السلام عليكم اتمنى كلكوا تكونوا بكل صحه و خير
الحمد لله النهارده عملت صيانه ال 20000 للعربيه
دخلت التوكيل الساعه 11.30 جالى اللى واقف على الباب خد رقم العربيه و كتب اسمى فى الكشف قالى قدامك 3 عربيات و يبدأوا فى عربيتك
انا قلت ده حلو مش هياخدوا وقت المهم دخلت ركنت جوا التوكيل
دقيقتين و جالى مهندس الصيانه خد بيانات العربيه و عرف انا عمل صيانه ايه و كتب اللازم عنده و بعديها لقيت جيه الاخ الميكانيكى خد العربيه و الراجل ده بقى زى العسل :E_braces[1]: بقولوا ظبطلى العربيه بقى يا معلم قالى هخليها تجيب 120 على الغيار الاول عشان خاطرك يا باشا :049:
العربيه دخلت الصيانه الساعه 12.00 و اول الميكانيكى ما خد العربيه قلتلوا بلاش تغيرلى فلتر الهوا قالى ليه قلتلوا عشان بركب الفلتر الاسبورت اللى انا جايبه قالى ايوه يا معلم ده صوتو جامد :E_braces[1]: قالى خلاص مش هيغروا ووفر 100 جنيه بتاعته
غيرلى زيوت و ربط العافشه و زود ميه المساحات و كان عندى لمبه الفرامل محروقه اشتريتها من بره بى 10 جنيه و هما ركبوها اديتلوا اللمبه بقى و طلعت الاستراحه
بجد بقى الاستراحه ديه حاجه جامده جدا مكيفه و فيها تليفزيون و دش و كانت مشغله فيلم حين ميسره :E_braces[1]: و شربت نسكافه و طبعا كل ده ببص من فوق على العربيه و لما خلصت العربيه مسحوها خلوها بتلمع من بره و لقيت كل حاجه تمام
و المهندس قالى ابدا حوش من دلوقتى عشان صيانه ال 60000 هتتكلف 5000 جنيه :fun_36_3_4[1]: عشان فيها تغيير سيور و زيت فتيس و دول غاليين بس برده مش مشكله الكلام ده كله هيحافظ على العربيه و هيزود سعر اعاده البيع
و فى الاخر رحت الخزنه و دفعت 540 جنيه تمن الصيانه ديه شامله المصنعيه و كل حاجه و الصراحه بالنسبالى مش غاليه عشان بعد ما ركبت العربيه حسيت انها حاجه تانيه و فعلا ظبطوهالى
و انا دخلت التوكيل الساعه 11.30 و خرجت 1.30 و الصراحه وقت قليل جدا
و توكيا اسكودا ده توكيل محترم جدا و المهندسين كويسين جدا و دمهم خفيف جدا جدا و روحهم حلوه و بيعاملوا الناس بطريقه حلوه اووى و انا ادى التوكيل الصراحه النهارده 10/10 و اسف لو طولت عليكوا .