بالنسبه للبوش

**smsm061274** · 19-02-2010 12:17 AM

انا كان البوش عندى تقلايبا نصف دائره وكانت العربيه بتعوم منى فى السرعات العاليه
قمت بتغيير العلبه بعد عرضها على اكثلا من عفشجى وميكانيكى وقمت بشراء علبه جديده ورمان بلى وشويه حاجات قربت من الاف جنيه.
للاسف الدريكسيون ثقيل جدا وقالولى انه هيخف ورغم انى عديت به 1000ك لكن لسه تقيل (اه يا دراعى)
المهم ان لسه فيه بوش حوالى ربع دائره وقالولى ان ده مش بوش لان العجل بيتتحرك معاه واى عربيه لادا كده.
وانا مش مقتنع بالحوار ده .
المهم انى سمعت انه يمكن ان اتحكم فى البوش بنفسى عن طريق مسمار البوش
ازاى؟ يا ريت حد يفدينى ويشاركنى الرأى لانى تعبان جدا من المشوار ده الصراحه وزعلان على الفلوس اوى

**ahmedemad15** · 19-02-2010 07:06 PM

بص يا سيدى
انا كان عندى بوش فى العربيه (وما زال عندى)
رحت لحوالى 4 ميكانيكيه وحوالى 4 عفشجيه ومن خبرتى مع الناس دى وبعد استفسار منى لاصدقائى اللى معاهم اللادا اتضحلى ما يلى:
اولا الميكانيكيه والعفشجيه هتلاقيهم نوعين النوع الاول هيقلك اه دى سهله وهات اصلحهالك وهاتلى وهاتلى وعلبه دركسون وبلى ومش عارف ايه والنتيجه ان الدركسيون بيبقى ناشف ويقلك هيطرى بعد الشويه لكن المفاجأه بتبقى ان بعد شويه البوش هيرجعلك تانى وكل واحد فيهم هيرميك على التانى الميكانيكى على العفشجى والعكس
النوع التانى ودا النوع اللى برجحه هيقلك كل العربيات اللادا دا ودا بيريحك ويريح نفسه وهذه هى الحقيقه المظلمه (انا عارف انها صدمه )
ومن الكلام دا لازم تستنتج الاتى
ان العربيه اللادا ما ينفعش تمشى بيها فوق ال100 كيلو عشان سعتها هيا بتبقى خفيفه جدا ولو فى زلطه فى الشارع ممكن تقلبهالك لقدر الله
الحمد لله على كدا هى العربيه اللادا دى تمشى بيها جوا البلد وخلاص وشكرا واسف للاطاله

**smsm061274** · 19-02-2010 07:51 PM

شكرا على ردك الغالى وانا ادركت انى اتخميت من بعد التركيب
ولكن كيف يتم عمل رجلشه العلبه

**smsm061274** · 21-02-2010 04:45 PM

انا ملاحظ ان كل الناس باعت عربياتها اللادا وربنا فتح عليها عقبلنا يا رب

**ahmedemad15** · 22-02-2010 01:57 AM

هههههههههههههههههه
ادعيلى انا كمان انا الميكانيكى قالى ياعم بيع ام العربيه وهاتلك اى حاجه تانى

**Truman** · 22-02-2010 11:52 PM

موضوع البوش ده يا جماعة بسبب علبة الدركسيون أساسا و أنا عن تجربة مريرة غيرت العلبة 3 مرات فى عمر العربية اللى داخل على 20 سنة (منهم علبة 132 و هى بتركب على اللادا عادى) المشكلة بتبق أن أغلب العلب الإستيراد بتبقى علب متصلحة و متلصمة و للأسف إختار العلبة محتاج عفشجى خبير و أمين و هتلاقى نوعين من علب اللادا واحدة بعمود طويل ( زى ال 132) و دى بتبقى تقيلة و ناشفة و فى نوع بعمود قصير هى دى اللى تدور عليها و تركبها و أن كنت تعرف حد فى إسكندرية هاتها من هناك لإن قطع غيار الإستيراد للادا هناك أنضف من عزبة شلبى و أرخص و أضمن
و عسى أكون أفدت

**smsm061274** · 23-02-2010 04:28 PM

والله انا من الاسكندريه وجبتها من انظف واحد من الاسكندرية النونو فى صلاح الدين
الصراحه الواحد كرهه العربيه بسبب البوش ده وبحاول اتعود عليه وخلاص

**Truman** · 23-02-2010 06:30 PM

و الله العربية اللادا فيها مشكلة فى حكاية جودة قطع غيارها حتى الحساسة منها و هى للأسف من أكتر الأنواع اللى فى غش فى قطع غيارها سواء جديدة أو مستعملة
لكن إنت العلبة اللى إنت جبتها جديدة و لا إستيراد و جبتها على كام؟

**thegoodhacker** · 23-02-2010 07:54 PM

اخي الحقيقة ان فعلا البوش ده عادي في كل اللادا 2105 وده فعلا بيخلي الديريكسيون علي السرعات العالية اي زلطة تخلي العربية تحدف منك ........
والدي عنده عربية لادا 2105 مهتم بيها جدا والبوش ده موجود عادي وممكن تتعود عليه بكترة السواقة علي سرعات عالية .....
البوش ده ممكن يتلم من علبة الديريكسيون بس الطارة حتبقي تقيلة جدا عن تجربة وحتقرفك بجد ........