية
شكرا على التصحيح
جزاكم الله خيرا إنك رديت بهدوء مما يشجع على الاستمرار في المناقشة
أنا أسألك نفس السؤال، أين هذا التصنيف ومن قام به سواء في كلامي أو كلام غيري من الزملاء، إنا كنت أعلق على نقطة محددة وقلت
إذا أين كل ما ذكرته حضرتك من تصنيف واتهامات واشتراط الموافقة لصاحب الموضوع ورمي المخالفين بأنهم من اتجاه آخراقتباس:
وما ذكرته في مشاركتي الأولى هي محاولة لقراءة معتدلة للموضوع حتى لا يكون هناك مدخل لمن يتهجمون على هذه النوعية من المواضيع من باب عدم العقلانية كرد فعل للغلو في الاتجاه الآخر وهو التسليم التام لكل ما يقال بلا تبصر
أين كل هذا في الكلام
سبحان الله
مع احترامي للجميع ممكن الواحد يتوقف قلبه 5 أيام ويشاء السميع العليم ان يحييه مرة ثانية واعلم اخي القاري ومشاهد لهذا الموضوع ان تصديقك لهذا الموضوع هو جزء من ايمانك بـ الله نحن لا نحكم علي موقف بعينه نحن نتحدث عن قدرة الله ومدي ايمان الشاب بـ الله انما حدث هذا ام لم يحدث هذه ليست قصتنا مضمون الموضوع هو ان الله قادر علي كل شئ فهل انت مؤمن بذلك ام لا؟ واذا لم يحرك فيك هذا المشهد شئ فأعلم ان ضميرك بدأ يمت واعمل علي ايقاظه مرة ثانية.
حضرتك مشاركتك كانت واضحة
ووصف بمن يتهجمون بانهم غير عقلانيين من باب الغلو فى الاتجاة الاخر
والكلام دة من وجهة نظرى مبالغ فية وغير دقيق ,من جعلهم غير عقلانيين؟؟ وأى أتجاة أخر تقصد؟؟انا ايمانى بربنا وثقتى فية مسئلة منتهية فلو شاهدت مثل ما شاهدت الف مرة لن يذيد او ينتقص من ايمانى شيء
وللاسف يوجد مواضيع كتيير مدسوسة مغلفة بلروحانيات والاعجاز الدينى لا هدف ليها الا التسفية والسخرية وبعض الناس بحسن نية بتساعد على انتشارها ودة بسب ضعفة واحساسة بلنقص فى العقيدة فبيخترع لنفسة خرافة ويصدقها وفى احيان كتير بيسعى هو الى الخرافات لاشباع رغبة بلظبت زى اللى بيعمل صنم ويعبدة
ربنا فى ايات كتير ذكر افلا يتفكرون,افلا يعلمون,افلا يبصرون,افلا يتزكرون
دعوة صريحة من الله للكياسة والفطانة
معذرة ياريت حضرتك تعيد قراءة كلامي مرة أخرى
واضح من كلامي أنني أعيب على اتجاهين
الأول : من يصدقون كل ما يقال بلا تبصر وهذا من الغلو
الثاني: من يهاجمون كل ما يقال بدعوى عدم عقلانيته وهذا أيضا من الجفو
وكلامي أن الاتجاه الثاني يأتي كرد فعل للاتجاه الأول فبالتالي لو رشدنا الاتجاه الأول سيكون من السهل ترشيد الاتجاه الثاني
معذرة ممكن يكون استخدامي للفصحى هو الذي سبب الارتباك في فهم الكلام
إحنا مؤمنين و مغتقدش إن في حد فينا علماني أو متأثر بالفكر الإلحادياقتباس:
هو ان الله قادر علي كل شئ فهل انت مؤمن بذلك ام لا؟ واذا لم يحرك فيك هذا المشهد شئ فأعلم ان ضميرك بدأ يمت واعمل علي ايقاظه مرة ثانية.
بس أنا مش مصدق أو القصه مروية بمبالغه ده مالووووش علاقه خالص بضميري أو إيماني بالله بنخلط الإتنين ليه
هو الشحص ده مش واحد عادي يعني لا نبي و لا رسول
كل منا يأخذ منه و يرد عليه إلا رسول الله
أنا مؤمن بالله من غير ما أحاول أثبت للعالم كله إن سرعة الضوء ممكن تستنتجها من القرآن الكريم مثلا
أنا مؤمن بالله بس أعرف إن ثانيتين دون وصول الإكسجين للدماغ كفيله بوضعك في غيبوبه
و الله العظيم الواحد بيشوف مواضيع غريبه و بتضحك الناس علينا بجد و الناس بتصدق مش قصدي على الموضوع ده
بس قدرة ربنا فوق كل شئ و علم الله لا حدود له
بمناسبة الموضوع ده حبيت أنقل الرسالة دي وصلت لي عالفيسبوك:
السلامو عليكو...صباحو تنين مُفترى...أما بعد
فقد تَرَاءَى لناظِرِنا فيما مضى من بُعَيضِ شُهُور قِلَّة...تَنَامِى ظاهرة فيها من الخطورة ما تشيب له الرؤوس جزعاً...و تقشعر له الجلود هلعاً...ألا و هى
انتشار الجهل و التأليف...و التهييس و التخريف...
حتى صار الهياس واضحاً جلياً للغادى و الرائح وضوح الشمس فى كبد السماء...فصارت سفاهة و إسفاف...و بالعقول استخفاف
لذا...كان لزاماً علينا –نحن معشر الشباب "البابّات"- أن نزيح الغمامة...و أن نَمِيزَ الخبيث من الطيب...و أن نقول "لا....ده عند أمه يا أدهم"
فقد ظهرت فى الآونة الأخيرة ظاهرة "الرسائل المهياسة"...و بعد أن طفح الكيل...و طفحت المجارى أيضاً...بقى "كتير...كتير أوى كده"
ما هو مش كل شوية واحد يبعتلى رسالة عبيطة...و ألاقى مليون واحد باعتين لى نفس الرسالة...وَيكأنه قول مُنَزًّل...
بعد ما لقيت العبط ده كتر و بقى "أوفر"...لقيت انى من الأفضل أوضح بعض النقاط...علشان عيب أوى الصراحة أما يبقى مشاريع دكاترة و مهندسين و بيبعتوا الفطش ده
-----------------------------------------
و إليكم نماذج من هذه الرسائل:
1-عم حمادة امام المسجد النبوى...و ميزو اللى ساكن فى آخر الشارع...و سوزى الرقاصة التائبة...اللى شافوا النبى فى المنام و قال لكل واحد فيهم يبعتوا السلام ل25 واحد...و لو أهملوا الرسالة هيسمعوا خبر وحش و لو اهتموا بيها هيسمعوا خبر لذّوذ...و أمانة فى عنقك ليوم "الإيامة"
-طبعا كل ده عبط...و تهريج...و إسفاف....و سميه اللى تسميه
أولا: هذا شرك بيِّن...فلا خير تجلبه أو تصرفه مجرد "رسالة عبيطة"....قال الرسول صلي الله عليه وسلم(الخير كله بيديك والشر ليس إليك)...أى "بيدى الله"
ثانيا: مين عم حمادة ده؟؟ و هل اللى بعت الرسالة شافه شخصيا أو حتى كلمه على المسنجر و هو اللى قاله كده...و هل هو شخص ثقة بحيث عندما يقول انه رأى النبى يكون صادقاً
ثالثا: بما إن الاجابة على كل الاسئلة اللى فى النقطة اللى فاتت "لأ"...فهذا افتراء على النبى
روى عبد الله بن عباس عن رسول الله أنه قال : "من تحلّم كاذبا كلف يوم القيامة أن يعقد بين شعيرتين ولن يعقد بينهما"
و هو يعنى أن الإدعاء بأنه قد رأى شيء في المنام ولو بالمزح ذنب عظيم وكذب على الله مهدد صاحبة بعمل شيء خارج عن المألوف بما يدلل أن عذابه في غاية الخطورة والصعوبة واستحالة التساهل معه .
رابعا: بطلّوا عبط...ما هو لو النبى عايز يسلّم على أمته كان طلع لكل واحد فى المنام
خامسا: حوار أمانة فى عنقك ده أكبر هبل...لأن هو حمّلك الأمانة و أنت رفضت و اعتذرت فلا حرج فى ذلك...ده طبعا بغض النظر عن ان الامانة مخالفة للشرع زى ما قلنا من شوية
الرؤيا المزعومة من خادم الحجرة النبوية المسمى الشيخ أحمد
-----------------------------------------
2-الفتاة الفلسطينية اللى شافت الرسام اللى رسم الرسوم المهينة ميت بأشنع الطرق...محروقا و مشنوقا و طالع من بوء الكلب
الرسالة دى بتتبعتلى من و أنا فى تانية ثانوى...و تحديدا أول مرة قريتها كانت على الموبايل كنت خارج من عند عبدالمعطى...يعنى فى 2007 أو 2006 تقريبا
طيب...الجدع ده عايش تحت الحراسة المشددة...و تم احباط محاولة لاغتياله فى 2008 و هو لا يزال عايش زى القرد...و الخبر نُشِر فى كل وسائل الاعلام المحترمة زى قناة الجزيرة و بى بى سى و رويترز
ط§ظ„ط£ط®ط¨ط§ط±.-.ط§ظ„ط£ط±ط´ظٹظپ
و ده الخبر للى عايز يتأكد
طب دلوقتى اصدق ميييييييين ؟؟
طبعا لا تعليق
-----------------------------------------
3-رسالة مهياسة من "حكشة" صديق البرنامج بتقول
يا ريت نتجنب ارتداء الملابس اللى مكتوب عليها
GAP
و التى هى اختصار لجملة انجليزية تعنى "شاذ و افتخر"
Gay and Proud
طبعا بنقول لحكشة بطّل عبط...شاذ ايه و قرف ايه...الشركة دى معنى اسمها الحرفى "فجوة" او "ثغرة" و المقصود بها الثغرات بين الاجيال
Generation Gap
Gap (clothing retailer) - Wikipedia, the free encyclopedia
و ده رابط لكل ما له علاقة بالماركة دى
-----------------------------------------
4-أرسل الأخ س.ش.ص. الى الشيخ "توتو" يسأله عن حكم كتابة "برب" أو
Brb
أثناء اجراء محادثة الكترونية على "المسنجر"...حيث أنه شك فى أن ذلك مؤامرة وضيعة للنيل من الاسلام و محاولة غربية لجعلنا نسخر من الخالق سبحانه من دون ان ندرى
فإجابه الشيخ "توتو" بعد الحمد و الثناء...أن هذا حرااااااام يا كفرة...و لا يجوز بالكتاب و السنة و قول الأئمة الاربعة و السلف الصالح...و الله ولى التوفيق و هذا ما أعلم و الله تعالى أعلى و أعلم
و بنقول ل"س.ش.ص" و للشيخ "توتو" خدوا فيزا...علشان
Brb
اللى اتنوا عرّبتوها و خليتوها "برب" تعنى بلغة الفرجنة "هرجعلك بسرعة" فهى اختصار لقول فاحش اسمه
Be right back
و يكون الرد عليها يا مولانا
Tyt
و هى قول فاحش أيضا فى لغة الفرنجة أهل الكفر و يعنى "خد وقتك يا حبّى" أو
Take your time
-----------------------------------------
5-و استكمالاً لمسلسل "يا دنمارك يا ولاد الكلب"...و كنتيجة منطقية لما يسمونه "دنماركوفوبيا" أو "الخوف من الدنمارك"
وصلت لى من حوالى شهرين رسالة بتقول ان الدنمارك قررت تحرق المصحف فى ميدان عام يوم السبت
و بعدها بأسبوع وصلتنى نفس الرسالة
و بعدها بأسبوع تانى وصلتنى نفس الرسالة
و السؤال اللولبى المحير...هيحرقوه أنهو يوم سبت ؟؟ (للأسف عدت على اللى ألّف الفطشة دى)
يا جدعان حرام عليكو...أولا فى اوروبا مرعوبين من حاجة اسمها اسلام و عندهم اعتقاد ان المسلم ده عبارة عن حزام ناسف...يعنى آخر حاجة ممكن يفكروا فيها هى انهم يحرقوا المصحف و فى ميدان عام كمان علشان عارفين ان هم لو فكروا يعملوا كده احنا هنولع فيهم و فى الميدان
-----------------------------------------
6-وصلنى حديث بيقول "لماذا كتب الله علينا الصلاة فى هذه الاوقات بالذات؟؟"
و بعدما قرأت الحديث وجدت فيه الكثير من الهياس اللى من المستحيل ان يقوله النبى...نظرا للكثير من المعلومات المغلوطة...و المتعارضة مع أحاديث النبى نفسه الاخرى و مع القرآن...إضافة الى ركاكة الاسلوب و عدم ذكر سند للحديث
و لما دورت على مرتبة هذا الحديث طلع موضوووووووووووع
يعنى احتمالية قول النبى لهذا الحديث صفر فى المائة...يعنى هناك من افتراه على النبى
رتبة حديث "إنا نسألك عن كلمات أعطاهن الله لموسى.."
لذلك رجاء عدم نشر اى حديث ينسب الى النبى الا بعد التأكد من صحته...لأن فيه أحاديث كتير جدا نتناولها بكثرة رغم ضعف أسانيدها زى حديث صوموا تصحوا
صحة حديث صوموا تصِحُّوا - نوكيا الشرق الاوسط, برامج, العاب, ثيمات, نغمات, فيديو, جوال نوكيا, موبايل, مسجات, صور
و حديث رمضان أوله رحمة و أوسطه مغفرة و آخره عتق من النار
ط§ظ„ط±ط.ظ…ظ‡ ظˆط§ظ„ظ…ط؛ظپط±ظ‡ ظˆط§ظ„ط¹طھظ‚ ظپظٹ ط±ظ…ط¶ط§ظ† ط¨ظˆط§ط³ط·ط© eslam elmasre
و دعاء النبى الشهير بعد أن رفض أهل الطائف دعوته "اللهم إنى أشكو إليك ضعف قوتى و قلة حيلتى و هوانى على الناس...."
حكم حديث اللهم إنى أشكو إليك ضعف قوتى - ملتقى طلاب العلم
-----------------------------------------
الخلاصة:
مش هقول ان احنا شعوب متخلفة و هبلة و عبيطة
و لا هقول انى لما بأقرا الرسايل دى بقول فى سرى "يبقى انت اكيد اكيد فى مصر"
و لا هقول ان احنا بقينا ملطشة الامم أكتر ما احنا ملطشة أساساً
و لا هقول ان منظرنا بقى بوكسر تويتى بقلوب
أنا هقول حاجة واحدة بس
الرحمـــــــــــــة يا أهل الرحمة
ارحمونى من الرسايل دى
مش كفاية عليا الزمالك اللى جابلى الضغط و السكر و البواسير؟؟
مش كفاية عليا مسلسلات رمضان اللى اختى مشغلاهالى 24 ساعة لحد ما جابتلى عته مغولى و تبول لا إرادى؟؟
يا جماعة انا اللى بيحصلى لا يقل بشاعة عن اللى حصل فى سعاد حسنى فى فيلم الكرنك...هى اغتصبت جسديا...و انا اغتصبت فكرياً
ارحموا من فى الارض يرحمكم من فى السمــــــــــــــــــاء
ملحوظة:
أنا عارف ان فيه ناس انا عملتلهم تاج فى النوت دى ما بعتوليش حاجة من العبط ده
بس اكيد مافيش واحد فينا ما وصلهوش هبل من هذا القبيل
لذلك...رجاء (أو سوسن مش فارقة كتير)...اللى يبعتلك حاجة زى كده قوله "بطّل عبط يا عبيط"
(مع الاعتذار لكل عبيط بعتلى عبط قبل كده :) )
-----------------------------------------
و فى النهاية أحب أختم بأروع رسالة قرأتها فى حياتى
لن تأخذ من وقتك دقائق...قول ورايا..."من قلبه و روحه مصرى...و النيل جواه بيسرى...تاريخ أرضه و بلاده بيجرى جوة دمه...من قلبه و روحه مصرى...و النيل جواه بيسري...بكار بكار بكااااااااااااااااااار"
ارسلها ل25 شخص...و سترى بكار الليلة فى المنام...
احذر لا تهملها...فقد أهملها أحدهم فقُطع عنه ارسال سبيس تون تماماً
و أرسلها آخر...فربح شريط بوكيمون الجزء التالت
أمانة فى عنقك إلى يوم القيامة
لا حول ولا قوة إلا بالله وليس بلله
تصفني بالسفه والسذاجة اللي هي تصحيح السفة والسزاجة علشان نقلت موضوع انا صدقت راويه وشعرت بمدى ايمانه في قدرات الله حتى ان كانت معلومة ال5 دقائق غير صحيحة علميا لكني مؤمنة بإن الله سبحانه وتعالى قادر على كل شيء يكفي انه اخبرنا ان الاطباء لم يكن لديهم امل في حياته ثم قدر الله له الحياة مرة اخرى ثم عاد الاطباء وقرروا انه سيعيش مشلول شلل نصفي طوال عمره
حضرتك شايف الموضوع سطحي ، ممكن حضرتك تنزل لسته بالمواضيع التي لا تعتبرها سطحية حتى نحظى على رضاك ونقلت من اسلوبك المتغطرس المتكبر الذي يظهر في كل موضوع عندما يخالفك احدهم في الرأي ؟؟؟
وصفنا بالتخلف والجهل واسلوبك الذي نلاحظه دائما في مناقشة اي موضوع واحساسك الدائم بإنك الافضل والاعلم لا ينم إلا عن وجود مشكله نفسيه ما تعاني منها
من اين لك الحكم على صاحب القصة اذا كنت تقصده او عليً اذا كنت تقصدني بالتشوه النفسي او الجسدي وادعاء الفضيلة؟؟؟
سبحان الله المنتدى مليء بالكثير من الاعضاء الافاضل المثقفين في شتى المجالات ولديهم القدرة على الابهار بالرد وتصحيح المعلومات بطريقه يتقبلها الجميع مما جعلهم محبوبين من جميع الاعضاء على عكس اخرين واذكر منهم على سبيل المثال احمد كمال وبحري ممن شاركوا في الموضوع
يتذكرون وليس يتزكرون
اخيرا ارجو تحري الدقة عند استخدام القرآن ويفضل التأكد من الكلمات او الايات عن طريق جوجل كما افعل ويفعل غيري الكثير
ومعذرة لن اتمكن من متابعة ردودك اذا قمت بالرد لظروف خاصة
YouTube - ‫ط§ظ„ظ…ظˆطھ ظ„ط¯ظƒطھظˆط± ظ…طµط·ظپظٹ ظ…ط.ظ…ظˆط¯ ط§ظ„ط¬ط²ط، ط§ظ„ط«ط§ظ„ط«‬‎
كلام عن القلب والمخ جميل جدا
شكرا يا نور على وصفك لى بلغطرسة والتكبر وشكرا على تحليلك الاكثر من رائع لحالتى النفسية
قد اية انتى انسانة جميلة فعلا وعندنا فى الاثر بيقولو ما استب اثنان إلا وكانت الغلبة لآلمهما
أنا كلامى كلة كان فى المطلق العام لكن انتى كلامك فية شخصنة واضحة وتطاول صريح فى شخصى
ولن اتقدم بشكوى فى حقك
ما استب اثنان الا غلب ألأمهما
وياترى مين اللي غلب ؟؟؟؟
استاذه نور ممكن كفايه كده؟؟
لو مش علشان احتراما لطلبي ده خليها علشان باقي الناس الي هنا الي عايزه تشوف المنتدي بدون مشاكل
وخصوصا لما تكون بين الناس الكبيره الي هما المفروض مثل اعلي واعضاء افاضل
رامب علشان الناس الي بتعزك لو عندك كلمه خليها جواك وكفايه كده وياريت نقفل الموضوع ده
مع احترامي الكامل لاستاذه نور صاحبة الموضوع
A.Yakout
انا سألت رامب على جنب مين اللي غلب
قالي الاهلي :ma:
سوري يا رامب لاني احتديت عليك في الكلام انت عارف بقه العرق الصعيدي :shine[1]:
برضه اصريتي يعني؟؟؟
عموما مش هتقوليلي علي العرق الصعيدي انا عارف
بس والله رامب راجل زي العسل والي يعرفه فعلا عن قرب هيعرف ان الراجل ده جدع وصاحب صاحبه ازاي
بس معلومه ليكي رامب اوصوله صعيديه برضه
والعرق الصعيدي الي فيه موديه في داهيه :E_braces[1]:
ساعت اما بتطلب معاه بيشوط ومش بيهمه وده مش صح لانه بيضيع حقه
بس تصدق يا رامب اول مره اعرف انك اهلاوي :ma:
A.Yakout
تييت تييت أهلى حديد
انا اللى اسف يا نور على انفعالى فى الردود واعتزر عن اسائة الظن وياريت الاخ بحرى ميكنش زعل منى وكل عام وانتى واعضاء ومشرفيين واداريين المنتدى بخير وطيبين بمناسبة المولد النبوى الشريف
والعرق الصعيدى دة مدعى للعزة والفخر والشرف مش كدة ولا اية يا نابستر!!!!
وا اسفـــــــــــــاه على اللغة العربية......
و ديه كانت نهاية اللغة العربية (لغة كتاب الله)... فى بر مصر على أيدى المدارس التخريبية (التجريبية) و مدارس اللغات...وا اسفــــــــــــــاه...
عَبَسَ وَتَوَلّى أَنْ جَاءَهُ الأَعْمَى
انت عارف بقه الفضول ده خصلة وحشة :ma:
طبعا مدعى للفخر والعزة وملناش حيلة فيه بصراحة ده في جيناتنا الوراثية بس من رحمة ربنا بينا كان في المقابل طيبة القلب اللي بيتميز بيها الصعايدة بالرغم ان انفعالتهم توحي بعكس كدة
وبالرغم اني مولودة وعايشة في القاهرة وبابا وماما طول عمرهم في القاهرة لكن ده مغيرش حاجة من الجينات :049:
بس بصراحة في اوقات بيكون العرق ده مفيد وخصوصا مع الستات لما تبقه في موقف محتاجة تكون فيه رجل :049:
احنا هانقلب الموضوع على الصعايدة ولا ايه
على فكرة يا رامب انا عندي موضوع قديم اسمه الصعايدة وصلوا اعتقد انت مش مشارك فيه