سُرقت سيارة ميتسوبيشي لانسر
بيضاء اللون
موديل 1984
لوحات رقم / د س ص 631
من يجدها يتصل برقم 8842966 018
وله مكافأة مالية كبيرة
والله في عون العبد ما كان العبد في عون أخيه
عرض للطباعة
سُرقت سيارة ميتسوبيشي لانسر
بيضاء اللون
موديل 1984
لوحات رقم / د س ص 631
من يجدها يتصل برقم 8842966 018
وله مكافأة مالية كبيرة
والله في عون العبد ما كان العبد في عون أخيه
ربنا يسهلك الحال و تلاقيها
ان شاء الله ربنا يكرمك وتلاقيها بأذن الله
بس ملحوظة بسيطة اعمل محضر واكيد حضرتك عملت وحاول توصي عليه وتتابعه علشان هما بيوزعو نشرة علي اقسام الجمهورية كلها واحيانا الناس الي بتبقة سارقينها بتعمل بيها اي نقلة مخدرات او سرقة وبيسيبوها في اي بلد من الارياف ودي حصلت امامي كذا مرة اني الاقي عربيات بدون لوحات مركونة في اي منطقة وعليها تراب وبدون سؤال احد عنها و بنبلغ عنها بياخدوها الشرطة وبعدين اصحابها بييجو يستلموها
شكراً جزيلاً على الدعوات و النصائح الغالية
قمت بعمل محضر فعلاً وجاري البحث
والله المستعان
ربنا يرد ضالتك
"اللهم رب الضالة هادى الضالة تهدى من الضلالة رد على ضالتى بقدرتك وسلطانك فانها من عطائك وفضلك"
ربنا يسهلك الحال و تلاقيها
لو فى ممكن اى صورة للعربية
تنفع لو فى حد شفها بأذن الله يقولك
يا باشا أول حاجة تعملها تروح القسم و تبلغ أنت تمام قولت أنك بلغت هما هياخدوا كل أوصاف العربيه و ممكن ورق ملكية العربيه و رقم الشاسيه لازم يعرفوه و لون العربيه دا مهم جدا لسهولة الحصول عليها
بعدين هتتابع مع الظابط بتاع المحضر ولازم تديله فلوس عشان يظبطلك الموضوع و يبعت لكل أقسام الشرطة و لجان المرور مواصفات العربيه و إن شاء الله تلاقيها
الضابط بيأخذ فلوس !!!!!!!!!!!!!!!؟؟؟؟؟؟؟؟؟؟؟؟؟
ومستغرب ليه ان الظابط ياخد فلوس
مبيعملوهاش يعني ؟؟؟
طيب ماهو دة الطبيعى فى البلد
أى حاجة عايزاها تخلص بسرعة يا أما تدفعى فلوس يا أما تكونى صاحبه مركز كويس فى البلد و ممكن برضة تدفعى فلوس
دا أذا كان دخول كليه الشرطة بفلوس
ورخصة العربيه عشان تطلع لازم تدفعى 50 جنية للى جمبك
لو حاطة حاجة على المرايا الداخليه للعربيه و لجنه رخمه واقفة بدل ماتديكى مخالفة هتدفعى فلوس للى واقف و تعدى
دا حتى فى الطبيعة العامه إلى مالهاش علاقة بالعربيات لو واحد معاة حشيش أو مخدرات الظابط بياخد المخدرات دى و بيسيبه يمشى
للأسف دا بقى نظام و بقى الظابط دلوقتى مش مستنى مرتب من الحكومة لأ مستنى مرتب من الشعب لأنه هيكون ضعف مرتب الحكومة
ربنا يكرمك وتلاقيها ان شاء الله
والله بجد أنا بشكركم جميعاً على دعواتكم الغالية ونصائحكم المفيدة
في الحقيقة موضوع الفلوس ده أنا عملته بس طبعا مش مع الضابط لكن مع بعض أمناء الشرطة في المباحث لكن طبعا مجرد إكراميات مع وعد بمكافأة مغرية إذا وجدوا السيارة ... أصدقاء كتير لي نصحوني مدفعش فلوس إلا بعد ما يلاقوها لأن فيه ناس كتير اتنصب عليهم .
لكن في النهاية البحث محتاج مجهودات فردية لأن الشرطة لا تبحث هي فقط مفيدة إذا تم القبض على السيارة في لجنة أو لا قدر الله حادثة .
بشكركم مرة أخرى ... وياريت كل واحد أثناء مروره العادي في الشوارع يحاول ... مين عارف يمكن يلاقيها .
والله المستعان
[all1=#1c1f33]انا مش مستغربة ولا حاجة انا بس:_Alshmokh08[1]::majd(4):
مصدومة[/all1]
ربنا معك وان شاء الله تلقيها في أقرب وقت المهم أنت بلغت في مديرية الأمن اللى أنت تابع ليها في قسم مكافحة سرقات السيارات ولا أكتفيت بمحضر القسم بس؟ لو معملتش في المديرية روح أعمل وتابع مع الضباط هناك كل كام يوم عشان الموضوع ماينمش وبالنسبة لموضوع الضابط اللى بيأخد فلوس ده نادراً لما بيحصل هو مجموعة الامناء اللى بيأخدوا زى المنشار، ولو تقدر كل يوم تلف بعربية حواليين المنطقة اللى أنت ساكن فيها يمكن يكون اللى سرقها سابها في أحد الشوارع الجانبية و بالتوفيق يا باشا
ربنا يعينك يا يارب كده و تلاقيها لان فعلا هي حاجة صعبة جدا و علي فكرة ده ابتلاء و ربنا يصبرك و يجعل صيرك خير ان شاء الله
هي اتسرقت ازاي يا باشا
محمد فهمي
بأذن الله تلاقيها قريب انا سجلت رقمها علي موبيلي وبدور معاك ويسلام تكون مع حد سايقها نظبطة ونخليه عبرة ونسلمه تسليم أهالي زي الكتاب ما بيقول المهم لو لقيتها انت الاول بلغنا لحسن تيجي فيك (:
معلش نسيت ... ممكن لو في عندك صورة وعلامات مميزة زي أستيكر او شرخ زجاج او خبطة ومعلومات زي اتسرقت فين بالظبط والساعة كام وكان فيها بنزين قد ايه؟ ولو كان فيها حاجات محتاجة تتصلح ضروري زي موتور خفبف او بتبطل انا عارف ممكن حد يستخف بالأسئلة بس ممكن أكتر تفيدنا سامحني انا بحاول افكر معاك بشكل أيجابي ونحمس ناس تانية ممكن تكون ساكنة قريب من المكان وتساعدنا نبحث بشكل أسرع واحنا عارفين ندور فين وندور علي اية بالظبط علشان النمر ممكن تتشال بسهولة.
مرة أخرى بأكد شكري الجزيل للجميع
بالنسبة لمديرية الأمن أنا فعلا عملت بلاغ في قسم مكافحة سرقة السيارات بمديرية الجيزة وبتابع معاهم ... المفاجأة بالنسبة لي ان كل يوم بيجيبوا سيارة او اتنين مسروقين يعني موضوع السرقة ده منتشر جداً فيا ريت كل الناس تاخد بالها من الموضوع ده .
وانا طبعا زبطت مع أمناء الشرطة هناك ووعدتهم بمكافأة كبيرة لكن ناس كتير أكدوا لي إنهم مش بيقوموا بالبحث لكن لو السيارة اتمسكت في لجنة أو حادثة لا قدر الله بيجيبوها .
عشان كده انا شغال لف وبحث في الشوارع !!!
أما بالنسبة لتفاصيل واقعة السرقة فالعربية انا ركنتها يوم الثلاثاء 16/2 الساعة 9:30 بالليل
واكتشفت السرقة تاني يوم الأربعاء 17/2 الساعة 7:15 صباحاً ولقيت عربية راكنة مكان مانا كنت راكن ... ولما سألت صاحب العربية دي قالي انه ركن في المكان ده الساعة 6 صباحاً
يعني العربية اتسرقت من الساعة 9:30 مساء للساعة 6 صباحاً وأتوقع إن السرقة تمت في وقت متأخر من الليل قبل الفجر مثلاً
مكان السرقة هو شارع أحمد سوكارنو متفرع من شارع السودان خلف نادي التوفيقية للتنس وده بالقرب من منزلي
والحقيقة أنا كنت راكنها أمام عمارة سكنية وفي مكان نور يعني مش حتة مقطوعة .
العلامات المميزة في العربية بخلاف الأرقام واللون الأبيض هي ان الفانوس الخلفي شمال مكسور وفي خبطة بسيطة في الاكسدام الفيبر الأمامي شمال .
أتمنى من الجميع الدعاء لي لأن الحقيقة دي أول سيارة أمتلكها وبقالها معايا 4 شهور فقط
الحمد لله على كل حال
وتحياتي للجميع
ومازال البحث مستمراً
دعواتكم
ربنا يعوض عليك
انت في مصر يعني بالاش نتكلم
دة الاريل الخارجي للسيارة والطاصاط وغط العربية و...............غيرة وغيرة
حاجة تجيب شلل رباعي
الحمد لله ذو الفضل والكرم العظيم
عادت إلي السيارة بعد أن قام رجال الشرطة بضبطها مع بعض الشباب المنحرف يتعاطون فيها المخدرات
شكراً جزيلاً لكل من ساهم أو قرأ هذا الموضوع
و أسأل الله عز وجل أن يحفظ عليكم وعلينا نعمه وعطاياه
طب الحمد لله
مبارك وعودا حميدا ويا رب تكون لازاللت بحالتها
الحمدلله
و مبروك على العودة
الف مبرووووك
الف مبروك والحمد لله
ياريت تخلى بالك وتأمنها كويس
قفل دركسيون انذار تشيل سلك البوبينة او الاسبراتير
وربنا المستعان
الف مبروك يا باشا المال الحلال مايضعش الحمد لله والف مبروك مره تانيه
:hlopaet_prv::2guns::2guns::clap:
الف الف مبروك (:
الف الف مبروووووووووووووووك ....
ربنا انشاء الله يكرمك وتلقيها .. ولو لا قدر الله لم تعثر عليها فربنا انشاء الله يعوضك خير .. لعلة اختبار من الله
الله يبارك فيكم جميعاً ومتشكر جداً ليكو كلكم
وربنا يحفظ عليكم جميعاً سياراتكم
لكن فيه موضوع مهم عاوز آخد رأيكم فيه
على فكرة أثناء بحثي عن سيارتي وجدت سيارات كثيرة في شوارع مختلفة
تلاقي العربية عليها كوووووم تراب
كاوتشات نايمة
باب أوزجاج أو شنطة او كبوت مفتوح
بصراحة بيبقى باين عليها جدا انها مسروقة
مش عارف اعمل ايه علشان أصحابها يلاقوها
حاولت أبلغ البوليس
لكن للأسف مفيش الاهتمام الكافي
مفيش أي طريقة أقدر بيها أوصل لصاحب العربية ؟
بصراحة حاسس جداً بشعور أصحاب السيارات المسروقة لأني جربت وربنا ما يوريكم شعور التجربة دي
يا ريت لو حد عنده اقتراح يقوله
وربنا يكرمكم جميعاً
الف مبروووك
الف الف مبروك
1000 مليون ميروووووووووووووووك
وعايزين الحلاوة يا معلم ...........:36_1_1[1]::36_1_1[1]::36_1_1[1]::36_1_1[1]:
1000 مليون ميروووووووووووووووك
وعايزين الحلاوة يا معلم ...........:36_1_1[1]::36_1_1[1]::36_1_1[1]::36_1_1[1]:
الف مبروك و هذا درس لنا جميعا بالاهتمام بتأمين السيارة بقدر المستطاع حيث ان سرقة السيارات هذه الايام اصبح موضة