شباب مش عاوزين الموضوع ينام تاني
مش ممكن مفيش اخبار جديدة او تجارب جديدة او مشاكل جديدة
خلينا إجابيين
تقبلوا تحياتي
عرض للطباعة
شباب مش عاوزين الموضوع ينام تاني
مش ممكن مفيش اخبار جديدة او تجارب جديدة او مشاكل جديدة
خلينا إجابيين
تقبلوا تحياتي
بالنسبة للناس اللي بيتشتكي من صوت منبه (تكة) كل دقيقة من الكاسيت وهو شغّال CD او راديو
الحل تشوف الشاشة بتاعت الكاسيت في الحتة اللي تحت حتلاقي مكتوب TA
دوس على الزرار اللي تحت الشاشة المكتوب عليه TA دوسة واحدة حتختفي الكلمة من الشاشة والصوت كمان حيختفي.
الموضوع ده بيحصل عادةً بعد الصيانة ساعات لما بيعملوا Check على الكاسيت بيدوسوا على الزراير كلها.
تحياتي
ودا رد الاستاذ محمداقتباس:
أ اسلام .. ايه الى احنا عملناه او بنعمله الى يخلى التوكيل يريح دماغه و ميطورش نفسه ؟؟؟
و هل ده معناه اننا لو عرفنا حل لمشكله نحتفظ بيه لنفسنا و مانقولش لحد عليها علاشان نخلى التوكيل يطور نفسه ؟؟ اعذرنى بس مش عارف ايه علاقه ده بده ؟
تقبل تحياتى
momopersona
علي كلامي
دا الي اقصده يا استاذ مهاب ان احنا مش بنقدم اي شكاوي رسميه من المشاكل الي عندنا ..بزمتك يا استاذ مهاب في عربيه زيرو بيبقي فيها كل مشاكل التقفيل دي ؟ والله مستحيل ولو في بتبقي كلها حالات فرديه مش بكمية عيوب التقفيل دياقتباس:
فعلا اجنا بالطريقه دى مش بنفيد الاعضاء احنا بنضر كل الملاك
انا كل اللى هاقولهولك انى اتكلمت مع واحد فى المبيعات كان رده عليه :
ازاى يافندم العربيه مافيش منها اى شكاوى رسميه والناس كلها مرتاحه المشاكل دى فرديه عند حضرتك وان شاء الله فى خدمة مابعد البيع هايحلوهالك
احنا لازم نبعت للشركه فى ماليزيا لان عز العرب لو عايز يحل كان حل من زمان مش نفضل ساكين ونعالج بنفسنا ونقول عادي ولا ايه راي حضرتك
تقبل تحياتي
أ اسلام انا مش بقول ان العربيه يكون فيها عيوب اساسيه و احنا نحاول نعالجها ... زى علبه دركسيون او مانيفولد .... اكيد مش ده الهدف من الموضوع لان الحاجات الى زى ديه التوكيل ملزم بتغيرها فى الضمان و لو العربيه بره الضمان يبقى ملهاش علاج غير التغير .
الموضوع فكرته اننا لو قدرنا نوصل لحل مشكله نقول لبعض على حل المشكله او سببها ... حتى لو حتتغير فى الضمان تبقى عارف ايه سببها .
*الحاجه التانيه محدش قال ان الى عنده مشكله يسكت ... او يدور على حلها على النت ..الى عنده مشكله يروح التوكيل و يقول انا عندى مشكله كذا " و يطالب بحقوقه محدش قال عكس كده " ولو ما اخدتش حقق بالشكل الى يرضيك ... اعمل شكوى .
أ اسلام .. اتأكد مافيش عربيه " او اى حاجه عموما كامله " او مفهاش عيوب ... المسأله نسبيه ...
تحياتى ليك .
انا اشتريت واجا 2005 مستعمله و في باكيتات اللي هي علي اليمين بطول العربيه تحت الباب و علي الشمال زيهم انا ناقصني باكته منهم فهل حد يقدر يعرفني مكان اجدها فيه عدا التوكيل اللي اشعاره مولعه
أرجو من الاخوة الاعضاء الاهتمام بالموضوع بأقتراح مشاكلكم أو حلول لأي مشكلة قابلتكم او بأي اخبار جديدة عرفتوها ..
ارجو اننا منسمحش بهبوط مستوى القسم مرة تانية
وتقبلوا تحياتي وفائق احترامي
صباح الخير
في اي اخبار جديدة...؟
استاذ مهاب باشا فين مواضعك الجامدة..؟
استاذ ايمن كنت واعدنا بحل مشكلتين فاكرهم..؟
السلام عليكم ورحمة الله وبركاته
اولا احب اشكرك يا باشمهندس رفيق على الموضوع الرائع ده اللى اكيد هيفيد ناس كتير جدا جدا ده غير انه ممكن نعتبره بداية لعودة المواضيع القيمة اللى كلنا مفتقدينها ومعلش تعليقى جه متاخر كتير لان كان عندى ظروف الفترة اللى فاتت خلت مشاركاتى قليلة جدا
ثانيا انا متفق مع مهاب تماما فى كل كلمة قالها فى تعليقه فمثلا وضع القسم من سنة مثلا مكنش زى دلوقتى خالص شكل المواضيع اختلف واسلوب التعليق والحوار بقى مختلف تماما , حاجات كتير من اللى كانت بتخلى قسم بروتون مختلف عن بقية الاقسام للاسف اختفت وخلى ناس من القدام معدش ليها رغبة فى المشاركة او عمل مواضيع جديدة
عشان كده الكل لازم يحاول يصحح المسار بالاسلوب اللى شايفه صح لان لو الوضع استمر كده كتير اكيد قسم بروتون هيفقد كتير من قوته اللى خلت له عروض وتخفيضات خاصة فى التوكيل وبره التوكيل وفوائد تانية كتير محدش هيفكر يديها للقسم الا لقوة تاثيره وعوامل الجذب اللى فيه اللى بتخلى ناس كتير على سبيل المثال بتغير قرارها 180 درجة وتشترى بروتون لتاثير اعضائه القوى واسلوبهم الراقى والمتحضر سواء فى الاختلاف او الاتفاق ده غير الدعم الفنى الغير محدود لكل من يحتاج مساعدة , فلو القسم ضعف والمواضيع بقت فى النازل والكل لا عاد بيشارك ولا بيضيف يبقى قول على القسم السلام .
يارب فعلا يكون الموضوع وموضوع دكتور محمد سليمان ومواضيع مهاب الاخيرة بداية حقيقية للرجوع للتميز تانى
سلامى للجميع
متفق معاك يا أ احمد , ان شاء الله كل الناس ترجع تشارك تانى بمشاركات فعاله و بنائه
صباح الخير يا بشمهندس , ان شاء الله فى جديد .... بس كلو فى وقتو http://www.nilemotors.net/Nile/images/icons/icon7.gif
وعليكم السلام ورحمة الله وبركاته
أ/ احمد شكراُ على مرورك ومشاركتك فعلاً كلنا بنحاول نرتقي بالقسم مرة تانية علشان نوصل للوضع اللي كنا عليه او على الاقل الاقتراب منه... طبعاً ده حيحتاج وقت ومجهود مننا كلنا...
وبما انك من الناس ذو الخبرة اسمحلي استغل الفرصة دي واطلب منك اي نصيحة ممكن تفيد بيها الاعضاء... او تنقلنا تجربة حصلتلك او مشكلة انت مقابلها (لا قدر الله)..
تقبل تحياتي
[frame="9 50"]
والطلب ده لكل أعضاء بروتون
يا ريت يا جماعة تفيدونا بمعلوماتكم او بتجاربكم او تنقللنا مشاكلكم ونحاول نحلها سوا
الموضوع مش مقتصر على حد او على مجموعة افراد - الموضوع مفتوح لكل الاعضاء الكرام
تقبلوا تحياتي جميعاً
[/frame]