انا نزلت حجزت بيكانتوا وبعدين لقي في مواقع اجنبيه بيقولوا ان الهيونداي احسن انا حابب البيكانتوا بس الاي 10 خايف ماجيبهاش واندم ممكن بعد كده انتوا ايه رايكوا وعايز اسأل برضه اي الالوان اللي نزلت في الخليجي ومانزلتش في المصري؟
عرض للطباعة
انا نزلت حجزت بيكانتوا وبعدين لقي في مواقع اجنبيه بيقولوا ان الهيونداي احسن انا حابب البيكانتوا بس الاي 10 خايف ماجيبهاش واندم ممكن بعد كده انتوا ايه رايكوا وعايز اسأل برضه اي الالوان اللي نزلت في الخليجي ومانزلتش في المصري؟
الأتنين موفرين في البنزين و الأتنين قطع غيارهم رخيصة بس البيكانتو ممكن تكون اوسع شوية صغيرة بس عموما البيكانتو تكسب عشان شكلها عاطفي أكتر و بسبب توكيلها المحترم, ابعد عن غبور خالص خالص.
حسب معلوماتى المتواضعه ان العربيتين عفشه واحده وموتور واحد وفتيس واحد
الاتنين يفرقوا عن بعض فى المساحه الداخليه , الشكل الداخلى والخارجى , بلد التقفيل , الكماليات , مقاس الكاوتش , التوكيل واسعار قطع الغيار واعادة البيع
المساحه الداخليه مقدرش أحكم بالظبط
الشكل دى حاجه بتاعتك
الكماليات لو هاتجيب فل اوبشنز يبقى ال i10 تكسب
بلد التقفيل البيكانتو كورى وال i10 هندى
مقاس الكاوتش البيكانتو 14 وال i10 مقاسها 13
توكيل كيا أفضل وفترة ضمان أطول
اسعار قطع غيار البيكانتو أرخص
اعادة بيع البيكانتو أفضل نظرا لانها بقالها كذا سنه فى السوق ومعروفه ومنتشره واسمها كويس
وبالتوفيق
البيكانتو اعلى عن الارض واوسع شوية في الصالون وتوكيل محترم جدا يعيبها نشوفية العفشة شوية بس مش مقلقة وكمان كوري 100 في 100
بيكانتو أشيك وتوكيل أفضل
http://www.nilemotors.net/Nile/61357-110.html
تقبل مرورى و تحياتى
السلام عليكم ,
و الله انا كمان محتار بين الاتنين ؟
البيكانتو تقفيلها افضل و كمان تقفيلها افضل
شكرا ياجماعه علي الاهتمام وانا خلاص جبتها خليجي صفرا وشكرا
بجد مكنتش عايز ارد بس الموضوع مستفز جدا لان فيه كم كبير جدا من الفتاوى
كلام صاحب الموضوع صح كل اللى قيموا العربيتين قالوا ال i10 افضل
بس اللى انا متأكد منه مليون فى ال 100 ان ال i10 اوسع من البيكانتو و دى بتتعرف بالتجربة اقعد فى الاتنين و احكم
الميزة الوحيدة فى البيكانتو عن ال i10 ان كراسيها طريه اكتر و تديك شعور بالراحه
انا امتلك i10
و لسه سايق امبارح بيكانتو الشكل القديم بس عامله اكتر من 101,000 كم و عفشتها كويسه بس حسيت انها طريه حاجه بسيطه عن ال i10... بس مقدرش احكم و اقارن الاتنين لان البيكانتو عفشتها خفت مع الاستهلاك ده او يمكن بسبب ان الكراسى طريه حسيت بكده بس مع الحفر و النقر شعرت بنفس نشوفية العفشة اللى فى ال i10.. الملحوظ اوى فى البيكانتو تزييق و تخبيط فى التابلوه من المنتصف و من الهوايات.. و مشوار دواسة الدبرياج لا يتعدى 7 سم بالتالى غير مريح فى الطلعة على الغيار الاول بس يمكن العربية مغيره دبرياج او اكيد
فراملها اضعف من ال i10 و مكانش فيها باور و كانت عذاب, انا عرقت و مكنتش طايق نفسى و عرفت اهمية الباور حتى و لو فى توكتوك
أما من ناحيه الارتفاع عن الارض الاتنين عاليين عن الارض و الحمد لله ال i10 عمرها ما حكت معايا فى اى مطب حتى و العربية محمله على الاخر.. لكن الناس بتتخدع بأن اكصدامها من قدام اقرب للارض حوالى 1 او 2 سم من البيكانتو.. فبيقولوا البيكانتو اعلى شوف من بطن العربية من عند الكرتيرة و الشكمان مين فيهم ليه خلوص اكبر و احكم لان الحكم مش بالشكل
انا جربت البيكانتو فى السواقة جوا البلد و مسوقتهاش على طريق سريع علشان حكمى يبقى اشمل من كده
لكن من الاخر فعلا العربيتين قريبين من بعض لان هيونداى و كيا واحد.. و انا بصراحه اعجبت بهدوء مكنة البيكانتو اللى عامله اكتر من 101 ألف كم هى ممكن يكون صوتها اعلى من ال i10 عندى بس بشكل يصعب ملاحظته و كمان مفيش اهتزازات فى البيكانتو زى ما انا كنت متخيل
من الاخر شوف العربية اللى انت مقتنع بيها اكتر و توكل على الله
العامل النفسى هام فى الاختيار علشان متندمش و اهم حاجه تكون مقتنع بعربيتك و حاببها, انا كنت معجب جدا بالبيكانتو و ال i10 بس ال i10 كانت شدانى اكتر شويه لان شكلها من قدام كان عاجبنى و بالذات لانى قريت تقارير انها افضل من البيكانتو و عفشتها افضل
شوف اللى عاجبك فيهم و هاته و متسمعش كلام دى هندى و دى كورى.. البيكانتو كورى و فى ناس هنا اشترتها و عندها مشاكل فى الكبالن دى ممكن تكون عيب صناعه بس فى نفس الوقت انا مسمعتش حد اشتكى من i10 الحمد لله رغم انها هندى بل بالعكس العربية قريت ان مكونات العفشة فيها المانى و بصراحه اثبتت كفاءة انا كلت بيها بلاعات و حفر و كام مطب و مش مربط عفشة و ماشيه 13,100 كم زى الفل ما شاء الله
كمان انت عندك اختيار تالت السوزوكى سيلاريو فيها كماليات اكتر و وسائل امان كتيره بس فى المقابل مكنة 3 سلندر يعنى سحب اقل من الاتنين لكن استهلاك بنزين افضل منهم.. و زى ما قلت هعيد تانى العربيتين ممتازين بس شوف انت ميال لايه؟ بس كده علشان العملية متبقاش اى كلام و اللى بيقول حاجه يقول جربها ولا فتى
الشكل ده ازواق انا عمري ما حبيت شكل البيكانتو لا القديم ولا الجديد ولو فمقارنة مع i10 هختار التانية وانا مغمض بصراحة
انا متشكر جدا جدا علي التحليل ده انا فعلا قريت ان الاي 10 افضل منها بس بيني وبينك انا ارتحت لشكل البيكانوا اكتر فاخترت البيكانتو عشان مره سافرت مع واحد صاحبي وكانت 140 ثابته فعجبتني لاكن انا ماركبتش الاي10 خالص وعامتا متشكر جدا علي مجهودك
القلب وما يريد
البيكانتو رائعه وتوكيل أفضل ومجربه
الi10 سياره ثوريه جديده لها مستقبل فى مصر
الف مبرووووك و ربنا يحفظهالك
و كويس انك اشتريت البيكانتو لان الاقتناع عامل هام جدا علشان لو ركبت عربيات احسن منها متتعقدش و تبقى راكب عربية انت حاببها و واخدها عن حب :E_braces[1]:
بس اوعى تمشى 140 و الكلام ده فى اى طريق.. انا نادرا لما بمشى 100 او 120 لكن فى طريق السخنة جريت لحد 150-160 و بصراحه العربية بتاخد الملفات على 120 و 140 بدون مشاكل و كمان بين العربيات بس انا قلت الطريق هو اللى مساعدها لانه نظيف جدا.. لانك لو على طريق مش كويس بعد 100 هتبتدى تقلق علشان مطبات الهوا و التنطيط
الشكر لله ربنا يخليك