عرض للطباعة
طبعا انا عملت الموضووع ده عشان انا عارف اننا اخوات في المنتدي ده والي يعرف يساعد هيساعد اصل انا زهقت من كتر التدويييير
حد عندو شغل ليا سواء في السيلز (عندي قدره جيده في الاقناع )او في القانون يا سلام لو شئوون قانونيه
او اي شغل كويس يعني وربنا يوفق الجميع
يا راااااجل ده شغل السيلز مفيش اكتر منه , و اعلاناته مغرقة الدنيا .
انت كويس فى ال English و لا لا ؟
اشتغل فى مجالك....حاول تدرب فى اى مكتب محاماه واستحمل شويه بس هتبقى كويس فى الاخر
انا متوصت في الانجليش والصراحه المحاماه مش عجباني كلها حوراااااااات
يا شاب الحقوق أنا رأى تشتغل بشهادتك زى ما أخونا قال والا فلماذا دخلت حقوق وذاكرت مرافعات و شريعة ........إلخ فى مجلدات ضخمة كنت دخلت آداب أو معهد تعاون والمحاماه مش كلها حوارات ولا حاجة لكن بعض المحامين القدام وغالبية الجداد إن وجدوا هما اللى بتوع حوارات .
وبما أنك( متوصت )كما تقول فى الانجليش أى أن مهارتك الأساسية هى مادة تخرجك فهل تترك ما تتمتع فيه بمهارة ولو نسبية لتبحث في مجال أنت فيه باعترافك عمالة غير ماهرة طبعاً انت استاذنا وعارف ان ده ما ينفعش .
وربنا يوفقك يارب المحاماه حلوة بس عايزة بعد توفيق ربنا ذكاء وصبر وتنمى مهارتك فى اللغة العربية عشان ما تبقاش (متوصت) فيها هى كمان زى الانجليش . على فكرة متوسط بالسين والطاء مش بالصاد والتاء.
السيلز أكتر من الهم على القلب ده هو مفيش شغل غيروا فى البلد أصلا , وطبعا كلوا شغل نصب
الافضل تدور فى مجالك علشان تاخد خبرة فيه
و 9 شهور دول مش كتير بس متفقدش الامل لسه كتير
انا زيك بردوا على فكرة
من الاخر كده انا مكنتش عايز اقلها عشان محدش يزعل مني من المحاميين
بس هقولها وامري لله
من الواقع الي انا شايفه المحاماه فلوسها حرام
معادا قله قليله يتعدو علي الصوابع يعني
بس وشكرا
ملحوظه:المحامه ولا هي عايزه عربي ولا انجليزي ولا درايسه قانونيه اصلا دي عايزه واحد صايع ومعاه كتاب في القانون في ايده بينقل منه مش اكتر
ومحش يزعل من الكلام الي انا قلته بس للاسف هي دي الحقيقه:018:
وحضرتك دخلت ليه كلية الحقوق طالما شايف كده؟
عموماً مش موضوعنا، حضرتك ممكن تشوف شركات محتاجة شئون قانونية، وممكن تاخد دورات فى مجال إدارة الموارد البشرية حيث إن الكثير من الشركات تطلب موظفين فى المجال ده من ذوي الخلفية القانونية وعلى دراية بقوانين العمل وخلافه
وربنا يوفقك إن شاء الله
ياسلام علي الفتوي بتاعت حضرتك دي انت افتيت بان فلوس المحاماه حرام وكمان المحاماه مش عاوزه غير واحد صايع في ايده كتاب . بصراحه كلامك ده الواحد يرد ويقولك ايه ؟اقتباس:
المشاركة الأصلية كتبت بواسطة osos_lion
متزعلش مني
على فكرة هو كلامة شبة صح بالنسبة للجنائى فى شبهة حراماقتباس:
المشاركة الأصلية كتبت بواسطة mr_sameh
بالنسبة لواحد صايع يشتغل فى المحاماة برضة صح الصيع دول بيعرفوا صيع زيهم يعنى كل يوم فى القسم ونيابة ومحكمة واكيد هيروحوا لصاحبهم وهيسيطوة
دة فى الوت الحالى طبعا
المحترمين بقى بيزحفوا على الروبة علشان يوصلوا ويمسكوا فلوس من الشغلانة دى
على فكرة انا محامى وبقول كدة لانى فى المهنة دى