الموضوع: بعد ما لقيت اندر سفيك 93 si فى مصر محتااااااار !!! ومحتاج مساعده

بص أنا مش عاوزة أقول رايه علشان ممكن يكون غلط بس أنا مقتنع بييه اللي هو ممكن أجيب عربية جامدة مستعملة ومجبش زيرو اللي هو نص لبة ممكن يكون غلط بس أنا عموما بحب كده بالنسبة للعربية ده أنا شايفها غالية حبة فـشوف كده واحدة ارخص وفيه عربية كيفك على كات 100 100 معمول فيها شغل حكاية وب 46 ألف بس شوفها كده أنا لو كان معيا فلوس دلوقتي كنت جبتها على طول إنت هتشوفى وهتقولي رايك

انا شخصيا بحترم الهوندا جدا وخصوصا لو حالتها ممتازة بغض النظر عن الموديل لانك ممكن واكيد هتلاقى امكانيات عالية فيها وقابلية للتعديل اكتر من عربيات تانية حديثة
انا شايف ان الموديل ده من اكتر الموديلات القابلة للتعديل ولغايت دلوقتى تصميمها عصرى جدا ومش هتحس بانها قديمة
ومش لازم تظبط كل حاجة فيها مرة واحدة ممكن بالتدريج على حسب الظروف المادية بحيث ميبقاش الموضوع صعب وتقيل يعنى تبتدى بالاكصدامات والرفارف والكابوت والرش اما بالنسبة للحاجات الداخلية ممكن تتعدل بس بعديها بشوية يعنى مثلا كل شهر ممكن تخصص مبلغ لتظبيط العربية بالحل ده ممكن تظبط العربية براحتك ومتحسش بالتكاليف واعتقد انك ممكن تتفاوض مع صاحب العربية فى سعر انسب عشان التعديلات
وربنا يوفقك ان شاء الله لاحسن وانسب حل ليك

المشاركة الأصلية كتبت بواسطة arabmarket

ساعدونى باقتراحتكم وارائكم هل فعلا تصرف صحيح ادفع الرقم ده فى هوندا 93 ولا اجيب حاجه موديل اعلى اى نوع تانى

ياريت اصحاب الخبره الى ركبو الهوندا وعرفوها يردوا عليا

شكرا للجميع

يا باشا انا كان معايا سيفيك هاتش باك 93 و مانصحكش تجيب شكل 93 الا لو كنت عايز جرى و بس، انا كنت مسقط SiR ال 170 حصان و جريت بيه شوية و بعد كده زهقت من العربية موت من كتر مشاكلها اللى فى الصالون كل حاجة بتزيق و الكراسى البلى بتاعها بيفرط تبقى قاعد يلعب بيك و المرايات تبوش و الباور تقيل و التكييف بتاعها ضعيف جدا فى الضهر ايام الحر كأنه مش شغال.. معلش انا اكيد كرهتك فى العربية بس دى كانت تجربتى، بصراحة العربية شكلها تحفة و سبور و التظبيط بيبان فيها اوى بس مش هتبقى راضى عن العربية من جوة، 17 سنة مشى كتير برضه الميزة الوحيدة فى ال 93 قوة الموتور.. لو عايز تركب هوندا و تبقى مستمتع اكتر زود الفلوس اللى معاك و هات شكل 1996 - 2000 من عيلة مش من شاب هيا بتبدأ من 50-52 بس الموديل دا تلافو فيه عيوب كتير او عربية كورى موديل احدث.. لو عايز تجيب ال SI النادرة دى اوعى تجيبها بالسعر دا و هى اصلا مش هتتباع ب 48 الا بقى لواحد نزيه ومش فارق معاه الصرف، ده لأنك لو ظبط الحاجات اللى فيها و جيت تبيعها هتخسر اللى صرفته عليها و ده اكيد..

اخوانى الاعزاء

انا والله متشكر جدا على نصايحكم الغاليه على اختلافها و فى الحقيقه انا نفسى اركب هوندا عشان بحب الجرى فعلا انا بفكر فيها لسببين

اولا لانى مش عاوز التزم باقساط شهريه لو جبت زيرو وحتى لو جبت زيرو هتبقى عربيه اخرى فيها فى السبعينات يعنى نيو اكسنت مثلا

والسبب التنى لو جبتها مش قسط انا بدور على حاجه فى الاربعينات فمفيش غير اللانوس هتكون مناسبه انا عارف ان الاربعينات يجيبو انواع كثير بس احسنهم بقه من حيث السعر والبيع وقطع الغيار هتبقى اللانوس بس بصراحه مش عجبانى انا ركبتها كثير

عموما انا هستخير ربنا كثير تانى والخير يوفقنى فيه ربنا

ومتشكر قوى على كل نصائحكم

المشاركة الأصلية كتبت بواسطة houbaz

يا باشا انا كان معايا سيفيك هاتش باك 93 و مانصحكش تجيب شكل 93 الا لو كنت عايز جرى و بس، انا كنت مسقط sir ال 170 حصان و جريت بيه شوية و بعد كده زهقت من العربية موت من كتر مشاكلها اللى فى الصالون كل حاجة بتزيق و الكراسى البلى بتاعها بيفرط تبقى قاعد يلعب بيك و المرايات تبوش و الباور تقيل و التكييف بتاعها ضعيف جدا فى الضهر ايام الحر كأنه مش شغال.. معلش انا اكيد كرهتك فى العربية بس دى كانت تجربتى، بصراحة العربية شكلها تحفة و سبور و التظبيط بيبان فيها اوى بس مش هتبقى راضى عن العربية من جوة، 17 سنة مشى كتير برضه الميزة الوحيدة فى ال 93 قوة الموتور.. لو عايز تركب هوندا و تبقى مستمتع اكتر زود الفلوس اللى معاك و هات شكل 1996 - 2000 من عيلة مش من شاب هيا بتبدأ من 50-52 بس الموديل دا تلافو فيه عيوب كتير او عربية كورى موديل احدث.. لو عايز تجيب ال si النادرة دى اوعى تجيبها بالسعر دا و هى اصلا مش هتتباع ب 48 الا بقى لواحد نزيه ومش فارق معاه الصرف، ده لأنك لو ظبط الحاجات اللى فيها و جيت تبيعها هتخسر اللى صرفته عليها و ده اكيد..

واضح ان تجربتك فعلا كانت مش حلوه فى الهوندا هاتش باك !!

طيب مش ممكن عشان اصلا الحاله بتاعتها كانت وحشه ؟ العربيه الى بقولك عليها استعمال حريمى خالص وبخصوص السعر انا متأكد انى مش هجيب تمنها الى دفعته انا متأكد من كده بس انا بقول اركبها سنتين تلاته وبعد كده ابيعها او اسيبها لاخويا مثلا انا بصراحه عاوز عربيه ركوبه وكمان بحب الجرى قوى

وبرضه ربنا يعلم الخير وهستخير والخير يقدمه ربنا

ممكن حالة الصالون عندى ما كانتش حلوة، بس عيب الباور التقيل (كان عندى جنط 16) و التكييف الضعيف دا فى كل السيفيك 93.. و فعلا الاستخارة هتريحك ان شاء الله..

المشاركة الأصلية كتبت بواسطة Yones

انا شخصيا بحترم الهوندا جدا وخصوصا لو حالتها ممتازة بغض النظر عن الموديل لانك ممكن واكيد هتلاقى امكانيات عالية فيها وقابلية للتعديل اكتر من عربيات تانية حديثة
انا شايف ان الموديل ده من اكتر الموديلات القابلة للتعديل ولغايت دلوقتى تصميمها عصرى جدا ومش هتحس بانها قديمة
ومش لازم تظبط كل حاجة فيها مرة واحدة ممكن بالتدريج على حسب الظروف المادية بحيث ميبقاش الموضوع صعب وتقيل يعنى تبتدى بالاكصدامات والرفارف والكابوت والرش اما بالنسبة للحاجات الداخلية ممكن تتعدل بس بعديها بشوية يعنى مثلا كل شهر ممكن تخصص مبلغ لتظبيط العربية بالحل ده ممكن تظبط العربية براحتك ومتحسش بالتكاليف واعتقد انك ممكن تتفاوض مع صاحب العربية فى سعر انسب عشان التعديلات
وربنا يوفقك ان شاء الله لاحسن وانسب حل ليك

+1111111111111

مفيش احلى من عربية انتا الى مظبتها على ايدك ....بس هتصرف كتيررر عليها كدة ومش هتجيب حقها لو بعتها لانك هتجيبها بسعر عالى عليها وفى نفس الوقت التعديل هيخش فى 12 او اكتر لو سقط .................

وبالسعر دة ادامك حاجات كتير محترمة ....ولو غاوى اووى ممكن بالفلوس الى هتصرفها معاك تجيب ال بى ام e36 ومظنش بعديها هتلاقى كلام .........

المشاركة الأصلية كتبت بواسطة ahmedtefagad

+1111111111111

مفيش احلى من عربية انتا الى مظبتها على ايدك ....بس هتصرف كتيررر عليها كدة ومش هتجيب حقها لو بعتها لانك هتجيبها بسعر عالى عليها وفى نفس الوقت التعديل هيخش فى 12 او اكتر لو سقط .................

وبالسعر دة ادامك حاجات كتير محترمة ....ولو غاوى اووى ممكن بالفلوس الى هتصرفها معاك تجيب ال بى ام e36 ومظنش بعديها هتلاقى كلام .........

معااك حق يااحمد فعلا سعر اعادة بيع العربيات المعدلة فعلا مش عالى زى العربيات ال
stock
لكن الفكرة فى اختيارك لنوع العربية وتصميمها وامكانيتها ولو الواحد مش ناوى يبيع العربية فمش هتفرق معاه سعر اعادة البيع لو كان عايز يستخدمها ويستمتع بيها ويعدل فيها براحته على مدى طويل
وبالنسبة لاختيار البى ام انا بحترم رايك طبعا البى ام عربية فخمة جدا ومفيش عليها كلام بس مشكلتها ان قطع غيارها اغلى من الهوندا وهتبقى مكلفة
وربنا يوفقه بجد انه يقدر يختار الاختيار المناسب بعد مايصلى استخارة