فكرت في عمل هذا الموضوع لنستفيد من خبرات بعض في هذا الزمن العصيب الذي تزيد فيه قيمة كل شي ماعدا نحن البشر
عرض للطباعة
فكرت في عمل هذا الموضوع لنستفيد من خبرات بعض في هذا الزمن العصيب الذي تزيد فيه قيمة كل شي ماعدا نحن البشر
ده بيرجع للمبلغ المتاح معاك يعنى ماينفعش يكون معاك 20 ألف و تقول حطهم فى إستثمار عقارى
لكن ينفع تحطهم فى البورصة هايعملوا مكسب كويس بس تتعامل مع شركة محترمة
لو معاك مبلغ ينفع يتحط فى أرض أو شقة ده برده إستثمار كويس
الإقتراحيين دوول ممكن نسميهم الإستثمار المحدود و المضمون
لكن مشاريع و ما إلى ذلك لو مش متفرغ هايكون صعب جدا بجانب إن كل مشروع ناجح مش ناجح عشان ماهيته أو تخصصه بل ناجح لعوامل كثير مختلفة من شخص لآخر بمعنى تانى لو أنا عامل مشروع إكس و ناجح جدا فيه مش لازم لو إنت عملته تنجح فيه أو العكس ممكن أفشل أنا فيه و إنت تنجح
علشان تستثمر اموالك
بس الاول ياجماعة خلينا نتكلم عن الحاجات الحلال ، يعنى خلينا بعيد عن فوايد البنوك والحاجات ده
فيه طرق كتيرة للاستثمار بس ده بتعتمد على اماكنيات صاحب المال
يعنى هوا يقدر يعمل ايه بجانب الفلوس اللى معاه
لو انت تعرف مهنه معينه يعنى مثلا الوالد كان عنده تجاره معينه وانت كنت بتساعده فى الصيف لما كنت طالب ولما اتخرجت وقفت معاه شويا وبعد كده اشتغلت وعملت قرشين
ممكن ساعتها تفتح حاجه مشابهة مع بعض التطوير طبعا وساعتها هتكون فاهم كل حاجة كويس
طيب معندكيش خبره فى اى حاجة
شوف السوق عاوز ايه والمنطقة اللى انتى فيها ناقصها ايه وكمان انت هتعمل حسابك ان اول سنتين من اى مشروع جديد ان الدخل يدوبك هيغطى المصاريف وده حاجة كويسه فى الاول
ونصيحة متنزلش بتقلك كله مره واحده فى اى حاجة
يعنى ابدا واحدة واحده ، لاقيت العمليه مشيت اتكل على الله
الاستثمار العقارى طبعا شىء مربح جدا
يعنى انتى لو معاك 100 الف دور على تسعة من اصحابك مع كل واحد 100 الف
هيبقوا معاكوا مليون جنيه
اشتروا ارض وابدا بنا فيها ومع الدور الاول هتلاقى المشترين وتقدر تكمل وده الاستثمار فيه مضمون جدا ومش محتاج خبره كبيره فى اى حاجة
معارض العربيات انا شايف انها بتكسب كويس اليومين دول
انت ممكن تفتح معرض وتبتدى ب 3 عربيات يعنى محتاج حوالى 250 الف وساعتها مين عارف ممكن ربنا يكرمك وال3 يبقوا 30
هوا فيه افكار كتير بس الاهم صاحب الاستثمار نفسه مستعد يعمل ايه.
أفكار جميلة ... محدش عنده افكار لمشاريع تانياقتباس:
المشاركة الأصلية كتبت بواسطة casber
مشاريع الاطعمة والكافتيريات برضة كويسة جدا بس عايزة حاجات كتير يعني خبرة علي مكان مميز وطبعا لازم التفرغ
لازم حضرتك تقول تخصصك ايه و بتحب ايه و بتفكر تعمل ايه و إمكانياتك ايه ،،
عشان نقولك ايه اللي يناسبك و محتاج ايه
طبعا الحاجات اللي ذاكرها حضرتك ممتازة كاستثمار مضمون ،
بس دي يعني استثمار اخر العمر أو فلوس الزمن ،، لكن مش استثمار عشان تحقق ذاتك ،،
باستثناء الإختيار الأخير
ممكن اديك نصائح عامة :_
1- الرزق بيد الله ،، و ده طبعا السبب لحد المليون
2- ادرس المشروع اللي عايزه كويس من كافة الجوانب ، و دور علي أهل الخبرة فيه و اسألهم بس متطولش في الدراسة ،، عشان الوقت اهم ،
3- No risk No gain
اعمل حساب أسوأ النتائج و شوف خسارتك هتبقي ايه لو انتا متقبلها و تقدر تستحملها ،، اتكل علي الله
عشان متخوضش في حاجة مش قدها ،،
4- خليك صبور و اعمل فترة زمنية مش قصيرة لتقييم مشروعك و زي ما قال أخ في رد سابق لو قعدت أول سنة أو سنتين ،، اللي جاي علي قد اللي رايح ،، يبقي انتا كده علي الطريق
5- متعملش كل حاجة بنفسك عشان إنجازك هيبقي قد مجهودك ،، ده ممكن يكون في الأول بس ،، لكن كل ما العجلة تسير استعين بموظفين و مساعدين و موردين و غيره ،، و ربنا هيرزقك و يرزقهم ،،
في مثل صيني بيقول لو عايز تكسب كل الفلوس لوحدك مش هتكسب حاجة ،،
6- ممكن نقسم المشاريع لمشاريع تجارية ، و خدمية و صناعية ،،
التجارية ،، أقلهم مخاطرة و متوسطة المكسب ،، و اكثرهم احتياج لرأس مال
اقلهم مخاطرة لأن فلوسك في بضاعة بمعني حتي لو المشروع فشل تماما البضاعة موجودة لكن المكسب محدود بناء علي المنافسة و اكثرهم احتياج لراس مال كل ما كان عندك بضاعة اكثر بتكون اقوي
الخدمية ،، اكبرهم مخاطرة و اعلاهم مكسب و اقلهم احتياج لراس مال
اكثرهم مخاطرة لأن معندكش اي راس مال مثلا لو هتفتح شركة سوفت وير او خدمات او عيادة هتأجر مكان و تدفع اجور عمالة ساعة ماهتكسب هيبقي مكسبك 300% لأنك محتطش راس مال كبير و ساعة ماهتخسر مش هتعرف ترجع و لا نكلة
الصناعية ،، متوسطة المخاطرة ، و ضعيفة المكسب و متوسطة الحاجة لرأس المال
متوسطة المخاطرة لأن بيكون عندك اصول قابلة للتسييل و في نفس الوقت عندك مصاريف عالية دورية لو خسرت متعرفش ترجعها
ضعيفة المكسب لأنك اول يد ،، واحد تاني بياخد من وراك و ممكن يكسب اكتر ده غير مشاكل العمالة و الخامات متذبذبة الأسعار و تاني يد مالهوش دعوه
متوسطة الحاجة لرأس المال و ده طبعا حسب نوعية المشروع و شطارتك فيه
فأفضلهم طبعا الخدمي و لكن ده يحتاج خبرة او مهارة معينة و الأهم طرق تسويق
و اقلهم الصناعي و لا انصح بيه غير مرحلة تانية لمشروع خدمي أو تجاري ناجح ، عشان تضمن التسويق لأنك مينفعش تعمل مشروع صناعي بمصاريف تشغيله العالية و مشاكله ،، و انتا معندكش طرق لتسويقه
7- التميز في المشروع ،،
علي عكس ماناس كتير فاكرة مش عشان مشروع منتشر و ناس كتير عملاه يبقي مخاطرته اكبر ،
بالعكس لو في 1000 فرن عيش يبقي معني كده إن المشروع ده بيكسب و شغالو مش هيفرق لو بقوا 1001
لكن تتميز في الخدمة اللي بتقدمها ،،
بس طبعا لو مشروع فكرته جديدة تماما ، يوم بينجح بتبقي مكاسبه مضاعفة و في نفس الوقت مخاطرته اكبر لأنه مشروع ملهوش سوابق و محتاج وقت اطول عشان تعرف الناس بيه
8- مهما عملت لما تبدي مشروعك هيكون في أوجه قصور ،، عشان كده بقولك متخدش وقت كتير في الدراسة و طور و انتا شغال ،، لأنك هتكون جربت و شفت بنفسك ،، و هتاخد قرارتك اسرع
اسف للإطالة ،،
اتمني اكون افادتك ،،
في برضو مشروع التاكسي ده مربح يعن ي التاكسي بتاع واحد صاحبي بيدخله ماشاء الله من 2200 لـ 3000 جنيه في الشهر بس التاكسي جديد و غاز و السواق أمييين ودي هي أهم نقطة .
--------------------
كمان في المواشي , لو عندك حته أرض صغيرة انشالله 100 متر ممكن تجيب فيها كام معزة على جاموستين وتور كده يكون (شديد) و باذن الله البهايم ممكن تزيد مع الوقت
- ممكن تأجر كام قيراط برسيم جنبك علشان الأكل (لأنه أغلى حاجة في الموضوع)
- أو تشتري كسب و علف و تبن و رجيعة (بالطن) علشان تكون رخيصة .
- طبعا محتاج سايس أمين و محترم و ممكن يزبطك لبن وقشطة و اللذي منه :)
---------------------
شراء الجنيهات الذهبية أثبت في اليومين اللي فاتوا فاعلية كبيرة لأن أسعار الذهب العالمية تقفز باطراد (و لا يمكن انحسارها لزيادة الطلب و قلة العرض يوما بعد يوم).
- سعر الجنيه الذهبي اليوم تقريبا 1060 جنيه مصري.
---------------------
استثمر المال في أولادك , فيكبروا ليصونوا مالك ومالهم (وان كان حصاة جعلوه جبلا)
ولا تستثمر المال لأولادك فيكبروا ليبددوا مالك و مالهم (وإن كان جبلا جعلوه حصاة)
رأى الشخصى أحسن إستثمار فى مصر :
1- العقارات و الأراضى.
2- المطاعم .
3- محطات البنزين .
لإن من الأخر مهما حصل فى البلد دى الناس مش حتبطل تاكل او تدور على شقة أو تمون العربية :D
يا جماعة معظم اللى ردوا شجعوا الاستثمار الخاص طيب الواحد لو في وظيفة وعايز يعمل مشروع ده موش عايز تفرغ وهل الصح الواحد يترك الوظيفة من أجل المشروع
ولو موش عايز تسيب الوظيفة وعاوز بس تستثمر مدخراتك حتى تأني بأعلى عائد ايه احسن حل
أنا عن نفسى حتى الآن مشتت مدخراتى بين البورصة والبنوك والقليل من شراء الذهب وبصراحة البنوك الآن اصبحت فائدتها قليلة جداُ وموضوع الذهب ده استثمار طويل الأجل من وجهة نظري أما البورصة فهي يوم لك و10 عليك علشان كده انا محتار وموش عارف ايه الصح خاصة ان اليومين دول مفيش وظيفة مضمونة وكمان المشاريع الخاصة محتاجة تفرغ وخبرة
احسن اقتراح انك ترمي الفلوس في وديعه في اي بنك و خلاص
انا حاولت اقارن بين الوديعه والانظمه الاخرى ماعرفتش اوصل لحاجه ابدا زى بالظبط انظمه خطوط التليفون هتلاقى كل الانظمه فى الاخر مقاربه لبعضها ولا انا نظريتى غلطاقتباس:
المشاركة الأصلية كتبت بواسطة screenplays
الفرق في الفائدة مابيكونش كبير (في حدود 1%) بين الوديعة وحساب التوفير، الفرق الوحيد إن حساب التوفير أموال سائلة تحت إيد المودع، بينما الوديعة أموال مجمدة لا يستطيع صاحبها التصرف فيها إلا بانقضاء مدة الوديعة (ثلاثية أو خماسية أو عشرية).اقتباس:
المشاركة الأصلية كتبت بواسطة فتح
يعنى ممكن حساب التوفير يطلع له فيزا ايضا ولا ايه وسحب وايداع من والى واى مبلغ فى اى وقت ولا ايه
وانا شرحه بدور ع اني اعمل مشروع مع اصحابي بحيث مورد رزق تانى ليا خاصا انى بعمل ف وظيفة حكومية صباحا وانتم عارفين مرتب الحكومة مش بيكفي او اني اشتغل بقى شغلانة تانية بعد الظهر
مظبوط يافندم حسابات التوفير يمكن السحب والإيداع زي مانت عاوز وفيه بنوك بتستخرج لحساب التوفير فيزا أو كارت صرف آلي بس تسأل الأول في البنك.اقتباس:
المشاركة الأصلية كتبت بواسطة فتح
مشاء الله عليييييييك بجد فعلا معلومات قيمة جدا انا خت الكلام ده كوبى وعمال بحفظ فيه واكتر حاجه عجبتنى المثل الصينى مشاء الله عليكاقتباس:
المشاركة الأصلية كتبت بواسطة ahmed anwer
كلمة واحدة بس
العقارات
حضرتك الشهادات فى اى وقت لو احتجت فلوسها تقدر تروح تفكهااقتباس:
المشاركة الأصلية كتبت بواسطة taotao
انا لما البنك رفع ارباحة ل11.5 رحت فكيت كل الشهادات الى معايا وعملتها من تانى
وكمان بعمل قروض بضمان شهادة مثلا وبسددها من ارباح الشهادات ومش بكون خسران نهائى
بيكون مقابل مايسمى "جدول استرداد" بيشوفوا فات كام سنة ع الوديعة وأخدت كام فوائد وبيخصموا جزء من الفلوس حسب "جدول الاسترداد". موضوع القرض بضمان الوديعة صحيح، بس بيكون نسبة من الوديعة في حدود 90% من مبلغ الوديعة.اقتباس:
المشاركة الأصلية كتبت بواسطة bekatcho
مع احترامى لكل الاراء المحترمة اغلب الناس مش عارفة يعنى ايه ربا ياجماعة والله مش محتاجة تفكير اى فائدة ثابتة على فلوس = ربا ربنا يحفظنا ويحفظكم:Zb_sor1[1]:
1- الفائدة ليست ثابتة، تتغير حسب الأداء الاقتصادي ويحددها البنك المركزي.اقتباس:
المشاركة الأصلية كتبت بواسطة ghostmido
2- برجاء مراجعة فتوى الأزهر بهذا الصدد.
وشكراً لاهتمامك وتحذيرك.
الواحد ممكن يشتري حته ارض او مصنع
اى قرض يعود بالنفع على صاحبه فهو ربا
ايأ كانت الفائده سواء ثابته او متغيره فهو ربا
والله اعلى واعلم
هو صحيح أن فلوس فوايد البنوك هتبقى طبعآ أقل من أى مشروع ناجح ....اقتباس:
المشاركة الأصلية كتبت بواسطة screenplays
لكن أنت بتشترى دماغك وصحتك ....
هما أصحاب المشاريع دول بيشوفوا الراحة؟؟!!
دة عامل سرق ودة عامل بوظ الدنيا و دى ماكنة أتحرقت ولا عايزة صيانة ألخ ...
في الخلافة الاسلامية كانت العملات من الذهب والفضة وذلك لأن الذهب والفضة تحتفظ بقيمتها ولا تتغير بمرور الزمن,أما في العصر الحديث فان العملات الورقية قيمتها تقل بمرور الوقت وهذا هو عين الربا لأن القيمة الشرائية للعملة تقل بمرور الوقت .اقتباس:
المشاركة الأصلية كتبت بواسطة tifa55555
أما فوائد البنك فما هي الا تعويض للحفاظ على قيمة اموالك من الانخفاض
والله أعلى واعلم
متابع للاهتمام
و مع كامل احترامي لرأيك المحترم برضه, مش يمكن أنت اللي مفهوم الربا عندك فيه مشكلة!!..اقتباس:
المشاركة الأصلية كتبت بواسطة ghostmido
يعني كأنك بتقول لما تربط وديعة في بنك أنت كده بتُقرض البنك لأنه مزنوق حبتين في فلوس فالبنك وافق أنه يردهالك تاني بفوائد فكده تعتبر حرام !!اقتباس:
المشاركة الأصلية كتبت بواسطة tifa55555
هو صحيح أه أنت لما تيجي تحط فلوس في بنك ده بيعتبر كأنك بتُقرض البنك فلوس و هيدفعلك عليها فايدة, لكن زي ما البنك بيدفعلك فايدة هو كمان بياخد منك فايدة في المقابل و الفايدة دي أنت بتكون موافق عليها و ماضي كمان. يعني هي علاقة Win-Win في الأخر مفيش حد كسبان و مفيش حد خسران. لا أنت زلتني عشان أنا مزنوق, و لا أنا أستغليتك عشان أنت محتاج..
...........
المهم يعني, نرجع لموضوعنا و نبعد عن شرعية فوائد البنوك دلوقتي عشان الموضوع ما يبوظش.
هو في حاجة اسمها Risk/Return tradeoff فكل ما المخاطرة زادت كل ما أحتمالية الربح تزيد, زي مثلاً فوائد الودائع نسبتها قليلة لأن نسبة المخاطرة فيها قلية و البورصة ربحها بنسبة أعلى بس مخاطرة أكبر و هكذا...
فأنت لازم تكون عارف مدي قدرتك على تحمل المخاطرة في أي مبلغ أنت بتستثمره و على اساسه تختار نوع استثمارك ايه..
اعتقد ان العقارات من ضمن الحاجات اللي بتجيب عائد كبير لكن فيها مجازفة كبيرة لأنك متضمنش السوق ايه اتجاهاته بالأضافه لأي عوامل خارجية أو طبيعية زي الزلازل مثلاً ممكن تأثر برضه..
البورصة, محتاجة واحد فاهم كويس هو بيعمل ايه و بيحط فلوسه في انهي سهم أو سند, و طبعاً مخاطرتها أنك ممكن لا قدر الله تخسر كل حاجة في ثانية زي ما ممكن في الثانية اللي بعدها تكسب تاني.
TB's -Treasury Bills- و دي زي أسهم حكومية مبتخسرش و عائدها بيكون كويس لكنها بتبتدي تقريباً من 25 ألف على ما أتذكر أو يمكن أكتر, يعني مثلاً أنا دلوقتي عايز أستثمر 300 ألف في أزون الخزانة دي فبدفع دلوقتي مثلاً 250 ألف و بعد 6 شهور يرجعولي 300 ألف.. و دي معظم البنوك مش بتروجلها إلا لو العميل سأل عليها بنفسه و غالباً بتبقى عملاء تقال و فاهمين..
في حاجة شفت كذا حد بيستثمر مبالغ فيها أسمها Star Capital Finance هي تقريباً شركة أستثمار أموال بس هي مش شركة مصرية بس أعتقد ليها فرع في مصر, أنا معنديش معلومات عنها الصراحة لكن شفت ناس مش قليلة بيستثمروا فيها بس بيكون بالدولار..
لو مش عايز تلعب لعبة المخاطرة دي فخليك بقى في شهادات الأستثمار و العائد بتاعها برضه مش وحش يعني بنتكلم في حدود من 10 لـ 11%..
[QUOTE=dede_dodo88;3874311905]و مع كامل احترامي لرأيك المحترم برضه, مش يمكن أنت اللي مفهوم الربا عندك فيه مشكلة!!..
لو حضرتك شايف ان مفهوم الربا عندى فيه مشكلة. ياريت حضرتك توضحهولى من وجهة نظر الاسلام مش من وجهة نظر البنوك.
تقبل تحياتى
[QUOTE=ghostmido;3874311925]هو للأسف لازم تفهمها من كل ناحية برضه يعني لازم تفهم الموضوع برضه من ناحية البنوك و تفهم العملية ماشية أزاي لأنه هو الموضوع مش مجرد فلوس بتديهاني و بتاخد عليها فايدة كده وخلاص و أنا قلت شرح مبسط في ردي الأولاني و أنت لو عايز تعرف تفاصيل أكتر فمستر جوجول موجود في أي وقت :) ..اقتباس:
المشاركة الأصلية كتبت بواسطة dede_dodo88
[QUOTE=dede_dodo88;3874311944]تصدق معلومة جديدة بتاعت ماستر جوجل.اقتباس:
المشاركة الأصلية كتبت بواسطة ghostmido
بغض النظر يعنى انا كنت عايز اعرف راى حضرتك انت من الناحية الاسلامية مانا عارف وشايف راى حضرتك من ناحية البنوك ولا انت راىك من راى جوجل؟
يا سيدى الفاضل الفكرة مش انك بتقرض البنك علشان البنك مزنوق زى ما حضرتك بتقولاقتباس:
المشاركة الأصلية كتبت بواسطة dede_dodo88
البنك اساسا بيقوم على الاقراض والاقتراض وهو يحصل على فرق الفوائد
يعنى حضرتك تعمل وديعه بفائده 7
ويقوم البنك بأقراض فلوسك لاشخاص اخرين بفائده 10 ويحصل البنك على الفرق
وهو ده النشاط الاساسى لأى بنك وهذا هو الربا بعينه يا استاذنا
وكل واحد حر يعمل اللى شايفه صح وحسابه عند ربنا
اقتباس:
المشاركة الأصلية كتبت بواسطة dede_dodo88
الكلام اللى حضرتك بتقوله ده فى قبليك ناس تانيه قالت كلام زيه من اكثر 1400 سنه زماااااااان لما نزل القراءن بتحريم الربا رد الكفار بقولهم الشهير انما البيع مثل الربا ( اكيد لا اشبهم حضرتك بيهم هنا خااالص حتى لا تفهم كلامى غلط انا بشبه الرد فقط )
ربنا سبحانه وتعالى مقعدش يوضح ويقول لا دى كذا ودى كذا والكلام ده
قال احل الله البيع وحرم الربا
خلاص خلصت
ربنا يباركلك ياباشا.يارب بس الناس تعرف يعنى ايه ربا من ناحية الدين.اقتباس:
المشاركة الأصلية كتبت بواسطة tifa55555
انا هاقول راي تانى بس بطريقة عكسية ازاى.
الله سبحانه وتعالى انزل القرءان الكريم ليكون ملائم لكل العصور ولما ربتا سبحانه وتعالى يذكر فى قرءانه التعامل بالربا اذا سيوجد تعامل بالربا فى كل العصور مع اختلاف الطريقة ولكن فى النهاية المحصلة تكون ربا لذلك انصح الناس بالبحث عن الربا فى هذا الزمان.
ربنااقتباس:
المشاركة الأصلية كتبت بواسطة ghostmido
الموضوع راح فى سكة تانية خالص انا بقول اللى عايز يعرف شرعية اى تعامل يتصل بدار الافتاء 107 ويسال وعلى فكرة ناس كتير محرمة فوائد البنوك وناس كتير محللاها نرجع لموضوعنا بص ياجميل لو معاك مبلغ ممكن بتشترى شقة بس يكون موقع مميز ويكون شارع رئيسى وبتاجرها لشركة (شركة مش فرد علشان وجع الدماغ )انتى بتاخد ايجار بيزيد سنويا وقيمة الاصل موجود وممكن تسييلة بسهولة والموضوع كلة يافطة قماش على البلكونة والف من هيجيلك بس تكون فى دور قريب اول بلكونة مثلا وربنا يوفقك مادمت غير متفرغ اوعى تخش فمشروع وتسيب غيرك يشتغل فيه او تدى فلوسك لحد مشاركة او يشغلهم او كده
[QUOTE=ghostmido;3874311955]سيبك ياعم من مستر جوجل خد مستر يوتيوباقتباس:
المشاركة الأصلية كتبت بواسطة dede_dodo88
https://www.youtube.com/watch?v=XocsbZCpxM8
وكفاية خاجة واحده عليك كلام الرسول صلى الله عليع وسلم
الربا لا يوجد الا فى ربا النسيئة
وشكرا على كده
الفوركس
ولكن مش لاي حد عايز واحد عندة خبرة 3 سنوات علي الاقل
ويشتغلو بايدة في الحساب من غير مديري حسابات ولا الكلام دة
ربحة 5%شهريا بمخاطرة امنة
او شهادات الاستثمار لو مبلغ كبير
او العقارات
متابع
يا شباب اى حد هيستمثر فى العقارات يعرف ان البيع هيبقى بطىء جدا لو عايز تبيع بسعر السوق انا واحد لفيت كتير على شقه و كل الى كلمتهم كان بقالهم فتره طويله معديه السنه بيحاولو يبيعو
متابع