الموضوع: ايه رأيكم؟

المشاركة الأصلية كتبت بواسطة muslima

وده

نصر 127 موديل 83 - اريع ابواب - لون بترولي - دواخل فابريقة - حالة عامة ممتازة
المطلوب 14000 جنيه قابل للتفاوض المعقول

طيب مانتى بتقولى 127 موديل التمانينات طيب و ليه ترمى نفسك فيها طيب مانتى عندك بالـ14 تجيبى فيات 128 و برضة فى التمانينات بس أهم حاجة و قولتهالك لازم يبقى معاكى رااااااااااااااجل بيفهم فى العربيات لأن البنات عمتا يا أما بيتضحك عليهم أوى يا أما الناس بتتعاطف معاهم و عمتا أنسى موضوع التعاطف دة خاااااااالص لأنها بتكون مع شخصيات معينه فلازم يبقى معاكى واحد قريبك أو اخوكى او جوزك أو أى بنى أدم فى العيله ويكون على الأقل بيفهم أهم مشاكل العربيه أية
يعنى ماتور عفشة فتيس الكلام دة كله عشان فى الأخر متصرفيش عليها و أهم حاجة تكشفى عليها و على فكرة متخافيش أصلا كدة كدة السوق أسعارة واقعة الأيام دى و فى نفس الوقت متستعجليش خالص كدة كدة محدش بيبيع ولا حد بيشترى و يتهئ لى مشاكل العربيات إلى حصلت فى الفترة الأخيرة هتخلى الأسعار فى التراب كمان

المشاركة الأصلية كتبت بواسطة muslima

وانا مش حاسة ان السوق اسعاره واقعة

بالعكس شايفة الناس بتغلي


المهم هي العربية الاتوس بتعمل كام؟

بصى هوا للأسف فيه ناس بتشوف عربياتها دى تحفة أثارية و كأنهم هيبيعوا أنف أبو الهول المفقود
عمتا بيكون نسبه الناس دى تتراوح من 60% إلى 70%
و الباقى كله بيبيع بالأسعار الطبيعيه
و الأغرب لما واحد يروح يشترى عربيه يلاقى صاحبها يقولة دى كانت بتاعة أسرة طيب يا عم ماهى يا ريتها بتاعة شاب دى اسرة يعنى عيال صغيرة و أكيد التابلو كان حماده أبن صاحب العربيه بيلعب فيه لحد ماخلاه يدوب و الكراسى من كتر التنطيط عليها نزلت جمب العفشه دا غير الفرش بتاع الأبواب إلى أكيد هيكون مرسوم عليه بالأقلام الرصاص و الجاف و كأن العربيه بتتباع بالذكرى بتاعتها
عمتا يعنى فكك من الناس دى كلها
و خليهم يدوروا على إلى يشترى عربيتهم و زى مابيقولوا مابين البايع و الشارى يفتح الله
هوا مش هيعرف يبيع العربيه بتاعته بالسعر دة و أكيد هينزل من سعرها زى ماناس كتير أوى أشتريت عربياتها و بعدت عن السوق و نسيته و رجعت عشان تبيع عربياتها و قالت أرقام غريبة و فى الأخر نزلت الأسعار لسعر السوق الطبيعى و أنتى عمتا هتبقى عايزة تجيبى العربيه بالسعر إلى أنتى عايزاة الموضوع كله محتاج شوية صبر بس مش أكتر والله عشان ترتاحى على طول


كان فيه أعلان للأتوس موديل 1998 و كان سعرها 28 ألف من هنا

المشاركة الأصلية كتبت بواسطة muslima

يعني الاتوس ممكن تنزل ل 22 مثلا !؟؟

مش عارف والله بس أنا شوفت أعلانات تانيه متدلش على كدة لأن فيه أسعار اكتر من الـ28 بس عمتا ممكن مع الفصال بقى تشوفوا أخرها كام يعنى و كدة لأن مفيش حاجة بيتقال سعرها و بتتباع على نفس الكلام يعنى
بس أشك أنها صعبه شوية يا أما واحد هيبيعها بالسعر دة لأنه عايز فلوسها و خلاص أو مسافر او ظروف أو حاجات كده