أستاذ أحمد أهلا وسهلا بيك
وكويس انك فتحت الموضوع هنا علشان يكون الرد مفتوح والمعلومات مفيدة للجميع بدلا من البريد الخاص
انا ما اعرفش حد عايز يبيع عربيته المستعملة انما اعتقد مصادر شراء المستعمل بيكون الآتي:
- الأعتقد الأفضل على الاطلاق هو الشراء من حد معرفة او قريبك لضمان حالة العربية بس واضح ان ده مش متوفر
- طبعا سوق العاشر يوم الجمعة وده بيحتاج تاخد معاك حد عنده خبرة في الكشف المبدئي على العربية وعارف اسعار السوق
- جريدة الأهرام يوم الجمعة
- جريدة الوسيط وبياناتها موجوده على موقعهم
www.ewaseet.com
- مواقع اعلانات بيع المستعمل على النت زي الآتي (وأرجو ده ميكونش ضد قوانين المنتدى الاعلان عن المواقع دي واذا كان ضدها أرجو حد من الادارة يمسح السطرين دول)
موقع اعلانات مصراوي المبوبة
www.masrawy.com/classfied
موقع كارز دوت كوم دوت اي جي
www.cars.com.eg
موقع كار 100 100 دوت كوم
www.car100100.com
موقع كار مصر دوت كوم
www.carmisr.com
أهم حاجه بأه في رأيي هي ان اللي هتشتري منه العربية بعد الاتفاق على السعر أنه يوافق انك تجيبها التوكيل تكشف عليها (على حسابك حوالي 130 جنيه) قبل انهاء الشراء علشان تتطمن (أو مركز خدمة كويس انما مش محطة بنزين لأن محطات البنزين اللي بتكشف دي في رأيي عملاها مصدر رزق وخلاص بدون كشف بجدية وصدق) ،وطبعا الكشف ده بيعرفك كل حاجه فيها من سمكرة ودهان يعني حالة الصاج وهل فيه حوادث ومن حالة الموتور والعفشة والفتيس والعربية عاوزة ايه اصلاح وقطع غيار
وربنا يوفقك للخير
المفضلات