ما شاء الله
يا ريت كل الصيانات تبقى كده
ربنا يبارك لك فيها ان شاء الله
بس ممكن سؤال
ايه ستيكر نايل موتورز ده؟
واقدر احصل عليه ازاى؟؟
رقم العضوية : 11997
تاريخ التسجيل : 01Jun2008
المشاركات : 1,019
النوع : انثى
الاقامة : Cairo
السيارة: مفيش ... هي سيارة واحدة والحمد لله
السيارة[2]: New Accent 2010 - Maroon
الحالة :
يوم السبت اللي فات ده روحت عملت صيانة ال 5 الاف بتاعة النيو اكسنت بتاعتي في ابو رواش
كنت حاجزة من قبلها وكان معادي المفروض الساعة 11 بس انا روحت متأخرة وصلت هناك حوالي الساعة 1:30 تقريباً واستلموا العربية والمهندس سألني هاتغيري زيت قلتله انا غيرت زيت 10 الاف في صيانة الالف اللي فاتت فمش محتاجة تغيير ويت ولا فلتر
فقاللي طيب في ملاحظات عن العربية
قلتله عندي باب ورا السنتر بتاعه بيعلق وبيتقفل مانيوال
وقلتله عندي حدفة شمال ومحتاجة ظبط لاتزان العربية واستعدال لطارة الدريكسيون
وكشف على زيت الفتيس لاني ساعات بحسه تقيل شوية بسيطة
والكاسيت ساعات السي دي بيعلق وبيقطع ويقلب راديو لوحده
ساعات بشم ريحة شياط وانا ماشية ومش عارفة ايه سببها
طبعا بخلاف تربيط العفشة والحاجات اللي المفروض بتعملوها
المهم قاللي طيب حضرتك اتفضلي في الاستراحة والاستلام هايكون حوالي الساعة 5:30 قلتله ده كتير قاللي لو قدرنا نخلصها بدري هانخلصها ولو حضرتك تحبي تروحي كارفور في اتوبيس هايطلع من هنا الساعة 2 رايح ميدان لبنان لو حبيتي (بس طبعا انا مروحتش لاني مكنتش عارفة هارجع ازاي عشان المسافة كبيرة طبعا بين كارفور والتوكيل)
المهم استنيت في الاستراحة وشربت نسكافيه وقهوة وقعدت اتفرجت على التلفزيون شوية ودخلت نت من الموبايل وبلاد تشيلني وبلاد تحطني لحد ماندهوا على اسمي حوالي الساعة 5:00 او 5:30.
روحت استلمها قاللي احنا ربطنالك عفشة وظبطنا الباب اللي كان معلق والكاسيت غيرناه في الضمان وبالنسبة لريحة الشياط كان في كيس بلاستيك لزق في الشكمان هو اللي كان عامل الريحة دي فنظفناه وظبطنالك العربية.
روحت شوفت العربية لاقيتهم فعلا صلحوا الباب وغيروا الكاسيت وركبولي كاسيت جديد بالمناسبة الكاسيت الجديد الإضاءة بتاعته لونها ازرق (عاجبني اوي اللون ده ) .
جيت ادي للعامل اللي بيسلمني العربية فلوس بقشيش يعني مرضيش ابداً
اما المبلغ بتاع الصيانة كان 145 جنيه وحصلت على تخفيض 10% (بتاع استيكر نايل موتورز) ودفعت حوالي 129 جنيه تقريباً (وانا هناك اتصلت بالأستاذ كريم منير عشان اسأله اذا كان الخصم متفعل على الصيانات الدورية واكدلي المعلومة فعلا ونصحني اتصل واتأكد برده من المهندس عاطف عبد السميع مدير خدمة العملاء) وطبعا بشمهندس عاطف أكدلي المعلومة وقاللي لو في اي مشكلة كلميني فورا وانا احب اشكره جدا على اهتمامه وسعة صدره وبرده بشكر استاذ كريم وبعتذرله لو كنت ازعجته باتصالي.
وبعد ماخلصت ودفعت وخرجت بالعربية بره التوكيل حطيت اسطوانة جوة الكاسيت بس علقت ومشتغلتش فرجعتلهم تاني لما بصوا على الاسطوانة لاقوها متبهدلة وقاللي حضرتك لازم تحطي الاسطوانات في حافظة عشان بيبوظوا من الشمس وهما اللي بوظو الكاسيت ولو فضلوا كدة هايبوظوه تاني برده (بصراحة مبقتش عارفة اقولهم ايه لإني فعلا مهملة في موضوع الاسطوانات دول لإني معظم الوقت مشغلة الفلاشة).
وبصراحة المعاملة كانت كويسة وكنت سايبة حاجات في شنطة العربية وفي التابلوه ورجعت لاقيتهم زي ماهما بالعكس وانا خارجة على البوابة قاللي افتحي الشنطة عشان نشيك على العدة والاستبن اللي حضرتك اكيد ماشيكتيش عليهم .
عموما العربية معايا كويسة وحاساها ادائها بقي احسن شوية وانا راضية عن زيارتي للتوكيل المرة دي
ربنا يسهل بقي وباقي الصيانات تكون بنفس السلاسة كدة ان شاء الله.
اعذروني اني لسة عاملة الموضوع النهاردة بس انا جالي دور برد والتهاب في الشعب الهوائية شديد جدا وكنت اجازة ولسة راجعة النهاردة الشغل ومازلت تعبانة بس قلت اعمل التقرير واقولكوا حصل ايه.
رقم العضوية : 9730
تاريخ التسجيل : 28Apr2008
المشاركات : 138
النوع : انثى
الاقامة : cairo
السيارة: Cerato coup
السيارة[2]: Gen 2
دراجة بخارية: mmm
الحالة :
ما شاء الله
يا ريت كل الصيانات تبقى كده
ربنا يبارك لك فيها ان شاء الله
بس ممكن سؤال
ايه ستيكر نايل موتورز ده؟
واقدر احصل عليه ازاى؟؟
رقم العضوية : 20625
تاريخ التسجيل : 30Sep2008
المشاركات : 1,579
النوع : ذكر
الاقامة : Alexandria
السيارة: دايو لانوس 2005 (Full Options)
السيارة[2]: Nissan Sunny 2010
الحالة :
عقبال صيانة الـ 100000 و ألف سلامة على حضرتك و شكراً لكل توكيل محترم يحترم عملائه
اللهم أدخلنى مدُخل صدقٍ و أخرجنى مُخرج صدقٍ و أجعل لى من لدُنك سلطاناً نصيراً
مهندس/ محمد حمام
رقم العضوية : 11997
تاريخ التسجيل : 01Jun2008
المشاركات : 1,019
النوع : انثى
الاقامة : Cairo
السيارة: مفيش ... هي سيارة واحدة والحمد لله
السيارة[2]: New Accent 2010 - Maroon
الحالة :
الله يبارك فيك
الاستيكر تقدر تجيبه من الاماكن اللي موجودة في اللينك ده
http://www.nilemotors.net/Nile/110085-a.html
ودي الخدمات اللي بتحصل عليها مقابل الاستيكر
http://www.nilemotors.net/Nile/121191-a.html
الله يسلمك يافندم وميرسي لاهتمامك
رقم العضوية : 9730
تاريخ التسجيل : 28Apr2008
المشاركات : 138
النوع : انثى
الاقامة : cairo
السيارة: Cerato coup
السيارة[2]: Gen 2
دراجة بخارية: mmm
الحالة :
الف شكر...............
رقم العضوية : 51291
تاريخ التسجيل : 27Oct2009
المشاركات : 320
النوع : ذكر
الاقامة : Cairo
السيارة: Elantra
السيارة[2]: New Accent
الحالة :
طيب بنسبة للفتيس اتظبط ولا لسة تقيل ؟!
[OVERLINE]I love my car[/OVERLINE][OVERLINE][/OVERLINE][OVERLINE][/OVERLINE][OVERLINE][/OVERLINE][img2]http://img38.imageshack.us/img38/8334/30102009402.jpg[/img2]
رقم العضوية : 1435
تاريخ التسجيل : 14Jul2007
المشاركات : 14,773
النوع : ذكر
الاقامة : مصر
السيارة: لا
السيارة[2]: اوبترا
الحالة :
شئ جيد فعلاً ,, وأفضل ما في الموضوع هو تخفيض نايل موتورز
رقم العضوية : 40052
تاريخ التسجيل : 11May2009
المشاركات : 1,493
النوع : ذكر
الاقامة : redsea
السيارة: persona 2010
السيارة[2]: daihatsu
الحالة :
الف مبروك علي الصيانه والحمد لله انك راضيه عن التوكيل وان شاء الله دايما تكوني راضيه
الف مليون سلامه عليكي وان شاء الله تكوني بالف خير وسلام
ramy
رقم العضوية : 11997
تاريخ التسجيل : 01Jun2008
المشاركات : 1,019
النوع : انثى
الاقامة : Cairo
السيارة: مفيش ... هي سيارة واحدة والحمد لله
السيارة[2]: New Accent 2010 - Maroon
الحالة :
انا حسيته بقي انعم والنهاردة بالذات كان بينقل بسلاسة اكتر بس مش عارفة هل ده عشان بقالي كذا يوم مسوقتهاش لإني من ساعة الصيانة وانا تقريباً عيانة وطريحة الفراش ولما نزلت المستشفي روحت بتاكسي عشان مكنتش قادرة اسوق ومركبتهاش غير مرة واحدة والنهاردة تاني مرة.
عموما هاتأكد برده واقولك
اه طبعاً انا صممت المرة دي اني اطالب بيه عشان المرة اللي فاتت في صيانة الالف قالولي الخصم مش هايتفعل لإن الزيت ده مش قطع غيار وكمان مكنش فيه مصنعية بس المرة دي بقي نفذوا الخصم.
الله يبارك فيك وميرسي جدا لاهتمامك والله يسلمك
رقم العضوية : 45192
تاريخ التسجيل : 20Aug2009
المشاركات : 611
النوع : ذكر
الاقامة : Hurghada
السيارة: None
السيارة[2]: Octavia A5 2009 M/T
دراجة بخارية: None
الحالة :
الف سلامة على حضرتك ونورتى المنتدى بعد غياب وعقبال صيانة ال100000
اهلاوي ثورجي □□
المجد للشهداء....74 ♥♥
med سابقا
المفضلات