انا أقول لك ليه كانوا ساكتين و فجأة اكتشفوا ان الكورولا دي محصلتش حتى 1100 موديل 70. المشكلة الرئيسية يا سيدي الفاضل ان تويوتا عملت تخفيض في أسعار الmmt حوالي 30,000 جنيه على مراحل, و ده طبعا أثر على سعر اعادة البيع للناس اللي أشترت بالغالي. الناس دي بقى حتتجنن, نعمل ايه عشان نعوض الخسارة؟ خلاص نتجمع و نستغل المشكلة الي حصلت لتويوتا في أمريكا و نروح نشتكي و نطلب نغير الفتيس لأوتوماتيك عشان الأوتوماتيك سعرها مانزلش.
طيب 33 واحد عملوا شكوى من أصل 6500 مالك للسيارة, يعني 0.5%, تفتكروا ده كافي انه يدي الحق لجهاز حماية المستهلك انه يلزم تويوتا تصلح ال 6500 عربية؟ لأ طبعا, و كان فيه عضو هنا قال انه لما كلم واحد من الجهاز قاله ان لو التوكيل ما تعاونش معاهم كان الموضوع لازم يدخل في قضايا عشان نوصل لأي حاجة. و بيتهيألي كلنا عارفين عربيات تانية فيها مشاكل بالهبل في موديلات كتير و مفيش حد اتحرك.
اللي يضحك أكتر ان بعد ما تويوتا وافقت على موضوع الاصلاح ده, و من غير حتى الناس ما تشوف ايه القطع اللي حتتغير ابتدت نغمة جديدة , و ابتدت تعلى أصوات الناس برفض الاصلاح و ان العيوب مش حتتصلح, و فجأه الناس أكتشفت ان مش بس الفتيس فيه مشكلة, لأ ده طلعت العربية خاماتها رديئة وفيها عيوب في الطنابير و التيل و الدريكسيون و بتعوم ........الخ. سلسلة عجيبة من العيوب اللي ظهرت فجأه و للصدفة الأعجب ظهرت في ال mmt بالذات, على حين اننا ماشوفناش العيوب دي في المانيوال و الأوتوماتيك مع انها نفس العربية و الفرق في الفتيس بس.
من الأخر انا مش معترضة ان الناس اللي اشترت بالسعر العالي تكون متضايقة من التخفيض اللي أكيد سبب لهم خسارة, و لا حتى انهم يحاولوا يشتكوا و يطالبوا بتعويض من التوكيل عن الخسارة دي, لكن رجاء.. لا تستهينوا بقدرتنا على تقييم الأمور و وضع الأمور في نصابها.
الله ينور عليك
انت كده اصيت كبد الحقيقي زي مبيقولوا
و بصراحة تحليلك ده اكتر واحد منطقي و فيه تحليل برضة للشخصية المصرية و طريقة تفكيرها
المفضلات