الحمد لله ربنا كرمني واشتريت نوبيرا one موديل 97 مانيوال فول اوبشن استيراد من بور سعيد
عرض للطباعة
الحمد لله ربنا كرمني واشتريت نوبيرا one موديل 97 مانيوال فول اوبشن استيراد من بور سعيد
مبروك يا باشا
ربنا يكفيك شرها
قولنا بقى جبتها بكام
الف مبروك ياباشا
ربنا يباركلك فيها
اخدتها على كام والعداد قد اية....انا واخد اختها رمضان اللى قبل اللفات ب27 الف والعداد 119 الف ك ودلوقتى 130 الف كيلو.
1000 مبروك يا باشا
الله يبارك فيك
انت فين يا راجل انا ريقي نشف بقالي يومين عشان اعرف اي معلومات عن العربية دي من ملاكها ولا حياة لمن تنادي كويس انك موجود عشان عايز استفسر عن حاجات منك بما ان العربية بقالها سنتين معاك
العربية خلصت على 20000 الف عاملة 142000 كيلو
وواحدة معرفه هي اللي جايباهالي باسمها وواخدة 5000 الاف جنية وشوية مصارلايف حوالي الف يعنى تقريبا لغاية دلوقتى واقفة ب 26000 ولسه ما رخصتش
الف مليووووووون مبروك ليك وعليك يا اخي
ربنا يستر طريقك ويكرمك بخيرها ويكفيك شرها يااااااااااارب :ask:
الف مبروك عليك
الف مبروك عليك ربنا يديك خيرها و يكفيك شرها
تحت امرك ياباشا فى اللى تأمر بية
بالنسبة للسعر جميل جدا هيا العربيات هناك رخصت ولا غليت
على كلام حضرتك رخصت وعلى كلام اخ معانا فى المنتدى انها غليت ناء على كلامة انة واخد نوبيرا 2 ب40 الف وايام ماكنت شارى عربيتى كانت 35 الف .... طبعا مش بشكك فى كلام حد انا عايز اعرف اخبار السوق اللى هو المفروض يكون الاسعار رخصت بعد القرار بتاع فك الحظر.
بس حضرتك فكرت كويس هتعمل اية فى فك الحظر لأنة لازم يعدى 3سنين عشان تفك الحظر ب9500 او اكتر شوية وبعد خمس سنين ب50 ج فقط. ربنا ييسرلك الامور ان شاء الله
الف مبروك علي العربيه
لكن خد بالك كويس من المرور لأنها لا قدر الله لو اتقفشت هاتتعذب علي بال ما تخرجها بعد مده طويله حتي لو كانت صاحبتها اللي بتحاول
انا مش بخوفك لكن خد بالك وعلشان تفك الحظر لابد ان تكون صاحبتها معاها رخصه قيادة وترخص العربيه باسمها اولا وتعلق اللوحات وبعدين تدفع فلوس فك الحظر 9500 ج ثم تشتريها انت وتنقل ملكية في المرور
وفك الحظر بياخد شهر تقريبا
والف مبروك
مبروك الف مبروك
ومرحبا بيك عضو اخ معانا في قسم الدايو
لا العربيات رخصت هناك فعلا والنوبيرا 2 بتعمل من 22 الى 25 وده عشان حكاية فك الحظر والسوق هناك مريح فعلا وكمان يعتبر انا جايبها غالية 2000 جنية لو انا اتمسكت شوية كانت ممكن تخلص 18000 وبالنسبة للمرور ربنا يستر بس انا مش هتحرك بيها الا للضرورة ودى ضريبة لازم ادفعها عشان جبتها بالنظام ده واحنا اساسا جايبين لانوس من 3 سنين باسم اختى وبنركبها عادى وربنا بيستر يمكن عشان باسم اختى بنبقى مطمنين شوية
كنت عايز اسالك يا استاذ zcoro عن العربية عاملة اية معاك بما انها معاك بقالها فترة يعنى تعملي تقيم كدة عن مميزاتها وعيوبها واخلي بالي من ايه فيها وقطع الغيار اخبارها ايه يعنى مثلا
التيل الامامى والخلفي هو نفس النوبيرا 2 ولا فيه اختلاف كذلك سير الكاتينة والماتور كام حصان
والله ياباشا العربية ماشاء الله زى الفل معايا بفضل ربنا
اللى عملتة فيها من اول ماجبتها بخلاف الصيانة اللى اتعملت اول ما اخد العربية
تغيير زيت وفلاتر وبوجيهات وسلوك وكاوتش
بالنسبة للميكانيكا غيرت موبينا وركبت صينى وباظت بعد اسبوع وجبت الاصلى حتى الان شغالة تمام وكان عندى صوت تكتكة فى المتور بسبب التكيهات واتحلت وحتى الان الامور ماشية تمام
بالنسبة للعافشة من ساعة ماجبت العربية مغيرتش غير مقص فقط والتيل الفرامل الامامى كنت غيرتة من فترة ب75 يادوب تربيط.
عربية تقدر تعتمد عاليها بجد وقطع غيار بتاعتها هى هى بتاعت النوبيرا 2 ماعدا الكماليات والشكل الخارجى والداخلى.
بالنسبة للمكنة عندى 1500 معرفش حضرتك معاك زيها ولا معاك ال1600 كام حصان دى بقى كنت سئلت فيها كذا مرة والباش مهندس سمير وسيادة المستشار كانوا عرفونوا بس نسيت هدور على الموضوع وهبلغك ان شاء الله
وتحت امرك
10000 مبرووووووك
هو الصراحة لما بشترى حاجة زى دى يا الميكانيكى بيجبهالى بالما بروح لحد بقولة مثلاعايز سلوك لونوبيرا 1 فامش متأكد اوى
بس مقولتليش جربت العربية ولا لسة واخبار السجب والتجميع معاك اية والبعد ال100السحب عامل ازاى
والعربية كورى ولا اوروبى
لأن الاوروبى زيادة فيها اير باج و فرامل abs وفوانيس بعدسة واحيانا بفتحة سقف
لا العربيه كوري كان فيه اوربي بس مردتش اجيبها عشان زي ما قولت فيها ايرباج وabs ودي حاجات مش موجودة في النوبير المصري وهيبقى صعب صيانتها وبعدين الموتور الاوربي غير الكوري بالنسبه لوش السلندر بالنسبه لل 1600 وحاجته صعب تلاقيها غير الكوري منتشر
بالنسبه للعربيه مقدرتش احكم عليها اوى لاني سقتها بس من بورسعيد للقاهره لاكن فيه فرق كبير بينها وبين اللانوس في الثبات والراحة في القاعدة وخصوصا تغيير وضعية الكرسي والدركسيون والسحب مناسب لماتور 1500 وعربيه حجمها كبير زي دي وانا ما زودتش عن 100 كيلو بس احيانا كنت بوصل ل 120
الف مبروك ياجميل وربنا يكفيك شرها
الف مبروك ياباشا وياريت تقييم كامل ليها
عندي مشكله في الكاسيت لما بحط شريط يقعد بتاع دقيقه وبعين يخرج بره لواحده يا ترى من ايه المشكلة دى
الف مبروك اخي العزيز
بس لو تكرمت ممكن اسم التاجر الى حضرتك جبت العربية منه ورقم تلفونه لاني ان شاء الله ناوي اجيب عربية ومعرفش تاجر ثقة في بورسعيد
ولو سمحت حضرتك ممكن استفس منك عن بعض الحجات
1- الوقت الى اخذته حتى استلام العربي
2-حضرتك خرجت بالعربية من بورسعيد بنمر ولا منغير نمر
وشكرا
الله يبارك فيك
اسم التاجر اولاد حسين وليهم معرض اسمه كريستال
ثانيا مفيش حد ثقة لازم يكون عندك خبره وانت بتشتري بس اولاد حسين يعتبرو من اكبر التجار هناك
ممكن تستلم في نفس اليوم او تاني يوم بالكتير
انا خرجت من غير نمر بس بتدفع حاوالي 250 عشان تعدي فى منفذ الجمرك وفي كل كمين كدة يعني
بس حابب اعرف العربيه باسمك ولا فيه حد هيجبهالك باسمه
ولو فيه اي استفسار انا في الخدمه
انا كان لي تجربة مع اولاد حسين في السيارة السابقة مع د.سمير ..كان عايز يمضيني على اقرار اني متنازل عن ضريبة المبيعات له...وانا طبعا كان اول مره ومش فاهم حاجة....بلاش الناس دول ناس مش دوغري
ادخل على الموقع ده ودول ناس هيفيدونك وصادقين ومش منتظرين مقابل...
مكتب الاستاذ للسيارات المجهزه
كويس انك نبهته عشان ياخد باله ثانيا لوخدت بالك من ردي تلاقينى كاتب مفيش حد هناك ثقة وسامحني حتى المكان اللي حضرتك كاتبة
اهم حاجة لازم يقلب العربية كويس وياخدها بالتمن المعقول وما يمضيش على اي حاجة الا لمايقراها ولو عمل كده يشتري من اي حد وهو مطمن
ثانيا دلوقتى مبقاش زي زمان اللي بيتاجرو هناك بقو يتعدو على الصوابع واولاد حسين رغم اننا مجبناش عربيتى اختى من عندهم لاكن هما دلوقتى اكتر ناس بينزلو شغل
الف مبروك عليك ربنا يديك خيرها و يكفيك شرها
انا كنت اشتريت العربية من معرض اسمة انتر فوود
متثقش في حد غير فى نفسك وخبرتك انت ولو حد معاك فاهم
قلب العربية كويس جدا من اصغر حاجة لأكبر حاجة لو دواسة ناقصة متتنازلش عنها ومتخليش التاجر يبعلك حاجة على مزاجة او يرشحلك حاجة وخلى بالك من الاساسيات ديما والبرووومة كويس جدا
بالنسبة للورق هو الافراج الجمركى وبيكون بأسم المعاق وتقريبا بالكتير يومين وتستلم لحد ما الافراج يخلص
اولا الف مبروووووووووووووووووووك
الواحد بيفرح لما بيلاقي حد معاه نوبيرا ون (زي حالاتي)
العربية حلوه ومبتهنش صاحبها (الي حدا ما)
بالنسبة للكاست عادي عندي نفس العيب
وحاجة كمان هتلاحظها ان امبير الحراره هتلاقية بيستهبل فمتقلقش
وربنا يكفيك شرها وشر بتوع المرور