نصيحه للي عايز يشتري موتسيكل من النت

**Sameh** · 21-02-2010 08:21 PM

فعلاً انا بتابع صفحة الموتوسيكلات دايماً بدون مشاركات من باب انى عايز اتعلم منكم الأول ، وبلاحظ دايماً ناس بتخش فى أى موضوع بيع وشرا بتضرب أى كلام فى الهوا وبيبقا واضح جداً انه مش جاد فى الشراء أو انه محروق وبيبوظ بيعة على واحد وحاجات من دى ، فأكيد اللى عايز يشترى بجد هيتكلم من الآخر وهيطلب يشوف الموتوسيكل ويحدد ميعاد ويتصل وكدة ، مش أى فصال والسلام

**otefa** · 21-02-2010 10:08 PM

المشاركة الأصلية كتبت بواسطة mohamed_samy

بس ياجماعة النت بيسهل حاجات كتير يعنى انا من طنطا معايا موتوسيكل 919 مو 99 عايز ابيعة مش هافضل رايح جاى على القاهرة او الاسكندرية علشان ابيعة فعملت اعلان على النت بس 95 % من الناس الى بتكلمنى علية سخيفة جدا منهم الى ميعرفش حاجة فى الموتوسيكلات ومنهم الى بيستهبل وعايز يبخسة ومنهم الى يقولى تعالالى علشان اعاينة ويفاصلوا جامد فى السعر منغير معاينة وفعلا ذهقت من الناس دى

والله الاصول في البيع معروفة علي مستوي العالم الي عايز يشتري وجادي بيروح بنفسه للسلعة المعروضة للبيع
انما انت تروح دي تبقي جدعنة منك بس ممكن تتفهم غلط وان الموتوسيكل تعبان او مستعجل في البيعة ويضربلك السعر
ده غير تفرق كتير لو المشتري جالك اوانت الي روحتله لو كان راجل مش ذوق وقلل من موتوسيكلك وسابك
عند بيتك ها تاخد بعضك وتطلع بيتك عادي
انما عند بيته مثلا هتبقي تقيله شوية ولا ايه

**MR_Beno** · 21-02-2010 11:14 PM

بسم الله الرحمن الرحيم

السلام عليكم ورحمة الله وبركاته

اهلا بيكم يا شباب ارجو من الله ان تقبلوني بينكم واكون عضو خفيف عليكم

اولا كلمكم صحيح بنسبة 99%100 جميل ليه ؟

لان انا واحد من الناس خبرتي بالنسبة للموتوسيكلات تعتبر 1%100 ولواحد في المئة اتت منكم

فبتالي المواضيع التي تترحونها علي النت يستفيد منها كثير من الناس تمام .

اما انا فمن الاسكندرية وامنيتي ان اركب موتوسيكل ولاكن كل الظروف ضدي من ناحية عدم معرفتي بمكانيكي موتوسكلات لكي يعاين ولا اعلم مكان بيع الموتوسكلات استعمال او جديد
ونفسي اعرف مدارس لتعليم قيادة الموتوسكلات في الاسكندرية لذيادة خبرتي وثانيا والاهم مقدرتي على ثمن الموتوسكل وهو لا يتعدي 11 الف
و ملحوظه مهمه
ــــــــــــــــــ
تدل علي اهمية مواضيعكم القيمة

انني كنت ناوي اشتري ريسنج صيني من حيث الشكل والثمن والحمد الله وبفضل الله وبفضل مجهودكم وعطاكم في توصيل المعلومه زالت عن راسي فكرة الصيني والحمد لله

ويعلم الله انني جاد جدا في فكرة الشراء

واخيرا اشكركم على مجهدكم الكبير وبارك الله فيكم جميعا

**wael2s** · 22-02-2010 11:30 AM

كلامك صح 100 فى 100 انا بدور على موتسيكل و دايخ على النت والاسعار متفاوتة جدا و عاوز حد يساعدنى لان خبرتى صغيرة و مستعد ادفع بس محتار لو حد ممكن يساعدنى انا رقمى 0100046886
و بدور على هوندا او كوازاكى 900 فما فوق علشان عاوز حجم كبير

**د.محمود صلاح** · 22-02-2010 02:26 PM

شكراً للنصيحة ,, وملحوظة في محلها وكذلك تنطبق على السيارات

**star_is_mesho** · 24-02-2010 03:43 AM

الاماكن كتيره فى فى مدينة نصر فى شارع مصطفى النحاس
امام شركة صادكو رقم 72
وعلى نفس الناحيه بتاعة الشركه ده هاتلاقي محل تاني بتنزله بسلالم
بتاع هيثم لطفي
وكله بيكون عارض موتسيكلات بره
وفى واحد فى مساكن شيراتون عمارات صقر قريش اسمه وائل بليد
وفى فى العجوزه احمد فهمي خلف نعمة
وفى فى مصر الجديده ميدان المحكمه خالد رمضان ووليد نبيل
كل المعرض ثقه درجه اولى وكله بسعره
بس طبعا اغلى من الفرداني
والميكانيكيه بيبقو سماسره
اى ميكانيكي ممكن يوقعلك مكنه من زبون
وانت وفلوسك
والوسيط والمنتدى مليانين
والاسعار حسب الحاله
خليك فى الهوندات وابدا ب 14 استراد او 11 مستعمل

**nour2019** · 24-02-2010 04:22 AM

المشاركة الأصلية كتبت بواسطة star_is_mesho

الاماكن كتيره فى فى مدينة نصر فى شارع مصطفى النحاس
امام شركة صادكو رقم 72
وعلى نفس الناحيه بتاعة الشركه ده هاتلاقي محل تاني بتنزله بسلالم
بتاع هيثم لطفي
وكله بيكون عارض موتسيكلات بره
وفى واحد فى مساكن شيراتون عمارات صقر قريش اسمه وائل بليد
وفى فى العجوزه احمد فهمي خلف نعمة
وفى فى مصر الجديده ميدان المحكمه خالد رمضان ووليد نبيل
كل المعرض ثقه درجه اولى وكله بسعره
بس طبعا اغلى من الفرداني
والميكانيكيه بيبقو سماسره
اى ميكانيكي ممكن يوقعلك مكنه من زبون
وانت وفلوسك
والوسيط والمنتدى مليانين
والاسعار حسب الحاله
خليك فى الهوندات وابدا ب 14 استراد او 11 مستعمل

اولا للمره التانيه يا ميشو انا عاجز عن الشكر بجد سواء عن سرعة الاستجابه او عن المعلومات القيمه دي بس في نقطه ... انا كنت شغال في مصطفى النحاس جنب ابو مازن في وش محل ماندو بتاع الريسات و كان عنده حاجات غبيه و كل يوم اسمع اصوات البايكات و الهارلي و هو بيدخلهم و يخرجهم للعرض بره و اتوهمت بيهم طبعاً بس لاحظت ان كله زيرو موديل السنه او سنتين تلاته قبليها بالكتير و انا بتكلم في حاجه مستعمله تكون في الحدود دي فعلا من 11 ل 14 الف يادوبك على اد فلوسي بعني هل المعارض دي كلها زيرو و لا كلها زيرو على مستعمل و لا ايه بالضبط ؟ و كنت اتمنى انك تفيدني بخصوص متوسط اسعار قطع الغيار بتاعة الريس ايه نظامها و هل في واحد بيأجر ريسات ممكن اروحله و اتفق معاه يعلمني و احاسبه حساب الايجار و زياده شويه و اماكنهم فين واسعار التأجير ايه و معلش هتعبك معايا بس انا فعلا مش عارف اي حاجه في اي حاجه عن الريسات و نفسي اركب و الف شكرا يا باشا